Sveitarstjórnarmál - 01.08.2000, Blaðsíða 26
FRA LAN DSHLUTASAMTOKUNUM
44. fjórðungsþing Vestfirðinga
Asgeir Þór Jónsson, framkvœmdastjóri FV
44. fjórðungsþing Vestfirðinga var haldið í íþróttahús-
inu á Tálknafirði 8. og 9. október 1999. Þingið var Qöl-
sótt og í alla staði vel heppnað en það var jafhframt af-
mælisþing þar sem Fjórðungssamband Vestfirðinga
(FV) varð 50 ára hinn 8. nóvember 1999.
Á þinginu voru rædd mörg veigamikil mál eins og
málefni Skólaskrifstofu Vestfjarða, tilhögun á yfirtöku
sveitarfélaganna á málefnum fatlaðra, stofnun eignar-
haldsfélags og margt fleira, eins og sjá má á þeim álykt-
unum sem samþykktar voru á þinginu og birtar eru aftan
við þessa frásögn.
Frá síðasta þingi, sem haldið var 26. og 27. september
í Stjómsýsluhúsinu á ísafirði, hefúr mikið vatn mnnið til
sjávar og Fjórðungssamband Vestfirðinga unnið að
mörgum málum sem snerta hagsmuni Vestfirðinga.
Stjórnarfundir voru 12 talsins, auk eins fundar með
þingmönnum Vestfirðinga í tengslum við fjármálaráö-
stefnu sveitarfélaga, vinnufunda formanns og fram-
kvæmdastjóra og funda með öðmm landshlutasamtök-
um.
Þau mál sem helst hefúr verið unnið að eru málefni
fatlaðra, en nefnd á vegum FV fór yfir hvaða valkostir
væru fyrir hendi og skilaði frá sér skýrslu um þrjár
mögulegar leiðir. Einnig var starfandi nefnd á vegum
FV sem átti að gera tillögur um framtíð skólaskrifstof-
unnar. Fjórðungsþingið samþykkti síðan að vinna áfram
að flutningi á málefnum fatlaðra og að áhersla yrði lögð
á að tekjustofnar verði tryggðir áður en sveitarfélögin
taki við verkefninu. Jafnframt var samþykkt að stjóm
FV beindi því til sveitarfélaga á þremur byggðasvæðum
Vestfjarða, þ.e. í ísafjarðarsýslu, Vestur-Barðastrandar-
sýslu og í Strandasýslu, að skipa nefndir á viðkomandi
svæðum sem verði falið að endurskoða störf, þjónustu
og fyrirkomulag skólaskrifstofu með það að markmiði
að samþætta sérffæðiþjónustu á sviði skólamála, félags-
þjónustu og málefna fatlaðra í fjórðungnum. Jafnframt
samþykkti fjórðungsþingiö að leggja niður Skólaskrif-
stofu Vestfjarða með fyrirvara um samþykki aðildar-
sveitarfélaganna, en við myndu taka skrifstofur á
byggðasvæðunum þremur er veiti samhæfða þjónustu á
sviði skólamála, félagsþjónustu og málefna fatlaðra.
Samgöngumál hafa ætíð gegnt stóru hlutverki í um-
fjöllunum og ályktunum á fjórðungsþingi, enda eitt af
stærstu hagsmunamálum fjórðungsins í áranna rás. Á
þinginu var ályktað um flugsamgöngur og vegasam-
göngur. I þeim er því meðal annars beint til samgöngu-
ráðherra að hraða undirbúningsvinnu er miði að því að
gera kvöldflug um ísafjaröarflugvöll mögulegt. Einnig er
ítrekuð nauðsyn þess að tryggar flugsamgöngur séu milli
V-Barðastrandarsýslu og Isaljarðar yfir vetrarmánuðina
þegar ekki er fært landleiðina. Fjórðungsþingið fagnaði
fyrirhuguðum endurbótum á Reykjavíkurflugvelli og
benti á mikilvægi flugvallarins fyrir innanlandsflug. I
ályktun um vegasamgöngur er því beint til stjómar FV
að leita leiða til að fjánnagna þá úttekt á gildi vegar á
milli Þingeyrar og Bíldudals sem 43. fjórðungsþing sam-
þykkti að fela Atvinnuþróunarfélagi Vestfjarða að gera í
samráði við Byggðastofnun. Þingið fagnaði auknum fjár-
veitingum til vegagerðar til að rjúfa einangrun jaðar-
byggða.
Fjórðungssamband Vestfirðinga hefúr ávallt átt gott
samstarf við Atvinnuþróunarfélag Vestfjarða um hin
ýmsu málefni. Má þar nefna fjarkennslu-, atvinnu-,
ferða- og fræðslumál. Einnig hafa Fjórðungssamband
Vestfirðinga, Atvinnuþróunarfélag Vestfjarða og Svæð-
isvinnumiðlun Vestfjarða átt gott samstarf um atvinnu-
mál í fjórðungnum.
Fjórðungssambandið ásamt fleimm stóð að stofnun
Fræðslumiðstöðvar Vestfjarða, en markmið hennar er að
efla menntun á Vestfjörðum og þá einkum að standa fyr-
ir fræðslustarfsemi sem ekki heyrir undir námsskrár-
bundið nám á gmnn- og framhaldsskólastigi, nema sér-
staklega sé um það samið. Einnig að hafa forgöngu um
fræðslu á háskólastigi og fjarkennslu á sem flestum svið-
um.
Fjórðungssambandið flutti á síðasta ári í nýtt og glæsi-
legt húsnæði Þróunarseturs Vestfjarða. Að þróunarsetr-
inu standa auk fjórðungssambandsins Atvinnuþróunarfé-
lag Vestfjarða, Svæðisvinnumiðlun Vestfjarða, Hafrann-
sóknastofhun og Rannsóknastofnun fiskiðnaðarins. Hug-
myndin að stofnun þróunarsetursins varð til í tíð fyrri
stjórnar FV og eru sporgöngumenn um stofnun þess
Halldór Halldórsson, núverandi bæjarstjóri ísafjarðar-
bæjar, og Aðalsteinn Óskarsson, framkvæmdastjóri At-
vinnuþróunarfélags Vestfjarða.
Á síðasta ári leiddi fjórðungssambandið óformlegt
samstarf landshlutasamtaka sveitarfélaga. Á þeim vett-
1 52