Litli Bergþór - 01.12.2010, Blaðsíða 14
Séra Sigurður Sigurðarson
Minning
Sr. Sigurður Sigurðarson, víglsubiskup Skálholts-
stiftis, lést 25. nóvember síðastliðinn. Hann flutti í
Skálholt árið 1994 er hann tók við embætti
Skálholtsbiskups og bjó þar til dauðadags. Með
honum er genginn einn merkasti kennimaður
samtíðarinnar og einn af helstu áhrifamönnum í
kirkjusögu íslands á síðari tímum.
Sr. Sigurður fæddist 30. maí, árið 1944, í
Hraungerði í Flóa. Foreldrar hans voru frú Stefanía
Gissurardóttir, húsfreyja og Sigurður Pálsson,
sóknarprestur í Hraungerði og síðar á Selfossi og
vígslubiskup Skálholtsstiftis.
Hann varð stúdent frá Menntaskólanum í Reykjavík
árið 1965 og lauk kandidatsprófi í guðfræði frá
Háskóla íslands árið 1971. Hann fór síðar til
Bandaríkjanna í framhaldsnám og lauk meistaraprófi
í guðfræði frá Princeton Theological Seminary árið
1981. Einnig stundaði hann nám í fiðluleik í
Tónlistarskóla Arnessýslu og við Tónlistarskólann í
Reykjavík 1956- 1967.
Sr. Sigurður var sóknarprestur í Selfossprestakalli
frá 1971 - 1994 er hann varð Skálholtsbiskup. Hann
sinnti kennslustörfum á Selfossi um árabil og var
stundakennari í kennimannlegri guðfræði við
guðfræðideild Háskóla íslands 1983-1984 og 1989.
Allt frá fyrstu tíð tók sr. Sigurður virkan þátt í margs
konar félagsmálum. Hann var félagsforingi hjá
skátafélaginu Fossbúum á Selfossi og sat í skóla-
nefnd Sandvíkurskólahverfis 1974- 1986, en
formaður hennar var hann 1982 - 1986. Hann var
stjórnarformaður Bæjar- og héraðsbókasafnsins á
Selfossi frá 1986, sat í stjórn Byggða- og listasafns
og sat í yfirkjörstjórn á Selfossi frá 1974. Einnig
gegndi hann trúnaðarstörfum fyrir Sjálfstæðis-
flokkinn.
Sr. Sigurður var formaður Prestafélags Suðurlands
1972 - 1974, sat í stjórn Prestafélags íslands 1984 -
1990 og var formaður þess 1987 - 1989. Hann sat
auk þess í fjölmörgum nefndum og ráðum á vegum
þjóðkirkjunnar. Hann var lengi í helgisiðanefnd
þjóðkirkjunnar og í kenningarnefnd frá árinu 1998.
Staðgengill biskups var hann frá árinu 2003.
Sr. Sigurður ritaði fjölda greina í Morgunblaðið,
Kirkjuritið og héraðsblöð Sunnlendinga auk þess
sem hann ritaði bókina Þorlákur helgi og samtíð hans
sem kom út árið 1993.
Hann var sæmdur riddarakrossi hinnar íslensku
fálkaorðu árið 1994 og stórriddarakrossi á kristni-
hátíðarárinu 2000.
Eftirlifandi eiginkona sr. Sigurðar er frú Arndís
Jónsdóttir, skólastjóri Grunnskóla Bláskógabyggðar.
Börn þeirra eru Stefanía, sem býr á Stokkseyri, og
Jón Magnús, sem býr í Vopnafirði. Fóstursonur
þeirra var Rúr^ar Kristjánsson en hann lést árið 2000.
Það voru miklar og skarpar gáfur sr. Sigurðar sem,
m.a. gerðu það að verkum að hann naut virðingar og
hafði mikil áhrif, jafnt innan kirkju sem utan. Þar
sem prestar komu saman var hann jafnan í öndvegi
og því lá beint við að þeir kysu hann til forystu.
Hann var vel lesinn í guðfræði og einstaklega fróður
um kirkjurétt og kirkjusögu. Skoðanir hans og
guðfræðistefna einkenndust af trúfesti við arfleifð og
hefðir hinnar heilögu almennu kirkju og það sama
átti við um kirkjuskilning hans.
Sr. Sigurður þótti einstakur sálusorgari og hefur
ótölulegur fjöldi notið þess, bæði í sóknarpreststíð
Litli-Bergþór 14