blaðið - 16.03.2006, Blaðsíða 10

10 I ERLENDAR FRÉTTIR
FIMMTUDAGUR 16. MARS 2006 blaöÍA
GIRNILEGIR
& GÓÐIR
SMÁRÉTTIR í VEISLUNA
OSTA OG SÆLKERAKÖRFUR
LÉTTIR RÉTTIR í HÁDEGINU
VEISLUÞJÓNUSTA
SMÁRÉTTIR SÉRVARA
OSTABÚÐIN ‘íÐef/lcciTeöAetv
Skólavörðustlg 8, 101 Reykjavlk - Pöntunarslmi: 562 2772
Alexander Milinkevich ávarpar stuðningsmenn sína. Hann berst fyrir umbótum á hagkerfi Hvít-Rússa. Remers
Gengið til kosninga í síð-
asta einræðisríki Evrópu
99............................................
Nánast öll fjölmiðlun í Hvíta-Rússlandi er í höndum
ríkisins. Lukashenko notfærir sérþá óspart til þess
að fegra ástandið í landinu og varpa fram dökkri
mynd afþeim fyrrum Sovétlýðveldum sem hafa
tekið upp vestrænar lýðræðishefðir. Andstæð-
ingar Lukashenko hafa ekki mikinn aðgang að
ríkisfjölmiðlunum og þegar um þá er fjallað eru
þeir sagðir leppar stjórnvalda í Bandaríkjunum.
Forsetakosningar hófust í Hvíta-
Rússlandi í gær. Þeim lýkur næst-
komandi sunnudag. Öruggt þykir
að Alexander Lukashenko, sem
er sagður síðasti einræðisherra
Evrópu, fari með sigur af hólmi í
kosningunum en efasemdir um
lögmæti þeirra gæti hins vegar
leitt til spennu á milli stjórnvalda
og stjórnarandstæðinga. Kosn-
ingaeftirlitsmenn frá Evrópuþing-
inu fengu ekki vegabréfsáritun
til landsins og því mun alþjóða-
samfélagið ekki fylgjast með
kosningunum.
Tugir stjórnarandstæðinga hafa
verið handteknir og undanfarna
daga hafa stjórnvöld komið í veg
fyrir útgáfu þriggja óháðra dagblaða.
Að sögn mannréttindasamtaka hafa
á þriðja hundrað manns verið hand-
teknir undanfarnar vikur.
Helsti andstæðingur forsetans
1 kosningunum er Alexander Mil-
inkevich, fyrrum háskólaprófessor.
Helstu stefnumál hans eru að koma
á raunverulegu réttarríki i Hvíta-
Rússlandi og innleiða frelsi i efna-
hagsmálum. Auk Milinkovich býður
Alexander Kozulin, fyrrum mennta-
málaráðherra landsins, sig fram.
Hann lítur á sig sem valkost við
Lukashenko fremur en andstæðing.
Kozulin reynir að höfða til þeirra
sem eru búnir að fá sig fullsadda af
stjórn Lukashenko en óttast óreið-
una sem algjör umskipti við stjórn
landsins hefði í för með sér.
Nánast öll fjölmiðlun í Hvita-
Rússlandi er í höndum ríkisins.
Lukashenko notfærir sér þá óspart
til þess að fegra ástandið i landinu
og varpa fram dökkri mynd af þeim
fyrrum Sovétlýðveldum sem hafa
tekið upp vestrænar lýðræðishefðir.
Andstæðingar Lukashenko hafa
ekki mikinn aðgang að ríkisfjöl-
miðlunum og þegar um þá er fjallað
eru þeir sagðir leppar stjórnvalda i
Bandaríkjunum.
Ræðum andstæðinga sjón-
varpað fyrir slysni
Þrátt fyrir það var ræðum Milinkev-
ich og Kozulin sjónvarpað fyrir
slysni í síðasta mánuði, að sögn
breska blaðsins Financial Times,
og fengu kjósendur þá aðra mynd
af ástandinu í landinu. Telja stjórn-
málaskýrendur að þetta kunni að
kveikja bál sem Lukashenko muni
ekki geta slökkt.
Stjórnmálaskýrendur segja Lukas-
henko vera meðvitaðan um að kosn-
ingarnar geti hrundið af stað svip-
aðri atburðarás og hófst í Úkraínu
fyrir tveimur árum og hefur því lagt
bannviðfjöldasamkomumkringum
kosningarnar. Embættismenn hafa
lýst því yfir að tekið verði á brotum
af hörku og því er ekki útilokað að
ofbeldi brjótist út telji andstæðingar
forsetans að um augljóst kosninga-
svindl hafi verið að ræða. Andstæð-
ingar forsetans hafa boðað til mót-
mæla í Minsk, höfuðborg landsins, á
sunnudag eftir að kjörstöðum lokar.
Milinkevich hefur lýst yfir að hann
muni krefjast nýrra kosninga sýni
útgönguspár stuðningsmanna hans
að Lukashenko hafi fengið færri en
50% atkvæða. Ólíklegt telst að stjórn-
völd verði við þeirri kröfu.
Niðurgreiddur áætlunarbúskapur
Alexander Lukashenko hefur farið
með öll völd í Hvíta-Rússlandi frá
árinu 1994. Forsetinn sækir fyrir-
myndir í hagstjórn til Sovétríkjanna
sálugu og eru 80% alls hagkerfisins
ríkisrekið. Lífskjör í landinu, sem
er eitt það fátækasta í Evrópu, hafa
batnað undanfarin ár. Stafar það
fyrst og fremst af því að Rússar nið-
urgreiða gas og olíu í viðskiptum á
milli landanna. Stjórnvöld I Moskvu
hafa lýst því yfir að Hvít-Rússar
muni í náinni framtíð þurfa að
borga markaðsverð fyrir orkuna. Sér-
fræðingarAlþjóðagjaldeyrissjóðsins
telja að það myndi ríða áætlunarhag-
kerfi forsetans að fullu.
Hann sækist eftir þriðja kjör-
tímabili sínu á forsetastóli en eftir
síðustu kosningar stóð hann fyrir
breytingum á stjórnarskrá landsins.
I henni var ákvæði sem takmarkaði
hversu lengi sami maður getur setið
á forsetastóli.
Lukashenko, síðasti einræðisherra Evrópu, hefur setið á valdastóii síðan 1994. Reuten