Neytendablaðið - 01.02.2000, Blaðsíða 10
DVD-geisladiskaspilarar
Dýrir en góðir
Neytendablaðið birtir hér
niðurstöður úr markaðs-
könnun á 39 DVD-geislaspil-
urum seldum hérlendis í des-
ember og úr gæðakönnunum
þýska neytendablaðsins test
og hollenska blaðsins Con-
sumentengids á 14 spilurum.
Atta þeirra voru á markaði
hér.
Mynd- og hljómgæði
Mynd- og hljómgæði allra
DVD-spilaranna í prófunum
erlendu neytendablaðanna
reyndust mikil eða mjög mik-
il. Sjaldan verður vart við
myndtruflanir, þó er hætta á
brenglun ef mikill hraði eða
hreyfing er í myndefninu.
Rauði liturinn sem VHS-
myndbandið á erfitt með kem-
ur skýrt fram og „blæðir" ekki
á jöðrum. Það eina sem tak-
markar myndgæðin er yfirleitt
efnið á disknum sjálfum.
Hljómgæðin geta líka verið
mjög mikil en þau fara tals-
vert eftir búnaði spilarans og
gerð magnara og hátalara en
þar er um margt að velja.
Góð kaup
DVD-spilarar fengust hér í
nýliðnum desember á verðbil-
inu um 30-117 þús. kr. Þetta
eru niðurstöðumar um spilar-
ana á íslenska markaðnum
sem voru í gæðakönnunum
erlendu neytendablaðanna:
50 þús. kr. - Toshiba SD-
2109 var ódýrasti „góði” spil-
arinn. Myndgæðin eru „mjög
mikil“ en fjölhæfnin ekki
nema „viðunandi". Ef fólk
telur sig ekki þurfa hægspilun
aftur á bak og fleiri sérhæfða
kosti eru verulega góð kaup í
þessu tæki.
60 þús. kr. - Panasonic
DVD-A 160 hlaut heildarein-
kunnina „góður“. Þetta er
víða mikið seldur spilari, ekki
mjög fjölhæfur en fékk há-
markseinkunn fyrir myndgæði
við hæg- og hraðspilun.
70 þús. kr. - Denon DVD-
2500 er mjög fjölhæfur og
hlaut heildareinkunnina
„mjög góður“ hjá test og há-
markseinkunn fyrir mynd-
gæði, líka við hæg- og
hraðspilun, sem er óvenju
gott. Hann var ekki á markaði
hér í des. sl. heldur Denon
DVD-3000 sem er svipaður
en með fleiri möguleika.
80 þús. kr. - Sony DVP-S
725 er mjög góður og fjölhæf-
ur spilari, hlaut hámarksheild-
areinkunn og hámarkseinkunn
fyrir myndgæði hjá test. Hann
er hins vegar talsvert dýr.
Svæðislásinn
• Athugið að ábyrgð á
DVD-spilurum fellur úr gildi
ef svœðislás er breytt.
Flestir DVD-spilarar eru
með svæðislás (region lock).
Framleiðendur hafa skipt
jörðinni í sex DVD-svæði og
aðeins passa saman diskar og
spilarar sem eru seldir á sama
svæði. DVD-spilarar sem
seldir eru á Islandi hafa svæð-
isnúmerið 2 og eiga því
óbreyttir aðeins að geta spilað
DVD-diska með númerinu 2,
en hann gildir m.a. fyrir Evr-
ópu. A umbúðum disksins
sést svæðisnúmerið á hnattlík-
ani. (Ef ekkert slíkt finnst er
diskurinn trúlega fyrir svæði
1, Bandaríkin og Kanada).
Þessi skipan er að verulegu
leyti komin út um þúfur.
Margir láta taka svæðislásinn
úr sambandi í spilurum sín-
um. Hljómtækjaverkstæði
setja oft upp 8-10 þús. kr. fyr-
ir slíka þjónustu en í sumum
tilvikum geta notendur gert
þetta sjálfir. Leiðbeiningar um
slíkt er að finna á Internetinu.
Sumir seljendur bjóða kóða-
frjálsa eða margsvæða DVD-
spilara (code-free, multi-reg-
ion). Allt er þetta löglegt en
ábyrgðarsamningar falla úr
gildi ef tæknilegar breytingar
eru gerðar. Suma spilara er
hins vegar hægt að svæða-
stilla án þess að raska föstum
búnaði þeirra.
Kvikmyndaframleiðendur
vilja með svæðislásnum koma
í veg fyrir að myndir þeirra
séu komnar í umferð á DVD-
diskum áður en efnið er sýnt í
bíóum. Til Islands berast ekki
síst DVD-diskar frá Banda-
ríkjunum sem hafa svæðis-
númerið 1. Þeir eru af NTSC-
staðli og sjónvarpstækið verð-
ur að geta notað hann. Eldri
tæki hérlendis eru mörg að-
eins fyrir PAL-staðal en flest-
öll ný sjónvarpstæki geta sýnt
efni af báðum stöðlum (multi-
format, multisystem).
Alls staðar er hægt að spila
diska með svæðisnúmerinu 0
(code-free), en á þeim eru oft
gamlar bíómyndir, íþrótta-
eða kynlífsefni.
Svæðislásamir snerta
hvorki DVD-Audio (hljóm-
diska) né DVD-ROM (tölvu-
diska).
Svæðaskiptingin
0: Enginn lás (code free).
1: Bandaríkin, Kanada.
2: Evrópa, Japan, Miðaustur-
lönd, Egyptaland, S.-Afr-
íka, Grænland.
3: Suðaustur-Asía.
4: Ástralía, Nýja Sjáland,
Rómanska Ameríka.
5: Rússland, A.-Evrópa, Afr-
íkulönd, Indland, A.-Asía.
6: Kína.
Gæðakönnun á DVD-spilurum
Gefnar eru einkunnir á kvaróanum 1-5 þar sem 1 er lakast og 5 er best. Á markaði á íslandi í janúar 2000
Akai DVP 2000 Denon DVD-2500 (*) Panasonic DVD-A 160 Pioneer DV-515 Pioneer DV 717 Pioneer DV 525
Heildargæðaeinkunn 4 5 4 4 4 4
Myndgæði (30%) 5 5 5 4 4 4
Hljómgæói (25%) 5 5 5 4 5 4
Bjögunarleiðréttingar (15%) 4 4 4 4 4 4
Þægindi i notkun (20%) 4 4 4 3 3 3
Fjölhæfni (5%) 4 5 4 4 4 4
Umhverfisþættir (5%) 3 5 5 5 3 4 _
(*) Hér á markaði er Denon DVD-3000 sem er svipaóur en með meiri búnað.
10
NEYTENDABLAÐIÐ - febrúar 2000