Neytendablaðið - 01.06.2004, Blaðsíða 20

Anægjulegar markaðshræringar
Burt með óþarfa tilkostnað
Svo virðist sem íslenskir neytendur séu
um þessar mundir að losna við ýmiss
konar þarflausan tilkostnað í viðskiptum.
Samkeppni, sem áður var einkum í orði, er
farin að sjást á borði. í heilan mannsaldur
var nokkurn veginn sama hvar landsmenn
keyptu bensín, tóku tryggingar, seldu
íbúð, fengu lán eða lögðu inn sparifé.
En nú má loks greina nokkra breytingu,
vott af samkeppni í raun. Það hlýtur að
borga sig að fylgjast með og bregðast
við því fáir komast hjá því að skipta við
bensínstöðvar, tryggingafélög og banka.
Það eru að opnast ný tækifæri fyrir ney-
tendur til að styðja við bakið á þeim sem
reyna að rjúfa samráðsmúra og bjóða
samkeppni í verki þar sem engin var
fyrir.
Ný samkeppni - betri kjör
Verulegur skriður komst á lækkun
flugfargjalda í fyrravor. Vonandi kemur
ekki bakslag í þá þróun. Með auknum
umsvifum Atlantsolíu hófst nokkur
samkeppnistitringur hjá olíufélögunum.
í febrúar sl. fór í gang spennandi ferli
á fasteignamarkaðnum. Fasteignasalan
Draumahús kynnti róttæka nýjung og
auglýsti fast verð fyrir hverja sölu,
179 þús. kr. Skömmu seinna bauðst
fasteignasalan Nethús til að taka 1%
söluþóknun og sex fasteignasölur, sem
standa að vefnum hus.is, buðust til að
taka einkasöluþóknun þótt allar sex
myndu reyna að selja. Ef slík kjör vekja
þau viðbrögð sem vænta má og bjóðast
til frambúðar lækkar tilkostnaður hjá
seljendum svo um munar.
Um miðjan mars var greint frá því í fjölmiðlum
að í úttekt Félags íslenskra bifreiðaeigenda
á rekstrarkostnaði bifreiða hefði komið
í Ijós veruleg lækkun á lögboðnum
tryggingum. Framkvæmdastjóri félag-
sins vildi þakka þetta samkeppni frá
íslandstryggingu sem er í samstarfi við
FÍB. Loks má nefna að með eflingu trygg-
ingafélagsins Varðar er boðuð lækkun á
tryggingum heimila og fyrirtækja. Mér er
sagt að margir hafi að undanförnu leitað
tilboða í allar sínar tryggingar og náð ver-
ulegum lækkunum.
Innri afhjúpun
Neytendasamtökunum hefur bæst liðsauki
í baráttunni gegn verðhækkunum og
gagnrýni á hæpnar aðferðir auglýsenda.
Við erum farin að sjá dæmi um gagnkvæma
og upplýsandi gagnrýni auglýsendanna
sjálfra. Væntanlega minnast margir þess
enn þegar lýst var eftir konu í eins konar
mót-auglýsingu e-korta gegn villandi
fullyrðingum í VISA-auglýsingu á heilli
opnu í Fréttablaðinu og Morgunblaðinu
í lok febrúar sl. Þar var sláandi afhjúpun
á villandi framsetningu og hálfsann-
leika. Slíkar uppákomur verða að teljast
fagnaðarefni þótt þær kosti sitt. Þær geta
stuðlað að því að fullyrðingar bíræfinna
auglýsenda séu teknar með viðeigandi
fyrirvara.
Ritdeilur þeirra sem starfa í viðskipta-
heiminum geta líka komið neytendum
að gagni. Margir hafa væntanlega ekki
tekið eftir hækkun á þóknunum hjá
MasterCard fyrr en um þær var deilt í
Morgunblaðinu af framkvæmdastjóra
Samtaka verslunar og þjónustu og fram-
kvæmdastjóra MasterCard-Kreditkort.
Neytendur geta væntanlega tekið undir
lokaorðin í grein Sigurðar Jónssonar hjá
SVÞ í Morgunblaðinu þann 30. mars sl.:
„Laumulegar gjaldskrárhækkanir sam-
rýmast ekki almennum viðmiðunum um
góða viðskiptahætti."
Þarflaus tilkostnaður
Þótt fréttir af lækkandi þóknun fasteigna-
sala séu ánægjulegar virðast þeir allir
fastir í úreltu auglýsingafari. Það verður
að teljast löngu tímabært að hætta að
birta auglýsingar um íbúðir, sem eru til
sölu, vikulega í tveimur dagblöðum. Því
ekki að taka mið af því að það er bæði
auðveldara og fljótlegra fyrir þá sem ætla
að kaupa íbúð að nota netbirtinguna til
20 NEYTENDABLAÐIÐ 2. TBL. 2004