Organistablaðið - 01.11.1980, Blaðsíða 18
Anna Eiríksdóttir,
organisti,
Fagurgerði,
Selfossi.
Anna Eiríksdóttir var fædd 28. mars 1904, að Sandhaugum í Bárðardal.
Foreldrar hennar voru hjónin þar Guðrún Jónsdóttir og Eiríkur Sturla
Sigurðsson.
Anna var elst sex systkina og ólst upp í foreldrahúsum, við þeirra tíma störf og
skólanám. Söngurog hljóðfærasláttur var iðkaður á heimilinu og lékmóðir Önnu
á harmoníum. Kenndi hún dótturinni undirstöðuatriðin í þeirri list. Einnig var
Anna um vetrartíma við orgelnám hjá Guðfinnu Jónsdóttur á Hömrum í
Reykjadal.
Um I7 ára aldur fór Anna úr heimabyggð til fraendfólks síns á Suðurlandi, þar
sem hún dvaldi um skeið. En hugur hennar stefndi til frekara náms og frama og
með þeim dugnaði, sem hún var gædd og snemma kom í Ijós, tókst henni að
komast á skóla ÍDanmörku, þar sem hún var ítvöárvið nám í hannyrðum ogfleiri
greinum.
Rúmlega tvítug árið 1 925 - giftist hún Birni Sigurbjarnarsyni frá Ytri-Tungu á
Tjörnesi. Foreldrar hans voru hjónin þar Valgerður Jónsdóttir og Sigurbjörn
Einarson.
Björn og Anna reistu sér snorturt íbúðarhús á bökkum Ölfusár, skammt
austan brúarinnar og nefndu það að Fagurgerði, eftir bæ, sem þar var fyrr á
öldum með því nafni. - Björn réðist til starfa hjá útibúi Landsbankans, sem verið
var að setja á fót á Selfossi. Gegndi hann þar síðan gjaldkerastarfi til sjötíu ára
aldurs.
Þeim hjónum fæddust sex börn: Björn, Aldís, Sturla, Valtýr, Anna Guðrún og
Baldur. Valtý misstu þau 15 ára gamlan.
Jáfnframt þeim störfum, sem tengjast þeint uppeldi barna og stjórn á stóru
heimili, lét Anna sig varða ýmis þau mál, sem stuðluðu að menningu og
framförum samfélagsins. Störf í skógræktarfélaginu voru henni einkum
hugleikin. Bertrjágarðurinn aðFagurgerði - nú Fagurgerði 4- þvívitni hveþlóma
og trjárækt var henni eðlislæg.
18 ORGANISTABLAÐIÐ