Svart á hvítu - 01.01.1978, Blaðsíða 15
M. Jú, og endurtaka hann svo, sem er raunar
ákaflega óspennandi. Það er svo auövelt.
K. Ertu að reyna að brjótast út úr þessu núna?
M. Já, ég verð að gera það. Ég er í rauninni
búinn að segja allt sem ég get um þetta. Ég hef
verið að reyna að kiþpa tíma inn í þetta og færa það
út í stærra rými. Það má segja, að það sé komið
svolítið öðruvísi aö hlutunum, en samt er nú þetta
það sama, ekki satt?
St. Nú ert þú kennari við Myndlista- og hand-
íðaskólann.
M. Þegar Hildur Hákonardóttir tók við skóla-
stjórn (1975) bauö hún mér aö kenna við skólann.
Ég tók við því uþp á það að ég fengi einhverju til
leiðar komiö. Hún sættist á það og síðan varð til
vísirinn að svo kallaðri ,,deild í mótun“. Meiningin
var náttúrlega að ná inn í skólann þeim listvið-
horfum, sem höfðu verið að mestu leyti utan dyra.
K. Að hvað miklu leyti finnst þér að eigi að
kenna handbragð í svona skóla?
M. Sko, þaó er eiginlega svo margbreytilegt
handverk, sem myndlistamaður gæti þurft að
kunna. Það er engin leið aö kenna á fjórum árum
allt það, sem gæti komið myndlistarmanni að
notum. Þá er spurningin, hvað á að kenna og
hverju á að sleppa. Kannski væri rétta leiðin, að
nemendur gætu valið sér þau handverk, sem þeir
vilja læra. Þetta er reynt að gera aö vissu marki. En
til þess þurfa auðvitað að vera vinnustofur og
kennarar í alls konar handverki til þess að nem-
endur geti hopþað á milli deilda og lagt sig eftir því,
sem þeir telja sig helst hafa not fyrir. Og sjálfsagt
þyrfti um leið að lengja námstímann. Ég er nú
þeirrar skoðunar, að nemendur í listaskólum eigi
strax að fara að fást vió þau hugmyndalegu
vandamál, sem þeir koma til með að standa and-
spænis síðar. Þessum vandamálum þarf að stilla
uþþ fyrir nemendum í byrjun listskólagöngu.
K. Finnst þér að fólk, sem ætlar að stunda
myndlist verði að hafa góða undirstöðumenntun í
teikningu?
M. Nei, mér finnst það engin algjör nauðsyn.
Fer þaö ekki eftir því að hvaða grein myndlistar
menn snúa sér og hvernig þeir ætla að nálgast
hana? Með breyttum viðhorfum í listsköpun þarf að
endurskoða alla listkennslu.
Loftræsting
Marcel Duchamp
Varðandi spurninguna um hæfilega loftræstingu virðist skoóanir mjög skiptar.
Ómögulegt virðist að gera öllum til hæfis. Hvað sem því líður er markmið okkar að
þóknast vilja og óskum meirihlutans. Stjórnandi þessa farartækis mun með
ánægju fara eftir niðurstöðum þar að lútandi. Samvinna yðar mun verða vel þegin.
DADALEIÐIR, hf
L
13