Birtingur - 01.12.1957, Blaðsíða 3

ÁVARP TIL ÍSLENZKU ÞJÓÐARINNAR
Eins og alþjóð er kunnugt samþykkti Alþingi Islendinga hinn 28. marz
1956 ályktun um að endurskoðun herstöðvasamningsins frá 5. maí 1951
skyldi fara fram með það fyrir augum að bandaríski herinn færi úr landi.
I þingkosningunum 24. júní 1956 veitti þjóðin þrem af þeim flokkum, er
að samþykktinni stóðu, meirihlutavald á Alþingi til að framkvæma stefnu-
yfirlýsingu sína. I júlímánuði 1956 mynduðu flokkar þessir ríkisstjórn
þá, sem nú situr að völdum, og var í málefnasamningi stjórnarflokkanna
heitið að fylgja fram áðurnefndri ályktun Alþingis. Á því hafa ekki orðið
efndir enn. I desembermánuði 1956 tilkynnti ríkisstjórnin, að viðræðum
við Bandaríkin um endurskoðun samnings hefði verið frestað. Síðan hefur
ekkert gerzt í málinu svo vitað sé.
Við undirrituð viljum ekki una þessari málsmeðferð. Við teljum ríkis-
stjórnina og stuðningsflokka hennar bundin af ályktun Alþingis frá. 28.
marz 1956, loforðum stjórnarflokkanna í seinustu þingkosningum og mál-
efnasamningi þeim, sem stjórnarsamstarfið byggist á. Þess vegna krefj-
umst við þess, að málið verði þegar í stað tekið upp af nýju, endurskoðun
fari fram og herinn víki úr landi að lögskildum fresti liðnum.
Við heitum á þjóðina að þreytast ekki, en sækja rétt sinn af einurð og
festu. Við heitum á fólkið í landinu að rísa upp, maður við mann, og fylkja
liði í þeirri baráttu fyrir brottför hersins, sem hafin er að frumkvæði
íslenzkra rithöfunda.
Unum engum málalokum öðrum en þeim: að þing og stjórn standi við
heit sín og herinn fari.
Anna Guðmundsdóttir, bókavörður
Anna Sigurðardóttir, frú
Árni Böðvarsson, cand mag.
Ásgeir Karlsson, stud. mag.
Ásmundur Sveinsson, myndhöggvari
Auðunn Guðmundsson, stud. jur.
Baldur Jónsson, stud. mag.
Barbara Árnason, listmálari
Benedikt Gunnarsson, listmálari
Bjarni Benediktsson frá Hofteigi
Björn Th. Björnsson, listfræðingur
Björn Þorsteinsson, sagnfræðingur
Drífa Thoroddsen, frú
Einar Bragi, skáld
Einar Haukur Kristjánsson, stud. oecon.
Einar Sigurðsson, stud. mag.
Elías Mar, rithöfundur
Emil R. Hjartarson, stud. med.
Birtingur
1