Saga

						Saga XLII:1 (2004), bls. 7?16.

Menn ættu aldrei að skrifa

í vondu skapi

Auðunn Arnórsson ræðir við  brezka sagnfræðinginn

Alan S. Milward

Alan S. Milward (f. 1935) er einn þekktasti sérfræðingur samtímans

í sögu Evrópusamrunans. Vorið 2003 lét hann af störfum sem pró-

fessor við European University Institute (EUI) í Flórens á Ítalíu, en

hann veitti sagnfræðideildinni þar forstöðu um sjö ára skeið. Hann

hafði raunar einnig verið prófessor þar á árunum 1983?1986. Nú

vinnur hann að viðamiklum rannsóknum á þátttöku Bretlands í

Evrópusamvinnunni á vegum brezku ríkisstjórnarinnar (Official

Historian, HM Cabinet Office). Hann var annars prófessor í hag-

sögu við London School of Economics and Political Science (LSE) á

árunum 1986?1996, prófessor í Evrópufræðum við Manchester-

háskóla frá 1971 til 1983 og dósent í evrópskri hagsögu við hag-

fræðideild Stanford-háskóla í Kaliforníu 1969?1971. Þar áður hafði

hann kennt hagsögu við Edinborgarháskóla og University of East

Anglia. Auk þess hefur Milward verið eftirsóttur gestakennari, t.d.

við Þrándheimsháskóla og Evrópuháskólann í Brugge.

Hann nam sagnfræði við University College í Lundúnum

(1953?1956) og hagsögu við LSE (1956?1959). Hagsagan varð

snemma það svið sem Milward einbeitti sér að og síðastliðna þrjá

áratugi hefur hann ekki hvað sízt sérhæft sig í sögu samrunaþróun-

arinnar í Evrópu, með áherzlu á efnahagspólitískar hliðar hennar.

Rannsóknir Milwards spanna annars vítt svið. Framan af fræði-

mannsferli sínum fékkst hann einkum við að rannsaka heimsstyrj-

öldina síðari og áhrif hennar á efnahagslíf og samfélög Evrópuríkja.

Hann hefur einnig skrifað almenn rit um hagþróun 19. og 20. aldar

með áherzlu á alþjóðleg efnahagssamskipti. Meðal helztu rita

Milwards eru War, Economy and Society 1939?1945 (1977), The Re-

construction of Western Europe 1945?1951 (1984), The European Rescue

of the Nation State (1992) og The Rise and Fall of a National Strategy.

V I Ð TA L

Saga 2004 - NOTA  1.12.2004 9:39  Page 7