Neytendablaðið - 01.12.2004, Blaðsíða 21
Hver er munurinn í reynd?
Moltugerð
Lífræn ræktun
Lífræn ræktun byggir á alþjóðlegum
stöðlum um lífrænar aðferðir. í lífrænni
ræktun eru sáðvara, áburður og varnarefni
af náttúrulegum uppruna; lífrænn úrgangur
er nýttur í safnhaugagerð og skiptiræktun
er beitt í stað síræktunar til að auka frjó-
semi jarðvegs og fyrirbyggja efnaskort og
sjúkdóma; búfé er fóðrað á lífrænum efnum
og strangar kröfur gilda um góðan aðbúnað
þess og velferð. Notkun á tilbúnum áburði,
skordýraeitri, fyrirbyggjandi lyfjum og
erfðabreyttum efnum er bönnuð. Markaðs-
setning lífrænna afurða er því aðeins heimil
að óháður aðili (faggilt vottunarstofa) hafi
reglubundið eftirlit með starfseminni og
votti hana í kjölfar árlegra úttekta.
Vistvæn ræktun
Vistvæn ræktun er hugtak sem notað er til
að lýsa hefðbundinni íslenskri landbúnaðar-
framleiðslu þar sem gæðastýring er viðhöfð
varðandi þætti sem almennar reglugerðir
um landnýtingu og aðbúnað búfjár kveða á
um. Skýrslur eru haldnar um framleiðsluna;
notkun tilbúins áburðar, fyrirbyggjandi lyfja
og varnarefna er heimil innan tiltekinna
marka, og ákvæöi eru um úrbætur á landi
sem metið er í slæmu ástandi. Ráðunautar
og dýralæknar annast eftirlit með þessari
gæðastjórnun.
Hefðbundin ræktun
Hefðbundin ræktun er öll sú ræktun sem
ekki er vottuð lífræn, hvort sem hún er
gæðastýrð eða ekki, „vistvæn" eða „ekki
vistvæn". Hefðbundin ræktun er misjafnlega
mikið tæknivædd og innan vébanda hennar
má finna lítt tæknivædda smábændur
sem nota lítið af tilbúnum áburði, lyfjum
og öðrum aðfengnum efnum, og hátækni-
vædd bú sem stunda stórfellda ræktun
og nota tilbúinn áburð og önnur aðfengin
efni í miklum mæli. Þannig einkennast til
dæmis íslensk sauðfjárrækt og talsverður
hluti mjólkurframleiðslu og matjurtarækt-
unar af smáum einingum og lítilli notkun
aðfenginna efna, en svínarækt og fram-
leiðsla kjúklinga einkennist af stórum tækni-
væddum einingum sem byggja á mikilli
kjarnfóöurgjöf.
21 NEYTENDABLAOIÐ 4. TBL. 2004