Vera - 01.08.1985, Blaðsíða 22
Viðtal við Ástu
GRASA-
LÆKNI
Ásta Erlingsdóttir lœrði af föður sinum Erlingi Fiiipussyni sem sést hér á
ijósmynd til hliðar við Ástu. Ljósmynd isg
V
/
I ísskápnum heima hjá mér á ég tvenns konar smyrsl, ann-
að græðandi og hitt bólgueyðandi. Bæði eru þau fengin hjá
Ástu grasalækni og hafa reynst vel þegar á hefur þurft að
halda. Ég leitaði fyrst til Ástu vegna eyrnabólgu I syni mínum
og þegar ég fór að segja fólki þetta kom í Ijós að ég var ekki
ein um að leita á náðir jurtanna þegar önnur lækning lét á sér
standa. Mér voru sagðar ótal sögur um lækningamátt þeirra
lyfja sem fengin voru hjá Ástu, og bar þar hæst sögur af því
hversu góð smyrsl hún ætti á brunasár og gyllinæð.
Þó hin opinbera saga læknislistarinnar sé öðru fremur
saga karla, þá hafa rannsóknir kvenna engu að síður leitt í Ijós
að konur hafa alla tíð kunnað ýmislegt fyrir sér í þeim fræðum.
,,Vísar konur" eins og þær eru kallaðar á Norðurlöndunum,
hafa alltaf verið til og þær hafa varðveitt mann fram að manni
þekkinguna um lækningarmátt jurtanna og miðlað öðrum af
þessari þekkingu sinni. Ásta Erlingsdóttir er ein þessara vísu
kvenna. Reyndar er þessi þekking föðurarfur hennar því að
hún lærði undirstöðuna af föður sínum Erlingi Filipussyni sem
var vel þekktur grasalæknir á sinni tíð.
22