Íslenzk tunga - 01.01.1965, Blaðsíða 131
RITFREGNIR
129
eins og komið hefur fyrir mig. En miklu oftar mun Vb. leysa úr spumingum
þeirra, er lil hans leita. Eiga allir þeir sem unnið hafa að samningu hans,
þakkir skildar fyrir störf sín.
JÓN AÐALSTEINN JONSSON
OrSabók Háskóla íslands,
Reykjavík.
Bibliography of Old Norse-lcelandic Studies 1963. Edited hy
Hans Bekkeu-Nielsen and Thorkil DAMSCAAim Olsen. Munks-
gaard. Copenhagen 1964. 64 bls.
Þetta er fyrsta bindið af bókaskrá, sem ætlunin mun, að komi út árlega, og
hefur til meðferðar — svo sem greint er í formála — rit um fornnorræn
málvísindi og bókmenntir, miðaldasögu Noregs og Islands og skyld efni.
Auk ritstjóranna tveggja eru meðritstjórar þeir Halldór Halldórsson, Ludvig
Holm-Olsen, Palle Birkelund, Mogens Ilaugsted, Chr. Westergárd-Nielsen, Ole
Widding og Dag Strömbeck. Á hinn síðast nefndi ritgerð framan við sjálfa
bókaskrána (bls. 7—24), er hann nefnir The Daum oj West Norse Literature.
Skiptist ritgerðin í þrjá kafla. Fjallar hinn fyrsti um upphaf þess, að tekið var
að rita á íslenzku, og ritmennsku Islendinga til loka 12. aldar. Rekur höfundur
ætt hinna lærðu Haukdæla og mikilvægan þátt þeirra í ritun á íslenzka tungu,
m. a. líkindi þess, að fyrsta málfræðiritgerðin sé úr þeirra smiðju komin. Ann-
ar kaflinn fjallar um rituii á norsku allt frá byrjun og til loka 13. aldar. Eink-
um er dvalizt við helgar þýðingar og nýjustu leitir að textum þeim, sem þýtt
er úr. í þriðja kafla er svo farið í mjög stuttu máli yfir blómaskeið íslenzkrar
sagnaritunar, 13. og 14. öld, og gerð grein fyrir helztu bókmenntategundum
þessa tímabils. Ritgerð próf. Strömbecks er afar ljós og þægileg aflestrar, og
er þó í mjög fáum orðum farið yfir mikið efni.
Bókaskráin er óflokkuð og í einni tölumerktri stafrófsröð eftir höfundum
(eða titlum), en ritdómar eru auðkenndir með stjörnu. Á eftir venjulegri bók-
fræðilegri upptekt fylgir í hornklofum stutt greinargerð fyrir efni, ef það þykir
ekki koma nægilega vel fram í heiti ritsins. Virðist mér uppsetning og frágang-
ur bókaskrárinnar vera til fyrirmyndar.
Samtals eru í bókaskránni 333 töluliðir, en þar af eru ritdómar eitt hundrað.
Hitt eru sjálfstæð rit og greinar, og er nær þriðjungur þess úr Kulturhistorislc
lelcsikon jor nordisk middelalder, 8. bindi.
Framan við sjálfa bókaskrána eru þau tímarit talin, sem greinar eru teknar
úr. Eru þau alls 70 talsins, en þar á mcðal er að vísu talið Kulturhistorisk