Teningur - 01.01.1989, Blaðsíða 17

fullt af súrefni handa hjartanu sem
berst og maður teygar þetta merki-
lega efni. Það var þá allt saman satt.
Hann fyllist næstum því óbæri-
legum æsingi þegar hann hugsar um
ævintýrið sem er í nánd. Strax og þeir
Morgan hafa lokið við að smíða bátinn
þá munu þeir fara til sjós undir því
yfirskini að þeir ætli að stunda fiskirí
ásamt sínum selskap. Síðan munu
þeir taka slag fyrir Vesturey og varpa
netum sínum við Kjalarnes. En óðar
en þeir sjást ekki lengur frá Reykjavík
þá munu þeir breyta um stefnu og
sigla inn með löndum norðanmegin
við Viðey og taka land á Austurey. Þá
geta þeir farið að leita að gullkross-
onum og bikuronum.
Kafli úr óprentaðri skáldsögu
GUNNAR HERSVEINN
FJÖGUR LJÓÐ
ÓSKASTEINAR
Fjarri borgarljósum
á gægjum í myrkrinu
fylgist ég með stúlku
sem bíður eftir stjörnuhrapi
um nóttina hnígur tunglið
í bogadreginni línu
hún óskar sér
kastar lofsteini til mín
og gengur sæl á braut.
ÓLJÓST ATVIK
Með demantshring
í eyra hverfur svartur köttur
inní stein. Tunglið vex
og hestur valhoppar í fjarska
en ég er bergnuminn af stúlku og
hún styður fingri á enni mitt og segir:
álfurinn þinn!
BLÁU AUGUN ÞÍN
Blár
á blárri grund
húsin trén dýrin blá einsog hafið
sólin skýin fuglarnir
allt er blátt einsog himinninn
og kyrrðin
hún er líka blá
hún er blá
og allt er í kyrrstöðu
allt nema kóngulóin
sem vefur okkur saman
með bláum þræði.
KOSSAGANGUR
Við göngum
fram af hengiflugi . . .
og á leiðinni
niður þverhnípið
gríp ég um Ijóst hárið
og dreg hana í faðm minn
finn mjúkar varir
leika um andlit mitt
og hvíslað: ég elska þig
og jörðin
kitlar okkur með kossum sínum