Organistablaðið - 01.10.1984, Blaðsíða 6
Magnús Jónsson, safnvördur.
Fyrsta orgel
Hafnarfjarðarkirkju gefið
Byggðasafninu
I síðasta tölublaði Fjarðarpóstsins var frá því skýrt að Byggðasafn
Hafnarfjarðar hefði eignast fyrsta orgel Hafnarfjarðarkirkju. Þar var sagt að
Hafnarfjarðarbær, hefði keypt orgelið, en það er rangt. Gróa María
Sigvaldadóttir, ekkja Guðmundar Baldvinssonar, Hamraendum, Dölum, gaf
Byggðasafninu umrætt orgel. Áður en það komst í eigu þeirra hjóna, hafði
Óskar Daníelsson, Haukabrekku á Skógarströnd, átt það. Hann fékk
orgelið 1960 og gerði það þá upp.
Þetta orgel var notað í Hafnarfjarðarkirkju 1914—16. Það var 6 radda
útblástursorgel, smíðað í París, 110 cm á hæð og 138 cm á breidd, dýpt
85 cm. Að sögn Magnúsar Jónssonar, safnvarðar, er orgelið f sæmilegu
lagi eftir bráðabirgðaviðgerð. Kvað hann þetta merkan grip og mikinn feng
fyrir Byggðasafn Hafnarfjarðar.
Fjarðarpósturinn. Okt. 1984.
6 ORGANISTABLAÐIÐ