Fréttabréf Ættfræðifélagsins - 01.02.2004, Blaðsíða 18

Fréttabréf Ættfræðifélagsins í febrúar 2004
Almennur félagsfundur Ættfræðifélagsins 27. nóvember 2003
Fjör, fróðleikur og
frjóar umræður
Mikill kraftur í útgáfu œttfrœðirita, áhugasamir
ættfrœðiklúbbar úti á landi, DlS-undirbúningur
í startholunum og ótal aðferðir við að virkja
félaga Ættfrœðifélagsins. Þetta var meðal þess
sem kom fram á fjörugum og fróðlegum fundi í
Ættfræðifélaginu í nóvember síðastliðnum.
Ættfræðiritin streyma út á markaðinn hvert öðru
áhugaverðara og betra. Nýlega kom út einstaklega
falleg og efnismikil bók um Grímsey og Grímsey-
inga. Helgi Daníelsson ritstjóri og útgefandi verksins
kynnti bókina og sagði á skemmtilegan hátt frá vinnu
sinni við hana; hvernig hann vann við hana á daginn
og dreymdi hana á nóttunni! Bókin inniheldur 1100
myndir og er á sjötta hundrað bls. að lengd. Þar má
finna ábúendatal eyjarinnar frá 1890 og m.a. manna-
myndir sem aldrei er vitað til að hafi birst áður. en
þær fékk Helgi frá Fiskesafninu í Cornell háskólan-
um í Bandaríkjunum. Þá eru í bókinni ótal frásagnir
af atburðum, lífsháttum og mannlífi í Greímsey.
Annar gullmoli í ættfræðisafnið er nýútkomin
Landmannabók sem Ragnar Böðvarsson kynnti. Hún
spannar tímabilið frá 1703 og til okkar daga. Þar eru
allar tiltækar myndir bæði af fólki og bæjum. Verið
er að vinna í útgáfu Holtahrepps, Ásahrepps og
Djúpárhrepps.
Formaðurinn Ólafur H. Óskarsson sagði að þótt
útgáfa Reykjavíkurhlutans af Manntalinu 1910 væri
stórmerkilegt skref horfði alvarlega með fjármál
ættfræðifélagsins vegna þessa. Þetta merka rit sem er
ómetanlegt þeim sem eru að stíga sín fyrstu spor í
ættrakningunum selst seint og illa og félagið er
skuldum vafið.
Formaðurinn Ólafur H. Óskarsson sagði einnig
stuttlega frá Guðríðarætt, nýútkominni bók Hólm-
fríðar Gísladóttur, fyrrverandi formanns Ættfræði-
félagsins, en hún fjallar um ætt Guðríðar
Hannesdóttur (sjá auglýsingu hér í blaðinu).
Fjör í Firðinum
Og það er unnið við ættfræðina á mörgum víg-
stöðvum. Hörður Einarsson sagði frá því að fyrsta
þriðjudaginn í hverjum mánuði hittist hópur áhuga-
samra Hafnfirðinga á Bókasafni Hafnartjarðar, þar
sem hann hefur aðstöðu, og ber saman bækur sínar,
rekur ættir, spyr og spjallar eða fær fyrirlesara í
heimsókn, allt undir styrkri stjórn Önnu Sigríðar
Einarsdóttur. Oftast er hópurinn um tíu til tólf
manns, en 40 skráðu sig á lista við stofnun hópsins.
Bókasafnið stefnir að því að koma sér upp filmu-
safni. Hörður sagði að flestir í hópnum væru byrj-
endur á sviði ættfræðinnar og því væri mikill fengur
„Er virkilega enginn prestur í ættinni þinni? það þverfótar ekki fyrir þeim hjá mér“, gæti Ólöf Þórólfsdóttir verið að
segja við mann sinn, Hörð Einarsson, en þau hjónin eru bæði á kafi í ættfræðinni.
http://www.vortex.is/aett
18
aett@vortex.is