Ljósmæðrablaðið - 15.12.2003, Blaðsíða 8
Allir kristnir menn þrá frið og gleði jólanna.
Fjölskyldur reyna að vera saman, skólafólk
kemur heim, sjómenn eru flestir í landi, flestir
vinnustaðir loka svo starfsfólkið geti verið
heima með fjölskyldunni og sumir taka upp á
því að fæðast svo þeir geti verið með allri
fjölskyldunni.
Ég ætla að segja frá nokkrum jólum þar sem
ég hef þurft að fara að heiman til að hjálpa
þessum einstaklingum í heiminn.
Þó ég hafi þurft að víkja frá heimili mínu í
nokkrar klukkustundir þá hefur það ekki spillt
jólastemmingunni hjá minni fjölskyldu, heldur
frekar aukið hana.
Fyrsta barnið sem ég tók á móti um jól var á
jólum 1968. Ég var verulega þreytt á
Þorláksmessukvöld eftir undirbúning jólanna
búin að baka, strauja, sauma og þrífa til. Með
6 böm og unglinga í heimili auk eiginmannsins.
Þá kom Guðmundur Helgi læknir með konu
frá Grundarfirði, í fæðingu sem hafði ætlað
sér að fæða heima. Sóttin var lin og fæðingin
dróst á langinn svo hann ákvað að flytja hana
Elín og jólabarnið 1995
Jólasaga
Elín Sigurðardóttir
Ijósmóðir
Stykkishólmi
á sjúkrahúsið í Stykkishólmi. Þetta var rétt
eftir miðnætti og læknirinn gat ekki stoppað
lengi með konunni því liann var þá eini
læknirinn í Stykkishólmi, Grundarfirði,
Skógarströnd, Miklaholtshreppi og gott ef ekki
allri Dalasýslu líka.
Fæðingin gekk í rólegheitum alla nóttina en
rétt fyrir hádegi á aðfangadag fæddist lítið
stúlkubam. Öll þreyta konunnar hvarf eins
og dögg fyrir sólu og hún komst í hvíld fyrir
kvöldið, áður en jólahátíðin gekk í garð og
upplifði tvöfalda jólagleði með litlu telpuna
við brjóst sér.
Ég komst heim til að elda jólamatinn og gat
haldið jólin með ijölskyldunni. En ég gleymi
aldrei hvað ég var ánægð með fyrsta jólabamið
mitt þrátt fyrir að ég væri bæði syfjuð og þreytt
þessi jól.
Jólin eftir, árið 1969, var ég nýsofnuð á jólanótt
þegar síminn hringdi. Ég var beðin að koma
upp á sjúkrahús. Þessa nótt fæddi B.G.
stúlkubam og gekk allt að óskum.Ég minnist
þess hve allt var kyrrt og hljótt þegar ég gekk
heim undir morgun, mér fannst vera helgiblær
yfir öllum bænum. Heima voru öll börnin
sofandi í nýju náttfötunum sínum með
jólagjafima sínar í eða við rúmin. Til að ég
fengi frið til að sofa þann morgun fór pabbi
þeirra með þau í bíl út að Ögri og gekk með
þeim á hjami út í Jónsnes og til baka aftur en
yngsta barnið þurfti hann að bera hluta af
leiðinni heim. Þau muna ennþá þessa jólagöngu
og hvað þau voru ánægð og höfðu góða
matarlyst eftir hana.
Þriðja árið í röð fæddist jólabam, þá fæddi S.
kennari sitt fýrsta bam. Ég var kölluð upp á
sjúkrahús um miðja jólanóttina og var þar allan
jóladaginn og fram á kvöld. Þá fæddist loks
sprækur drengur eftir langa vöku en þetta tók
mest alla jólanóttina og jóladaginn allan. En