Dagskrá: tímarit um menningarmál - 01.06.1957, Blaðsíða 26

Franz Kafka:
Á svölunum
3. hluti úr „Ein Landarzt".
Ef einhver örvasa, lungnaveik hringleikareiðkona á riðandi licsti yrði mán-
uðum saman án afláts rekin hring cftir hring á reiðsviðinu frammi fyrir
óþreytandi áhorfendum af miskunnarlaúsum svipusveiflandi yfirmanni, og
sendi um leið út kossa og vaggaði sér í mjöðmunum, og ef þessi leikur héldi
áfram við undirleik óstöðvandi hljómsveitarinnar og loftræsanna, áfram
inn í gráa framtíðina, sem stöðugt opnast meir og meir, studdur af þverrandi
og enn vaxandi lófataki handa, sem í rauninni eru vélhamrar, — ef til vill
hlypi þá ungur áhorfandi af svölunum niður langar tröppumar gegnuin a.lla
pallana, ryddist á reiðsviðið, kallaði: Hættið! mitt inn í hornablástur hljóm-
sveitarinnar, sem alltaf lagar sig eftir aðstæðunum.
En þar sem því er ekki þannig varið; falleg stúlka, hvít og rauð. flýgur
fram milli tjaldanna, sem opnast tígulega f.vrir henni; forstjórinn bíður
hennar spenntur eins og dýr og leitar augnaráðs hennar í auðmýkt; lyftir
henni með slíkri umhyggju á gráhvítan hestinn, sem væri hún barnabarn
hans, sem hann elskar meir en allt annað og leggur nú í hættulega ferð;
getur ekki fengið sig til að gefa svipumerkið; þvingar loks sjálfan sig til að
gefa hið hvella merki; hleypur af stað við hlið hestsins með opinn munn;
fylgist hvössum augum með stökkum reiðkonunnar; getur naumast skilið
leikni hennar; reynir að vara hana við með upphrópunum á ensku; áminnir
hestasveinana, sem halda á gjörðunum, þrumaudi röddu um nánustu aðgætni;
sárbænir hljómsveitina upplyftum höndum um að þegja á undan hinu mikla
heljarstökki; lyftir þeirri litlu loks af titrandi hestinum, kyssir hana á báðar
kinnar og álítur enga hyllingu áhorfenda fullnægjandi; en hún sjálf, sem
studd af honum, hátt á tánum, umvafin ryki. útbreiddum örmum og hallandi
höfði, vill láta allt hringleikahúsið taka þátt í hamingju sinni. — þar sem
þessu er þannig varið, leggur áhorfandinn á svölunum andlitið á handriðið,
og er hann líkt og sekkur í þungan draum í Iokalaginu, grætur hann, án
þess að vita af því.
24
DAGSKRÁ