Organistablaðið - 01.07.1993, Blaðsíða 7

STARFIÐ UNDANFARIÐ:
Dagskrá Kirkjulistahátíðar í Reykjavík
29. maí - 6. júní 1993
Kirkjulistahátíð 1993 hófst með setningarathöfn í Hallgrímskirkju laugardaginn 29.
maí kl. 14. Það eru Listvinafélag Hallgrímskirkju, Reykjavíkurprófastsdæmin bæði og
þjóðkirkjan sem standa sameiginlega að hátíðinni. Við opnunina voru flutt tvö verk eftir
Pál ísólfsson Lofsöngvar og Passacaglia (í hljómsveitargerð) og nýtt verk eftir Hróðmar
Inga Sigurbjörnsson Sálmar fyrir kór og fjóra einsöngvara. Flytjendur voru Kór
Langholtskirkju, Sinfóníuhljómsveit íslands og Dómkórinn og stjórnendur Jón
Stefánsson og Marteinn H. Friðriksson. Þá kynnti Þorkell Sigurbjörnsson úrslit í
samkeppni um nýtt orgelverk fyrir orgelið í Hallgrímskirkju og voru verðlaunaverkin
þrjú frumflutt af Hans Fagius og Markus Höring. Verkin sein hlutu verðlaun voru
Tvísöngur eftir Karl Mprk Karlsen,
Á sama tíma var í andyri kirkjunnar opnuð myndlistarsýning Jóns Reykdal, „Boðun
Maríu“.
Þá var í suðursal kirkjunnar opnuð sýning á íslenkum höklum á vegum
Kirkjulistanefndar þjóðkirkjunnar. í tengslum við sýninguna var gefin út bók sem gefur
mjög gott yfirlit yfir íslenska höklagerð og þar er fjallað nokkuð um viðhald og hreinsun
á kirkjutextíl. í tengslum við höklasýninguna var laugardaginn 5. júní vinnufundur um
höklagerð en þar fjallaði séra Kristján Valur Ingólfsson um notkun skrúða í messum og
Áslaug Sverrisdóttir veflistakona lýsti undirbúningi og verklagi við gerð messuklæða.
Voru þátttakendur um 25 og spunnust mjög góðar umræður.
Sunnudaginn 30. maí voru hátíðarmessur í kirkjum prófastsdæmanna. í mörgum þeirra
voru frumfluttar nýjar sálmaútsetningar eftir Þorkel Sigurbjörnsson og Oskar Gottlieb
Blarr en þeir sátu ásamt Trond Kverno í dómnefnd um nýju orgelverkin.
Fimmtudaginn 3. júní var dagskráin ,JHver ert þú, Jesú frá Nasareth?" í Hallgrímskirkju.
Þar fjölluðu Þóra Kristjánsdóttir listfræðingur og dr. Hjalti Hugason um Kristsmyndir í
íslenskum kirkjum, bæði út frá menningarsögulegu gildi þeirra og trúarlegum og
trúartáknlegum sjónarmiðum.
Ýmsir dagskrárliðir
Aðrir dagskrárliðir skiptust í tvo hópa; kórtónleika í nokkrum kirkjum á
höfuðborgarsvæðinu og tónleika í Hallgrímskirkju þar sem megináherslan var lögð á
nýja Klais-orgelið þar.
I Laugarneskirkju flutti Bærum Bach-kor norræna kirkjutónlist undir stjórn Þrastar
Eiríkssonar. Ann Toril Lindstad lék á orgelið.
í Seltjarnarneskirkju flutti Safnaðarkór Seltjarnarneskirkju Missa Papae Marcelli eftir
Palestrina og Gloríu Vivaldis undir stjóm Hákons Leifssonar.
í Langholtskirkju fluttu Kór Langholtskirkju og Barnakór kórskóla Langholtskirkju
íslenska kirkjutónlist og tónlist eftir Oskar Gottlieb Blarr og Trond Kverno.
Barnakórar prófastsdæmanna hittust í Langholtskirkju og héldu þar tónleika. Fram
koma barnakórar frá Breiðholtskirkju, Bústaðakirkju, Hallgrímskirkju, Háteigskirkju,
Langholtskirkju, Neskirkju og Seljakirkju og Skólakór Kársness.
7 ORGANISTABLAÐIÐ