Teningur - 01.10.1989, Blaðsíða 45
MARTIN HEIDEGGER
HUGRAUNIR
Eitt spor
er þor
manns og gata hans,
gengin saga manns
og galla hans.
Þessa götu
er þitt að rata
spyrja þetta spor.
Spurning er þor.
Þegar árbrúnir hefjast hægt yfir
fjöllin...
Myrkvun heimsins nær aldrei Ijósi verunnar.
Fyrir guðina erum við of seint á ferð, fyrir
veruna of snemma. Ljóðið, sem hún hefur hafið,
er maðurinn.
Að láta fyrir berast á stjörnu, það eitt.
Hugsunin er ein hugsun, sem eitt sinn nemur
staðar, eins og stjarna, á himni heimsins.
Þegar mylluhjólið syngur í vaxandi storminum
utan við kofagluggann...
Eigi kjarkur hugsunarinnar rætur í hvatningu
verunnar, dafnar mál örlaganna.
Það er hamingja hugsunarinnar, að við höfum
hlutinn fyrir augunum og leggjum hlustir við
orðið í hjartanu.
Fáir hafa næga reynslu til aðskilnaðar umtals-
efnis, sem lært er, og hlutar, sem hugsaður
er.
Víst væri hlutur hugsunarinnar betri,
ef hún ætti á að skipa hlutdeilnum mönnum,
en ekki aðeins deilnum.
43