blaðið - 15.02.2006, Blaðsíða 6

MIÐVIKUDAGUR 15. FEBRÚAR 2006 blaöi6
22 I
Óþrjótandi vinna fótboltaáhugamanns
Hafliði Breiðfjörð rekur vefinnfótbolti.net sem er t hópi mest sóttu vefsíðna landsins
ótbolti.net hefur verið starf-
andi í bráðum fjögur ár eða
síðan hann opnaði fyrst þann
15. apríl árið 2002. Hafliði Breiðfjörð
er upphafsmaður síðunnar og hefur
rekið hana æ síðan. „Upphaflega
langaði mig að gera einhverja síðu
fyrir heimsmeistaramótið sumarið
2002. Á þessum tíma var ég að vinna
á pizzastað þar sem var mjög rólegt
að gera og mig vantaði eitthvað verk-
efni til að drepa tímann. I framhaldi
af því bauðst mér að fara í samstarf
við Design Europa og þeir gerðu fyr-
ir mig nýja síðu. Fyrst ég var kominn
svona langt ákvað ég að gera bara
alvöru úr þessu,“ segir Hafliði um
hvernig ævintýrið byrjaði. Hafliði
fór svo sjálfur að starfa hjá Design
Europa og hefur unnið þar síðan
samhliða því að reka Fótbolti.net.
Lítill ágóði af netauglýsingum
,Þegar Design Europa kom inn í
þetta breyttum við síðunni sem ég
var með og allt útlit varð mjög flott.
Hugmyndin um að hafa fyrirsagnir
á forsíðunni hefur þó alltaf haldið
sér. Við erum með svo mikið af frétt-
um, rúmlega 30 á dag, þannig að
það myndi aldrei ganga að setja þær
upp með úrdrætti og svoleiðis. Þá
myndu margar fréttir bara týnast,“
segir Hafliði. Eins og nafnið gefur til
kynna fjallar Fótbolti.net eingöngu
um fótbolta. Hafliði og félagar halda
þó einnig úti síðunni handbolti.net
en hann segir þá síðu þó ekkert í lík-
ingu við hina fyrrnefndu.
Hafliði segist alla tíð hafa verið fót-
boltaáhugamaður og fékk hann aðra
áhugamenn til að starfa með sér við
vefinn. „Það hafa alltafverið nokkrir
strákar með mér í að halda síðunni
uppi en um þessar mundir erum við
bara tveir sem störfum beint við
vefinn og fáum tekjur af. En svo eru
margir lausapennar hjá okkur sem
skrifa bara af áhuganum," segir Haf-
liði en segir að tekjurnar sem um
ræðir séu ekki miklar. „Það eru ekki
miklir peningar í þessum netbransa.
Það hefur verið rosalega erfitt að fá
auglýsendur til að skilja að á Netinu
er stór hópur fólks sem auðvelt er
að ná til. En skilningurinn eykst þó

BlatilMki
Hafliði segir það gefa sér aukapúst að vera á undan stóru fjölmiðlunum með fréttirnar.
stöðugt á því að netauglýsingar skili
sér,“ segir Hafliði.
Kikk að veraáundan
með fréttirnar
Hafliði segir að Fótbolti.net fái að
jafnaði 25-30 þúsund gesti á viku
og hver gestur komi að meðaltali
fimm sinnum. Þessar tölur þýða að
vefurinn er sá áttundi vinsælasti á
landinu samkvæmt samræmdri vef-
mælingu. „Við erum náttúrulega
búnir að leggja óþrjótandi vinnu á
okkur og þá hefur það líka aflað okk-
ur fleiri heimsókna að við höfum
undanfarin 1-2 ár verið með flestar
fréttir á undan stóru fjölmiðlunum,"
segir Hafliði um ástæðuna fyrir vin-
sældum vefsins. Aðspurður hvort
ekki sé þreytandi til lengdar að vera
alltaf á tánum að uppfæra vefinn seg-
ir hann svo ekki vera. „Það kannski
gefur manni aukapúst að vera á und-
an hinum með fréttirnar, maður fær
rosalega mikið „kikk“ út úr því,“ seg-
ir Hafliði að lokum.
bjorn@bladid.net
l-MM
íds síðumar þínar?
■■■■■■■

Þórhalla Rein Aðalgeirsdóttir
Ég skoða mest bloggsíður hjá vin-
um mínum og er sjálf með blogg-
síðuna www.blog.central.is/beibur.
Svo nota ég t.d. heimabankann
minn mikið.
Kristjana Magnúsdóttir
Ég skoða mikið heimasíður barn-
anna og einnig síður vinkvenna
minna. Ég skoða líka fréttasíður
og þá yfirleitt mbl.is, en stundum
visi.is.
Sindri Snær Jensson
Uppáhalds síðan mín er fotbolti.
net og ég skoða hana yfirleitt
daglega. Annars nota ég Netið
voðalega lítið.
Helgi Einarsson
Ég skoða aðallega fréttatengdar
síður og örugglega mbl.is mest.
Svo nota ég mikið leitarsíður eins
og leit.is og google.com.
Thelma Sigurðardóttir
Ég skoða mikið blogg hjá vinum
minum. Svo hef ég mjög gaman
af síðu sem heitirtelecinco.es og
er spænsk sjónvarpsstöð sem sýnir
brot úr þáttum og svoleiðis.
Bjarni Daníelsson
Uppáhalds síðan mín erfotbolti.
net en ég skoða mbl.is líka mikið.
www. vedur. is
VEÐURSTOFA
^ ÍSLANDS
Jói útherji
knattspyrnuverslun
TIPPAÐU Á ÚRSLITIN í LEIK
LIVERPOOL OG MANCHESTER UNITED
SEM FER FRAM Á LAUGARDAGINN 18.FEB
OG ÞÚ GÆTIR UNNIÐ TIL VERÐLAUNA
www.joiutherji.is

Páskaeggin eru komin