Sveitarstjórnarmál - 01.06.1948, Blaðsíða 51

SVEITARSTJÓRNARMÁL
47
TILKYNNING
um endurnýjun umsókna um lífeyri frá
almannatryggingunum.
Yfirstandandi bótatímabil aknannatrygginganna er útrunnið hinn 30. júní n. k.
Næsta bótatímabil hefst 1. júlí 1948 og stendur yfir til 30. júní 1949. Samkvæmt al-
mannatryggingarlögunum skal endurnýja fyrir hvert einstakt bótatímabil allar um-
sóknir um eftirtaldar tegundir bóta:
Ellilífeyri og örorkulífeyri, barnalífeyri og fjölskyldubætur,
ekknalífeyri og makabætur, örorkustyrki.
Ber því öllum þeim, sem njóta framangreindra bóta og óska að njóta þeirra næsta
bótatimabil, að sækja á ný um bætur þessar.
Umboðsmenn Tryggingastofnunarinnar munu veita umsóknum viðtöku frá 1. maí
næstkomandi til loka þess mánaðar. Ber því umsækjendum að hafa skilað umsóknum
sínum til umboðsmanna eigi síðar en 31. maí næstkomandi. Eyðublöð fást hjá umboðs-
mönnum.
Sérstaklega er áríðandi, að öryrkjar, sem misst hafa 50%—75% starfsorkunnar
og sækja um örorkustyrk, skili umsóknum á tilsettum tíma, ella má gera ráð fyrir,
að ekki verði unnt að taka umsóknirnar til greina, þar sem upphæð sú, sem nota má
í þessu skyni, er fastákveðin.
Fæðingarvottorð og önnur tilskilin vottorð skulu fylgja umsóknum, hafi þau eigi
verið lögð fram áður. Þeir umsækjendur, sem gjaldskyldir eru til tryggingasjóðs, skulu
sanna, með tryggingaskírteini sínu eða á annan hátt, að þeir hafi greitt iðgjöld sín
skilvíslega. Vanskil varða skerðingu eða missi bótaréttar.
Umsóknum um aðrar tegundir bóta en þær, sem hér að framan eru nefndar, svo
sem fæðingarstyrki, sjúkradagpeninga og ekknabætur, svo og nýjar umsóknir um líf-
eyri, verða afgreiddar af mnboðsmönnum á venjulegan hátt, enda hafi umsækjandi
skilvíslega greitt iðgjöld sín til tryggingasjóðs.
Reykjavík, 16. apríl 1948.
Trvggingastofnun ríkisins.
f árslok 1946 var íbúatalan 936.
Fjárskipti milli Sauðárkrókskaupstaðar
annars vegar og sýslunnar hins vegar,
hafa nú farið fram. Var fjárskiptasamn-
ingurinn samþykktur af sýslunefnd og
bæjarstjórn, og undirritaður 19. septem-
ber s. 1.
Báðir aðilar eru ákveðnir í því að halda
saman hinni gömlu menningarheild Skag-
firðinga, þeir vilja eiga og reka sameigin-
lega í óskiptilegri sameign: Sjúkrahús, bók-
hlöðu og bókasafn, Drangey, Skógræktar-
sjóð o. fl., aðeins ákveðin eignahlutföll
hvors inn sig.
Um framtíð kaupstaðarins er full á-
stæða til bjartsýni. Hann liggur vel við
samgöngum. Er hann sjálfkjörinn mið-
stöð hins stóra og blómlega landbúnaðar-
héraðs annars vegar og allra athafna í
sambandi við hin auðugu fiskimið er að
honum liggja hins vegar.