Birtingur - 01.06.1957, Blaðsíða 13

Hörður Ágústsson:
BYGGINGARLIST
Le Corbusier
■

Le Corbusier er höfundarnafn Charles Edouard Jeanneret, sem fæddur
er í svissneska bænum Chaud-de-Fonds nærri frönsku landamærunum
árið 1887. Hann stundaði ekki skólanám nema til 13 ára aldurs og hefur
aldrei í háskóla komið né hlotið neina reglulega menntun í byggingarlist.
(Það er því ekki furða þótt akademíkurum sé lítt um hann gefið, enda
gengu þeir jafnvel svo langt að efna til samtaka til að koma í veg fyrir
að Marseille-húsið hans glæsilega yrði reist). Hann er sem sagt sjálf-
menntaður og mundi að líkindum ekki fá að skrifa undir teikningu hér í
bæ, þó að við bæðum hann að koma sköpulagi á óskapnaðinn í kringum
okkur.
Átján ára gamall teiknaði hann og reisti fyrsta hús sitt í fæðingarbæ
sínum „af mikilli alúð og með f jölda hjartnæmra smáatriða“, eins og hann
hefur sjálfur komizt að orði. Þetta var á blómaskeiði Art nouveau-stílsins
svonef nda.
11