Ljósmæðrablaðið - 01.09.1997, Blaðsíða 20

Edda Árnadóttir, heilsuverndarhjúkrunarfræðingur
Inngangur
Brjóstagjöf er náttúrulegt fyrirbæri og
eðlileg afleiðing af fæðingu barns. í
mörgum löndum er brjóstagjöfin hin
eina örugga aðferð til að tryggja
afkomu, vöxt og þroska hins nýfædda
barns. í öllum samfélögum er
brjóstagjöf þó eitthvað sem konur
þurfa að læra. Það er aðeins
hæfileikinn sem er meðfæddur
(Morgan, 1985).
Besta gjöfin sem móðir getur gefið
ungbarni sínu er brjóstamjólk. Slík
gjöf getur bjargað lífi barnsins ef
veikindi eða næringarskortur er til
staðar. Meðal fátækra er brjósta-
mjólkin stundum eina gjöfin
(Lawrence, 1991). Mjög margir hafa
rannsakað brjóstagjöf og þá þætti
sem hafa áhrif á hana.
Við gerð þessarar ritgerðar hef ég
aðallega stuðst við heimildir frá
Mörgu Thome (1993a, 1993b), Inch
(1991), Salariya (1991), Royal
College of Midwifes (1991),
Lawrence (1994), Mohrbacher and
Stock (1995), en einnig fleiri
heimildir sem í er vitnað í texta.
Þessi ritgerð fjallar almennt um
brjóstagjöf og hversu mikilvægt
móðurhlutverkið/foreldrahlutverkið
er. Sérstaklega er fjallað um þá þætti
sem hafa jákvæð eða hindrandi áhrif
á brjóstagjöfina.
Mikilvægi móður- og
FORELDRAHLUTVERKS
Hvers vegna vill fólk eignast börn?
Það er eðlilegur líffræðilegur þáttur
að eignast börn, en margir verðandi
foreldrar kvíða þó því hlutverki
(Uddenberg, 1977). Að eignast fyrsta
barn er oft tilefni til að stofna fjöl-
skyldu. Fjölskyldu má skilgreina sem
hóp tveggja eða fleiri einstaklinga,
sem tengdir eru tilfinninga- og/eða
ættarböndum. Einstaklingar fjöl-
skyldunnar hafa sérstök samskipti sín
á milli, oftast sameiginlegt heimili
20
LJÓSMÆÐRABLAÐIÐ