Organistablaðið - 01.01.1989, Blaðsíða 5

Viðtal við Guðmund Kr. Guðnason
tekið afsr. Ægi Sigurgeirssyni í mars 1988
Guðnuiiulur lcst lmustið 1988
[ grónum árdölunum inn aí Húnaflóa hefur lengi veriö sungiö og kveöið,
snemma á öldinni voru þar stofnaðir kórar, söngmenn tömdu sér nótnalestur
til að nýta betur stopular og tímafrekar æfingar, sem stundum þurfti að sækja
20-30 km á postulahestunum einum saman.
Á þessum slóðum er upprunninn Guðmundur Kr. Guðnason, sem nú
gegnir organistastörfum við Höskuldsstaðakirkju og Hofskirkju á Skaga auk
þess að vera einn traustasti söngmaður við kirkjukór Hólaneskirkju á Skaga-
strönd. Frá árinu 1940 hefur Guðmundur skráð útvarpsguðsþjónustur og
hefur nýveriö hafið söfnun til organistatals. Ritnefnd Organistablaðsins fékk
sóknarprestinn á Skagaströnd, sr. Ægi Sigurgeirsson til að taka eftirfarandi
viðtal við Guðmund.
G: - Ég er fæddur í Kárahlíð á Laxárdal 11. mars 1923. Foreldrar mínir
voru Guðni Sveinsson, hann var ættaður frá Stóra-Grindli í Fljótum, en
mamma, Klemensína Klemensdóttir var ættuð frá Höfðahólum á Skaga-
strönd. Ég ólst upp á Laxárdal, í Kárahlið, Vesturá og Hvammi. Voriö 1948
flytjum við af Laxárdalnum að Ægissíðu á Skagaströnd og þar bjó ég meö
foreldrum mínum. Eftir andlát þeirra bjó ég þar einn til ársins 1983.
Við vorum með búskap á Ægissíðu, bjuggum með nokkrar kindur, þær
hafa sjálfsagt komist upp í 30. Þarna var talsvert tún, tveir og hálfur hektari
af ræktuðu landi, sem tilheyrði þessu. Einnig vorum við með kýrfyrstu árin
svo þetta var nokkur bústofn.
Tónlistin hljómaði í kirkjunni
Æ: - Þú kynnist tónlistinni eitthvað meðan þú ert á Laxárdalnum.
G: - Já, já. Ég man nú sérstaklega eftir því fyrst þegar ég fór í kirkju. Það
var á Holtastöðum þegar Yngvi bróðir minn varfermdur. Ég varð mjög hrifinn
og sú hrifning líður mér aldrei úr minni. Organistinn var Guðríður Sigurðar-
dóttir frá Lækjarmóti, kona Jónatans á Holtastöðum, en presturinn var sr.
Gunnar Árnason frá Æsustöðum. Þetta voru mín fyrstu kynni af tónlist, en
þegar við fengum útvarpið 1938, fór ég nú að kynnast þessu betur. Ég hafði
reyndar lítilsháttar heyrt í útvarpi fyrr, þá fórum við til næstu bæja, þangað
sem útvarp var komið til að hlusta á messu.
Æ: - En hvenær byrjar þú svo sjálfur aö spila og hvenær eignast þú fyrsta
hljóðfærið?
ORGANISTABLAÐIÐ 5