Vera - 01.09.1989, Blaðsíða 31
verkaskiptingu milli einstakra starfsmanna ljós-
ari.
I stofnanaþjónustu leggur nefndin megin-
áherslu á uppbyggingu hjúkrunarrýma. Miðað
við könnun um hjúkrunarþörf sem gerð var ár-
ið 1981, má ætla að í dag vanti í Reykjavík um
220 hjúkrunarpláss fyrir aldraða. Þessi þörf
mun fara hraðvaxandi á næstu 10—20 árum og
þannig má gera ráð fyrir að árið 2000 þurfum
við að hafa bætt 392 plássum við það sem fyrir
er í dag. Á biðlista ellimáladeildar eftir hjúkrun-
arplássum eru í dag um 170 einstaklingar og þar
af eru 137 á s.k. neyðarlista þ.e. þeir þurfa úr-
lausn strax. Hætt er við að fáir fái eins skjóta úr-
lausn og þeir þyrftu því það tekur alltaf sinn
tíma að byggja. Nefndin leggur hins vegar
áherslu á að þau 60 rými sem tilbúin eru í Skjóli
og í B-álmu Borgarspítalans en standa ónotuð,
verði þegar í stað tekin í notkun og auk þess
verði lagt kapp á að ljúka á næstu þremur árum
við þær 3 hæðir í B-álmu Borgarspítalans sem
enn er ólokið. Þá verði framkvæmdum hraðað
við það hjúkrunarheimili borgarinnar sem nú
er í undirbúningi þannig að það geti tekið til
starfa árið 1991—’92. Á árinu 1993 hefjist svo
undirbúningur að öðru 60—90 rúma hjúkrun-
arheimili. Þá hefur nefndin fregnað að sjálfs-
eignaraðilar áætli byggingu 70—90 rúma hjúkr-
unarheimilis á næstu árum.
Nefndin gerir ekki sérstakar tillögur um upp-
byggingu dvalarheimila á næstu árum þar sem
líklegt er að aukin og bætt heimaþjónusta muni
hafa mest áhrif á eftirspurnina eftir dvalar-
heimilisplássum. Vegna þess hversu heima-
þjónustan hefur verið vanþróuð hingað til sem
og vegna skorts á hjúkrunarplássum, má ætla
að nokkur hópur sem nú dvelst á dvalarheimil-
um gæti haldið heimili ef hann fengi við það
viðunandi aðstoð, og allnokkur hópur ætti með
raun réttri heima á hjúkrunarheimili ef slíka
þjónustu væri að fá. Þörfina fyrir dvalarheimil-
ispláss þarf að endurskoða þegar nokkur
reynsla hefur fengist af þeim breytingum sem
gerðar verða á heimaþjónustunni.
í húsnæðismálum aldraðra leggur nefndin til
að árlega kaupi Reykjavíkurborg a.m.k. 15—20
íbúðir í námunda við þjónustukjarna, sem sér-
staklega verði ætlaðar til útleigu fyrir aldraða.
Þetta gæti komið til móts við þann hóp aldraðra
— sem er allstór — sem er á biðlista eftir þjón-
ustuíbúðum fyrst og fremst vegna þess að hann
býr við mikið óöryggi í húsnæðismálum. Þetta
fólk leigir á hinum almenna markaði, stendur í
sífelldum flutningum og greiðir háa húsaleigu.
Oft á tíðum eru einu tekjur þess bætur Trygg-
ingastofnunar og þær hrökkva skammt þegar
greiða þarf háa húsaleigu. Hjá þessurn hóp fer
því saman óöryggi og fátækt. Öruggt húsnæði
á viðunandi verði myndi leysa hjá því margan
vanda.
Auk alls þessa gerir nefndin ýmsar smærri til-
lögur sem of langt mál væri að telja upp hér. Þá
eru í skýrslu nefndarinnar mjög gagnlegar upp-
lýsingar um stöðu mála í dag, fjölda rýma, bið-
lista, mannfjöldaspár, húsnæðismál o.fl. En það
er með þessa skýrslu eins og svo margar aðrar;
tillögurnar geta verið góðar fyrir sinn hatt en
það er fjármögnunin og framkvæmdin sem
ræður úrslitum. Það er m.a. verkefni Kvenna-
listans í borgarstjórn að fylgja þessu tvennu fast
eftir.
-isg.
í lok janúar sl. var skipuö nefnd á vegum
menntamálaráöuneytisins, sem hafa
skyldi þaö verk meö höndum aö endur-
skoöa lög um byggingu og rekstur dag-
vistarheimíla fyrir börn þannig aö þau
veröi rammalöggjöf um nýtt skólastig.
Meöal annars átti nefndin aö hafa þaö
aö markmiði aö lögin veittu öllum börn-
um rétt til góörar dagvistunar meö upp-
eldi og menntun viö hœfi þar til þau hœf u
grunnskólanám.
í nefndinni sitja:
Ásmundur Stefánsson, hagfræðingur, Bergur
Felixson, framkvæmdastjóri, Gerður G. Ósk-
arsdóttir, ráðunautur menntamálaráðherra,
Guðrún Alda Harðardóttir, fóstra, Hallgrfmur
Guðmundsson, bæjarstjóri, Kristín Á. Ólafs-
dóttir, borgarfulltrúi, Lára V. Júlíusdóttir, lög-
fræðingur, Selma Dóra Þorsteinsdóttir, formað-
ur Fóstrufélags fslands, Þórunn Sveinbjörns-
dóttir, formaður Sóknar, Svandís Skúladóttir,
deildarstjóri, formaður nefndarinnar, Gunn-
hildur Gísladóttir, efnafræðingur, sem kom til
starfa undir vorið að ósk Þroskahjálpar og und-
irrituð, Sigríður Lillý Baldursdóttir.
Það hefur verið áréttað við okkur sem í
nefndinni erum að við séurn þar ekki sem fuil-
trúar félaga, flokka eða samtaka, heldur sem
einstaklingar. En vissulega má finna ástæður
fyrir því að þessir urðu fyrir valinu.
Verksviö nefndarinnar
Með erindisbréfi var verksvið nefndarinnar
markað á eftirfarandi hátt:
,,I. Nefndin skal m.a. taka til umfjöllunar eft-
irtalda þætti: markmið, uppeldislegt inntak,
stjórn, ábyrgð og eftirlit, húsnæði og aðbúnað
starfsliðs og grunn- og endurmenntun þess,
starfshætti, fjölda í hópum, lengd dagvistar, en
í því sambandi skal taka tillit til meðalvinnu-
tíma foreldra, rannsóknir, ráðgjöf, sérfræði-
þjónustu og sérþarfir einstakra hópa, heilsu-
vernd, samvinnu við grunnskóla og skóladag-
heimili.
Nefndin skal taka mið af „Uppeldisáætlun
fyrir dagvistarheimili. Markmið og leiðir“ sem
kom út á vegum menntamálaráðuneytisins
1985 og lögum um grunnskóla nr. 63/1974.
II. Nefndin skal kanna hvernig best verði fyr-
ir komið kostnaðarskiptingu við rekstur for-
skólastigsins. Þar verði m.a. kannaðir eftirtald-
ir möguleikar:
a) að ríki borgi launakostnað fagfólks,
b) ríkið greiði fasta upphæð á barn til þess að
reka forskólastig og verði þessi upphæð
greidd viðkomandi sveitarfélögum,
c) að sveitarfélögin greiði allan kostnað við
forskólann.
III. Nefndin skal jafnframt gera fram-
kvæmdaáætlun til 10 ára um uppbyggingu dag-
vistarstofnana um allt land og tillögu um æski-
legasta fyrirkomulag stofnkostnaðar.“
Eins og sjá má er verksvið nefndarinnar víð-
femt og verður vart séð að henni sé nokkuð
óviðkomandi er varðar dagvistarheimili fyrir
börn.
Okkur var ætlað að skila niðurstöðum fyrir
15- júní sl. en augljóst var í upphafi að það gat
aldrei orðið. Nú gerum við okkur nokkrar von-
ir um að í okt. nk. verði hægt að skila drögum
að lögum um leikskólastigið.
Til þess að auðvelda og flýta fyrir vinnunni
skiptum við nefndinni í tvo hópa, öðrum var
falið að taka fyrir I. hluta verksins eins og því
var lýst í erindisbréfi, en hinn skyldi skoða með
hvaða hætti kostnaðarskipting vegna reksturs-
ins mætti verða. í fyrri hópnum eru Guðrún
Alda, Kristín, Selma Dóra og Svandís og hafa
þær nú þegar lagt fram drög að lögum um leik-
skóla, sem við höfum rætt á mörgum fundum
og erum enn að skoða. í hinum hópnum eru
31