Sveitarstjórnarmál - 01.12.1998, Blaðsíða 26
AFMÆLI
iar'"'
Afmælisár í Bessastaðahreppi 1998
Soffía Sœmundsdóttir, hreppsnefndarfulltrúi og ritstjóri afmœlisnefndar
Það er óhjákvæmilegt eftir því sem árin líða
að afmæli beri upp á öðru hverju. Sum eru
stór, önnur minni eins og gerist hjá okkur
mönnunum og ekki alltaf ástæða til mikilla
hátíðahalda. Þó er ástæða til að halda upp á
tímamótin og a.m.k. skoða nútíð, fortíð og
framtíð í spegli tímans. Því var það að hrepps-
nefnd Bessastaðahrepps ákvað síðla árs 1997
að skipa sérstaka afmælisnefnd til að skipu-
leggja með hvaða hætti skyldi haldið upp á
120 ára afmæli sveitarfélagsins á árinu 1998.
Á því ári voru liðin 120 ár frá því að Álftaneshreppi hin-
um foma, sem þá náði yfir Bessastaðahrepp, Garðabæ og
Hafnarfjörð, var skipt í Bessastaðahrepp og Garðahrepp.
Reyndar hófst undirbúningur nokkru fyrr þegar Önnu
Bjarnastaöir. Þar er skrifstofa Bessastaöahrepps til húsa, en
allt til ársins 1978 var þar barnaskóli. Miklar endurbætur hafa
veriö geröar undanfarin ár á húsinu og þaö hefur nú fengið á
sig sem upprunalegast útlit.
Ólafsdóttur Bjömsson, sagnfræðingi og hreppsbúa, var
falið að rita sögu sveitarfélagsins. Við útgáfu sögunnar
lögðu margir hönd á plóginn, sérstök ritnefnd var skipuð
söguritaranum til fulltingis og heimilda var víða leitað. I
bókinni eru margar merkar heimildir um Álftanes fyrri
tíma, hvemig Bessastaðahreppur hefur þróast úr byggð
sem batt allt sitt við sjóinn, í landbúnaðarhérað og að lok-
um í rúmlega 1400 manna byggðarlag, „vaxandi sveit á
höfuðborgarsvæðinu“. Bókin, sem kom út árið 1996,
nefnist Álftaness saga og er um 300 blaðsíður.
Þar er Bessastaðahreppi, fortíð hans og sögn-
um þaðan gerð góð skil.
Þegar afmælisnefndin tók til starfa á árinu
1997 setti hún sér strax nokkuð skýran
ramma. Afmælið var stórt og það þótti því til-
valið að nota tækifærið til að vekja jákvæða at-
hygli á sveitarfélaginu og efla samstöðu,
metnað og ræktarsemi Álftnesinga í garð
byggðarlagsins. Ákveðið var að árið 1998 yrði
allt eitt allsherjar afmælisár með hápunkti í
sérstakri afmælishátíð.
Mörgum hugmyndum var kastað á loft sem vafalaust
nýtast síðar og reynt var að virkja ýmis félagasamtök,
listafólk og stofnanir til að láta til sín taka á árinu. Einnig
vom hefðbundnir atburðir, s.s. þrettándabrenna, þorrablót
kvenfélagsins og þjóðhátíðardagurinn, með hátíðlegra
sniði en venjulega. Stofnanir, félagasamtök og það sem
framundan var hjá þeim var kynnt í sérstökum dagskrár-
ritum sem komu út nokkrum sinnum á árinu. Auk þess
var gefið út veglegt afmælisblað í byrjun maí þar sem
sveitarfélagið var kynnt í tnáli og myndum.
Afmælishátíó
Helgina 7. og 8. ágúst 1998 var svo hin eiginlega af-
mælishátíð. Sú dagsetning var í og með ákveðin með það í
huga að þá helgi var fyrirhugað vinabæjamót í Bessa-
Uppblásin leiktæki voru vinsæl hjá yngstu kynslóöinni.
2 1 6