Flóra: tímarit um íslenzka grasafræði - 01.04.1966, Blaðsíða 21
HELGI JÓNASSON:
FLÓRA OG GRÓÐUR í AÐALDAL
FORMÁLI.
Sumarið 1930, frá 16. júlí til 20. ágúst, fór ég víða um Aðaldal í Suð-
ur-Þingeyjarsýslu, milli Skjálfandafljóts og Laxár, norðan frá sjó og
suður að Vestmannsvatni, rannsakaði háplöntugróður á þessu svæði og
safnaði plöntum.
Tilgangurinn með rannsókn minni var aðallega þessi:
1. að fá vitneskju um hvaða tegundir háplantna vaxa á þessu til-
tekna svæði,
2. að rannsaka útbreiðslu hverrar tegundar fyrir sig,
3. að athuga í stórum dráttum helztu plöntufélög á svæðinu.
Niðurstöður þessara rannsókna birtast í eftirfarandi grein, sem upp-
haflega var skrifuð sem skýrsla til Menningarsjóðs (1931), en úr hon-
um fékk ég styrk til rannsóknanna.
Aðaldalur er allur, að lieita má, ein samfelld slétta, minna en 50 m
yfir sjó. Meginhluti Jiessarar sléttu er þakinn lirauni, sem kailast einu
nafni Aðaldalshraun, en er partur af Laxárhrauni, sem runnið hefur
úr Mývatnssveit niður Laxárdal fyrir um 2000 árum síðan. Ofan til í
dalnum og meðfram Laxá er liraunið viðast gróið og jafnvel að mestu
ltorfið í jarðveginn. Eru jrar vlða móar og mýrlendi og þar standa flest-
ir bæirnir. Niðri í dalnum hefur jarðvegsmyndun verið hægari og
hraunið ef til vill ósléttara, enda er þar óvíða samfelldur gróður en
skógarkjarr víðlent. Norðan við hraunið er jarðvegur sendinn og eins
meðfram Skjálfandafljóti.
Nánari lýsingu á staðháttum er að finna í gróðurlýsingunni.
<----------
Kort nf AtSahtnl og nágrenni. (Geodeetisk Institut.)
2* TÍMARIT UM ÍSLENZKA GRASAFRÆÐI - FlÓrtl 19