Organistablaðið - 01.12.1994, Blaðsíða 12
að hafi ekki gefið mikið í aðra hönd. Kynslóð Páls Kr. Pálssonar spurði minnst um
laun heldur fórnaði stopulum frístundum fyrir hugsjónina, málefnið kæra sem þessir
eldhugar lifðu fyrir.
Fyrstu stjórn Félags íslenskra organleikara skipuðu þrír menn og áttu það sameigin-
legt auk margs annars að heita sama nafninu og hétu allir Páll.
Páll Kr. Pálsson var þeirra yngstur og kveður nú þennan heim síðastur manna úr
fyrstu stjórn félagsins. A formannsárum hans var mikið starfað í félaginu og mörg-
um stefnumálum þess hrundið í framkvæmd. Það hafði lengi verið á stefnuskrá
félagsins að gefa út eigið málgagn. Sá draumur varð að veruleika á formannsárum
Páls og fyrsta tölublað „Organistablaðsins“ kom út árið 1968.
Félag íslenskra organleikara á Páli Kr. Pálssyni mikla skuld að gjalda og vottar
minningu hans virðingu og þökk. Fyrir félagsins hönd sendi ég ástvinum hans öllum
einlægar samúðarkveðjur.
Kjartan Sigurjónsson
Minning
Sigríður Jónsdóttir
Það var fyrir rúmum fjórum árum að leiðir okkar Sigríðar lágu
saman. Bæði höfðum við verið nýráðin til að hefja safn-
aðarstarf í nýstofnaðri kirkjusókn, Grafarvogssókn.
Það var öllum Ijóst, sem báru ábyrgð á starfi safnaðarins, að
það skipti verulega miklu máli hver yrði valinn til að annast
orgelleik og kórstjórn við upphaf starfs í söfnuðinum. Margir hæfir umsækjendur
sóttu um starfið, en algjör einhugur var um að velja Sigríði til starfans. Sjálf átti hún
ekki von á því að verða fyrir valinu, en það segir sína sögu um hógværð hennar í
öllum hlutum.
Fljótt kom í ljós að Sigga, eins og við kölluðum hana ávallt, laðaði að fólk í
kórstarfið. Persónuleiki hennar, öll framkoma hennar laðaði að. Hún lagði sig alla
fram og ekki leið á löngu þar til söfnuðurinn hafði eignast góðan kirkjukór.
Það virtist ekkert draga úr framförum að allar aðstæður voru næsta frumlegar. Æft
var í kennslustofum í Foldaskóla. Þar var gamalt orgel, sem fengið var að láni hjá
söngmálastjóra þjóðkirkjunnar, stigið af krafti og eljusemi. Hinn mikli áhugi og þrot-
laus vinna organistans skilaði sér fljótt og hafði góð áhrif á safnaðarstarfið.
12 ORGANISTABLAÐIÐ