Baldur - 07.03.1952, Blaðsíða 4
NÝIK BOKGARAR.
Árni Bergmann, fæddur 18/7
1951. Skírður 3/2 1952. Foreldrar:
Guðlaug Árnadóttir og Emanúel
Gíslason, Isafirði.
Sigurgeir, fæddur 31/1 1952.
Skírður 24/2 1952. Foreldrar:
Jenney Jensdóttir, Isafirði og Sig-
urður Sigurgeirsson, Reykjavík.
Bjarni, fæddur 25/5 1951. Skírð-
ur 25/2 1952. Foreldrar: Jóhanna
Hálfdánsdóttir og Haukur Ó. Sig-
urðsson, ísafirði.
Sigríður ólöf, fædd 13/1 1952.
Skírð 29/2 1952. Foreldrar: Mar-
grét Bæringsdóttir, ísafirði og
Magnús Lárusson, Reykjavík.
Dánarfregnir.
Bjarni Dósóþeusson andaðist í
Reykjavík 19. febrúar s.l. Hann
var fæddur í Görðum í Aðalvík 17.
júlí 1873. Lík hans var flutt hing-
að og jarðsett hér.
Guðrún Richter, Tangagötu 6,
ísafirði, andaðist 25. febrúar s.L
Hún var fædd að Kirkjubóli í
Steingrímsfirði 14. nóvember 1871.
Þann 3. þ.m. andaðist Guðný
Anna, dóttir hjónanna Friðgerðar
Guðmundsdóttur og Annasar
Kristmundssonar. Hún var fædd á
Isafirði 4. júlí 1951.
Bakkabræður.
í s.l. viku sýndi Óskar Gíslason
kvikmyndina Reykjavíkurævintýri
Bakkabræðra í Alþýðuhúsinu.
Þetta mun eiga að heita gaman-
mynd, en er það tæplega. Veldur
því einkum, að oflengi er dvalið
við hvert atriði, ævintýri, sem þeir
bræður lenda í tæpast nógu mörg
eða fjölbreytt og allur gangur
leiksins þar af leiðandi alltof þung-
lamalegur. En þess ber að gæta,
að íslenzk kvikmyndatækni er eðli-
lega á byrjunarstigi og því tæp-
lega sanngjamt að gera til hennar
miklar kröfur. Sem aukamynd var
sýnt hið kunna ævintýri úr Þúsund
og einni nótt, Töfraflaskan.
Hjónaefni.
Þann 23. febrúar s.l. opinberuðu
trúlofun sína ungfrú Guðbjörg
Pálsdóttir, verzlunarmær, fsafirði
og ólafur ólason, bifreiðarstjóri,
Súgandafirði.
Togararnir.
Eins og frá var sagt í síðasta
blaði eru báðir ísfirzku togaramir
á saltfiskveiðum fyrir suðurlandi.
Afli hefur verið góður en veiði-
veður slæmt. Ákveðið er að þeir
sigli með aflann til sölu erlendis.
Togaradeilunni
lokið'
BALPUR
LEIKFÉLAG ISAFJARÐAR:
Tony vaknar til lífsins.
Gamanleikur í þrem þáttum
eftir Harald Á. Sigurðsson.
Leikstjóri: Haraldur Á. Sigurðsson
Leikfélag ísafjarðar hefur sann-
arlega ekki legið á liði sínu það
sem af er þessum vetri, þó að aft-
ur á móti sé ekki hægt að segja,
að það hafi framreitt of strembið
eða kjarnmikið fóður. Fyrir hátíð-
ar í vetur sýndi félagið gamanleik-
inn Stundum og stundum ekki og
nú er það byrjað að sýna annan
gamanleik, Tony vaknar til lífsins,
eftir Harald Á. Sigurðsson, þar
sem höfundur sjálfur er leikstjóri
og fer með eitt hlutverkið. Frum-
sýning þessa leiks var í Alþýðu-
húsinu í fyrrakvöld.
Tony vaknar til lífsins er gam-
anleikur og ekkert annað en gam-
anleikur, sem engan boðskap hef-
ur að flytja hvorki illan né góðan,
en er aðeins gerður til þess að
koma áhorfendum í gott skap.
Efni leiksins er þetta: Gamall
geðbilaður maður hefur eytt mest-
um hluta ævi sinnar í að búa til
gerfimann og notað til þess alls-
konar skran, allt frá ónýtum
gúmmístígvélum í ágætustu málma
og nýtízku gerfiefni. Þennan gerfi-
mann nefnir uppfinningamaðurinn
Tony, ann honum heitar en lífinu
í eigin brjósti og hefur tekist að
gera hann svo fullkominn að furðu
gegnir. Þannig getur hann ekki að-
eins hreyft sig eins og mennskur
maður, heldur er hann búinn öll-
um mannlegum eiginleikum nema
einum; hann hefur enga hugmynd
um ástina. En það undarlega skeð-
ur að hann verður einnig gagntek-
inn þessari tilfinningu í ríkum
mæli. Gamli maðurinn þarf að
skreppa tímakorn af landi brott.
Hjón, sem hann þekkir, taka Tony
að sér á meðan, en á þeim tíma
vaknar ástin í brjósti hans, hann
og húsmóðirin verða ástfangin
hvort af öðru og hlaupast brott
saman en gamli hugvitsmaðurinn
lofar guð fyrir að nú sé þetta
sköpunarverk sitt og ævistarf full-
komnað.
Uppfinningamanninn, Brand
Antonsson, leikur höfundurinn,
Haraldur Á. Sigurðsson og fer,
sem vænta má, ágætlega með það
hlutverk. Gervi, framburður, lát-
bragð og allt annað er með ágæt-
um, enda er hér um einn bezta
leikara landsins að ræða.
Hjónin ,sem Tony dvelur hjá,
Þorfinn Oks, útgerðarmann og
Unni Oks, konu hans, leika þau
Óskar Aðalsteinn Guðjónsson og
frú Guðrún Bjarnadóttir. Leikur
þeirra er yfirleitt góður og stund-
um ágætur og að honum er ekk-
ert sérstakt að finna, nema þá
helzt það, að stundum heyrist ekki
nógu skýrt, það sem frúin segir.
Gervimanninn, Tony, leikur
Haukur Ingason. Þetta er vanda-
samasta hlutverkið í Ieiknum, sér-
staklega er hér vandratað meðal-
hófið milli þess vélræna og mann-
lega, ef svo mætti segja. 1 upphafi
leiksins minna hreyfingar Tony
talsvert á vélbrúðu, en er fram í
sækir verða þær mannlegri. Vera
má að til þess sé ætlast af höfundi
og leikstjóra, þar sem Tony er nú
orðinn fullkomnari og gæddur hin-
um beztu mannlegu tilfinningum,
þó væri eðlilegra, að leikinn út,
minnti látbragð þessa gerfimanns
á vélrænan uppruna hans.
Aðrar persónur leiksins eru:
Þóra Jónsdóttir, þjónstustúlka,
leikin af Rósu Þórarinsdóttur. Her-
mann Pétursson, einkabifreiða-
stjóri, leikinn af ömólfi ömólfs-
syni og Ragnar Ingólfsson, garð-
yrkjumaður, leikinn af Þorgeiri
Hjörleifssyni. Af þessum persón-
um koma þau þjónustustúlkan og
garðyrkjumaðurinn mest við sögu.
Fara þau Rósa og Þorgeir bæði
vel með þessi hlutverk, enda eru
þau talsvert vön á leiksviði,
sérstaklega Rósa, sem oft hefur
getið sér þar góðan orðstír og að
þessu sinni bregst henni heldur
ekki bogalistin þó í litlu hlutverki
sé. örnólfur mun aftur á móti ó-
vanur leiksviði og ber leikur hans
þess nokkur merki.
Sviðsetning leiksins er ágæt og
leiktjöld ný og fallega máluð af
Sigurði Guðjónssyni. Áhorfendur
tóku leiknum mjög vel, skemmtu
sér konunglega og hylltu leikend-
ur ákaft í leikslok.
Ástæða er til að gagnrýna hve
seinlega gekk afgreiðsla í fata-
geymslu fyrir sýningu, varð það
til þess að sumir leikhúsgestir
komust ekki í sæti fyrr en leik-
sýning var byrjuð, slíkt er í alla
staði ótækt og má ekki koma fyrir
aftur, enda virðist auðvelt að bæta
úr því.
önnur sýning á leiknum fór
fram í gærkvöld og var þá einnig
húsfyllir. Næstu sýningar verða í
kvöld, laugardag og sunnudag.
Að lokum færir Baldur leikfé-
laginu, leikendum og síðast en
ekki sízt Haraldi Á. Sigurðssyni
beztu þakkir fyrir góða skemmtun.
Sé það rétt, að hláturinn lengi líf-
ið, þá hafa þessir aðilar gert sitt
til þess að ísfirðingar deyi ekki
fyrir aldur fram, og hvað er á-
stæða til að þakka, ef ekki það?
í hádegisútvarpi í fyrradag var
frá því skýrt, að samninganefndin
í togaradeilunni hefði orðið sam-
mála um að leggja uppkast að nýj-
um samningum fyrir báða deilu-
aðila. Þetta samningsuppkast var
síðan lagt fyrir sjómannfélags-
fund í Reykjavík í gær og sam-
þykkt þar með yfirgnæfandi meiri-
hluta atkvæða, einnig er talið víst,
að sama verði gert í sjómannafé-
lögum á öðrum þeim stöðum, sem
þátt tóku í verkfallinu og af sjó-
mönnum á hafi úti. Þá er og full-
yrt að togaraeigendur muni sam-
þykkja samninginn.
Helztu nýmælin í þessum nýja
samningi, eru eftirfarandi:
1. Togarahásetum er tryggð 12
stunda hvíld á öllum veiðum.
2. Togarasjómenn fá fulla kaup-
gjaldsvísitölu á fastkaup sam-
kvæmt samkomulagi verka-
lýðsfélaganna og atvinnurek-
enda frá 21. maí 1951.
3. Aflaverðlaun togarasjómanna
á veiðum í salt hækka úr kr.
4,75 í kr. 6,00 á lest. Aukaafla-
verðlaun hækka úr 10% í 15%
þegar veitt er á fjarlægum
miðum.
4. Togarasjómenn fá aflaverð-
Iaun af hrognum, mjöli og
hraðfrystum fiski, og hundr-
aðshluta af farmgjöldum.
5. Hækki kaupgjaldsvísitala á
tímabilinu skal greiða hverjum
skipverja kr. 7,50 á mánuði
fyrir hvert vísitölustig yfir
148, þó þannig að uppbót
netamanns sé kr. 6,00 og báts-
manns og yfirmatsveins kr.
3,30.
Þá er ákvæði um að hlutaskipti
á ísfiskveiðum breytist þannig að
skipt verði í 33 staði í stað 31 nú
og aukaaflaverðlaun greiðast af
9000 punda sölu og þar yfir í stað
8000 punda sölu áður.
ALLIR ÞEIR,
sem vilja fá vandaða og ódýra
silfurmuni, komi sem fyrst í Saffó.
Hreinsa silfurmuni. Kaupi gull
og silfur. Pantanir afgreiddar gegn
póstkröfu um Iand allt.
Höskuldur GuIIsmiður,
Sundstræti 39, lsafirði.
ATHUGIÐ!
Þeir, sem ætla sér að fá stein-
steypurör (skolprör) í vor eða
sumar, ættu að tala við mig sem
fyrst.
Höskuldur Árnason,
Sundstræti 39, lsafirði.