Morgunblaðið - 18.02.2012, Blaðsíða 12
12 FRÉTTIRInnlent
MORGUNBLAÐIÐ LAUGARDAGUR 18. FEBRÚAR 2012
Guðni Einarsson
gudni@mbl.is
Enn á að halda áfram einhvers konar
tilraunastarfsemi við stjórn-
arskrárbreytingar, að mati Birgis
Ármannssonar alþingismanns sem
sæti á í stjórnskipunar- og eftirlits-
nefnd Alþingis. „Menn eru að fara í
einhverjar æfingar með aðferðir í
stað þess að vinna við breytingarnar
sjálfar,“ sagði Birgir.
Meirihluti stjórnskipunar- og eft-
irlitsnefndar samþykkti í fyrradag
breytingartillögu við þingsályktun-
artillögu um meðferð frumvarps
stjórnlagaráðs til stjórnskip-
unarlaga, eins og fram hefur komið.
Birgir hefur áhyggjur af því að hug-
myndir meirihluta nefndarinnar
muni gera ferlið enn ruglingslegra
og óskýrara en ella.
Óljósar hugmyndir
„Í fyrsta lagi er óljóst hvað stjórn-
lagaráð á að gera á fjögurra daga
fundi í mars. Ekkert liggur fyrir um
hvaða breytingar á þeirra tillögum
verða hugsanlega lagðar þar fram.
Ekki heldur hvaða spurninga á að
spyrja sérstaklega í þjóðaratkvæða-
greiðslu í sumar,“ sagði Birgir. Hann
furðaði sig einnig á þeirri hugmynd
meirihlutans að ætla að láta kjósa í
sömu atkvæðagreiðslu um breytta
tillögu stjórnlagaráðs í heild og 5-6
valin atriði úr sömu tillögu.
Birgir telur að með þessu fyr-
irkomulagi verði valkostirnir mjög
óljósir fyrir kjósendur. Þá sé ljóst að
hvernig sem slíkar kosningar fari
geti þær hugmyndir sem lagðar
verða fyrir kjós-
endur í slíkri
kosningu tekið
miklum breyt-
ingum í með-
förum Alþingis.
Birgir telur að ef
fara eigi í þjóð-
aratkvæða-
greiðslu um
stjórnarskrármál
þá þurfi að kjósa
um endanlegan og fullfrágenginn
texta. „Þannig að valkostirnir séu
skýrir og fólk hafi glögga mynd af
því hvað „já“ eða „nei“ muni þýða,“
sagði Birgir.
Afmarka þarf tillögurnar
Hann telur að á þessu stigi væri
mun skynsamlegra að stjórnskip-
unar- og eftirlitsnefnd Alþingis léti
gera fræðilega og faglega greiningu
á fyrirliggjandi tillögum, bæði frá
stjórnlagaráði og öðrum. Síðan yrðu
unnar úr því tilteknar og afmarkaðar
breytingartillögur sem allgóð sam-
staða gæti náðst um. Þær breyting-
artillögur færu síðan í hefðbundið
ferli í þinginu næsta vetur.
Hugmynd meirihluta nefnd-
arinnar er að þjóðaratkvæða-
greiðslan fari fram samhliða forseta-
kosningum 30. júní næstkomandi.
Birgir segir það vissulega geta spar-
að eitthvað að láta þessar kosningar
fara fram samtímis, en þjóð-
aratkvæðagreiðsla kosti gróft áætlað
200 til 250 milljónir. Hann bendir á
að enn liggi ekkert fyrir um að geng-
ið verði til forsetakosninga í sumar.
Það sé enn einn óvissuþátturinn.
Tilraunastarf
í stjórnarskrár-
breytingum
Fyrirhugað ferli gagnrýnt
Birgir
Ármannsson
BAKSVIÐ
Ingveldur Geirsdóttir
ingveldur@mbl.is
Átta prestar hafa gefið kost á sér í
embætti biskups Íslands. Enn gætu
fleiri bæst í hópinn því framboðs-
frestur rennur ekki út fyrr en 29.
febrúar, á hlaupársdag. Þeir sem
sækjast eftir biskupsstólnum eru: sr.
Agnes Sigurðardóttir, sóknarprestur
í Bolungarvík og prófastur í Vest-
fjarðaprófastsdæmi, sr. Gunnar Sig-
urjónsson, sóknarprestur í Digranes-
kirkju, sr. Kristján Valur Ingólfsson,
vígslubiskup í Skálholti, sr. Sigríður
Guðmarsdóttir, sóknarprestur í
Grafarholti, sr. Sigurður Árni Þórð-
arson, prestur í Neskirkju, sr. Örn
Bárður Jónsson, sóknarprestur í
Neskirkju, sr. Þórhallur Heimisson,
sóknarprestur í Hafnarfjarðarkirkju,
og sr. Þórir Jökull Þorsteinsson,
fyrrverandi sendiráðsprestur í Kaup-
mannahöfn og sóknarprestur á Sel-
fossi.
Traust á milli kirkju og þjóðar
Stefnumál biskupsframbjóðend-
anna eru ekki ólík, flestir vilja efla
traustið á milli kirkju og þjóðar og
vinna úr því andstreymi og þeim erf-
iðleikum sem þjóðkirkjan hefur verið
í. Margir vilja að kirkjan verði frjáls-
ari, opnari og lýðræðislegri. Einnig
er mikið lagt upp úr samtali kirkj-
unnar innandyra sem utan, gagnsæi
og að kirkjan eigi að hlusta á gagn-
rýni og vera traustsins verð.
Ljóst var að biskupskosningar
yrðu í ár þegar núverandi biskup,
séra Karl Sigurbjörnsson, tilkynnti í
ávarpi við upphaf kirkjuþings 12.
nóvember 2011 að hann hygðist láta
af embætti biskups og baðst lausnar
frá embætti frá 30. júní í sumar. Karl
var vígður í embætti biskups Íslands
á nýársdag árið 1998. Hann tók þá við
embættinu af séra Ólafi Skúlasyni.
Biskupskosningin fer fram með
póstkosningu um miðjan mars. Um
fimmhundruð manns eru á kjörskrá
og fá þeir sendan kjörseðil í pósti og
senda til baka á Biskupsstofu í pósti.
Þar telur kjörstjórn atkvæðin og eiga
úrslit úr fyrstu umferð að verða ljós í
lok mars. Miðað við það hve margir
eru í kjöri er líklegt að kjósa þurfi
tvisvar. Fái enginn meirihluta at-
kvæða í fyrstu umferð þarf að kjósa
að nýju milli þeirra tveggja sem fá
flest atkvæði. Sami háttur verður
hafður á í þeirri kosningu og í fyrri
umferðinni.
Hver verður næsti biskup ætti að
koma í ljós í apríl svo framarlega sem
ekkert tefur. Samkvæmt upplýsing-
um frá Biskupsstofu verður nýr bisk-
up líklega vígður 24. júní í sumar.
Kjörgengur til embættis biskups
Íslands er hver guðfræðikandídat,
sem fullnægir skilyrðum til þess að
vera skipaður prestur í þjóðkirkj-
unni. Aldrei hafa jafnmargir verið í
kjöri til biskups og nú í ár en það
kemur meðal annars til af því að fyr-
irkomulaginu á framboðinu var
breytt. Framboð sem eru tilkynnt
opinberlega í fjölmiðlum eru ólík því
sem hefur verið, segir Steinunn Arn-
þrúður Björnsdóttir, verkefnisstjóri
á þjónustusviði Biskupsstofu. Áður
buðu menn sig ekki beint fram sjálfir
heldur voru boðnir fram af stuðn-
ingsmönnum. Þá þurfti til framboðs
fimmtán meðmælendur sem lögðu til
að einhver ákveðinn yrði í kjöri til
biskups.
Vígðir þjónar kirkjunnar
Um fimmhundruð manns eru á
kjörskrá og fá að kjósa á milli þeirra
sem eru í framboði til biskups. Kosn-
ingarétt við biskupskjör eiga vígðir
þjónar innan kirkjunnar; biskup,
vígslubiskupar og þjónandi prestar.
Þá kjósa prestvígðir menn í föstu
starfi innan þjóðkirkjunnar, djáknar
í föstu starfi, kjörnir fulltrúar á
kirkjuþingi og í kirkjuráði, formenn
allra sóknarnefnda sem og varafor-
menn sóknarnefnda í Kjalarnesspró-
fastdæmi og Reykjavíkurprófasts-
dæmum eystra og vestra og
kennarar sem eru í föstu starfi við
guðfræði- og trúarbragðafræðideild
Háskóla Íslands og eru guðfræðing-
ar. Endanleg kjörskrá verður vænt-
anlega birt á mánudaginn.
Aldrei fleiri verið í kjöri til biskups
Framboðsfrestur til embættis biskups Íslands rennur út á hlaupársdag Komnir átta frambjóð-
endur og hafa aldrei verið fleiri Nýr biskup líklega vígður 24. júní Fimmhundruð á kjörskrá
Sr. Agnes
Sigurðardóttir
Sr. Sigurður Árni
Þórðarson
Sr. Örn Bárður
Jónsson
Sr. Gunnar
Sigurjónsson
Sr. Þórhallur
Heimisson
Sr. Þórir Jökull
Þorsteinsson
Sr. Kristján Valur
Ingólfsson
Sr. Sigríður
Guðmarsdóttir
Tveir prestar eru starfandi í Nes-
prestakalli og gefa þeir báðir
kost á sér til embættis biskups.
Ekki er vitað til þess að tveir úr
sömu sókninni hafi áður boðið
sig fram til biskups enda hafa
tvímenningsprestaköllin ekki
verið mörg. Sr. Sigurður Árni
Þórðarson, prestur í Neskirkju,
og sr. Örn Bárður Jónsson, sókn-
arprestur í Neskirkju, segja báðir
að þeir fari fram í mesta bróð-
erni. „Menn bjóða sig fram í
þjónustu og það er enginn slag-
ur. Ég held að þetta segi ákveðna
sögu um að menn hafi mikla trú
á því hvað verið er að gera í Nes-
kirkju, þetta er styrkleikamerki,“
segir Sigurður Árni.
Örn Bárður tekur undir það.
„Það er hverjum presti frjálst að
fara fram, það er hin lýðræð-
islega leið. Í Nesprestakalli er
góður söfnuður og þetta er
næstfjölmennasta prestakall í
Reykjavík, næst á eftir Graf-
arvogi,“ segir Örn. Nesprestakall
er í vesturbænum, sunnan Hring-
brautar, frá Skerjafirði og út að
mörkum Seltjarnaness. Á því
svæði búa um 10.500 manns.
Tveir úr
sömu sókn
NESPRESTAKALL
Fjársýsluskattur
Fjársýsluskattur er nýr skattur á fjármálafyrirtæki, aðila sem
stunda vátryggingastarfsemi sem og aðra er starfa á þeim
vettvangi, sbr. lög nr. 165/2011.
Stofn til fjársýsluskatts er allar tegundir launa og
þóknana fyrir starf, sem og reiknað endurgjald.
Skatthlutfall er 5,45% af skattstofni.
Gjalddagi fjársýsluskatts er fyrsti dagur hvers mánaðar
vegna launa næstliðins mánaðar og eindagi 14 dögum
síðar. Fyrsti gjalddagi á árinu 2012 er 1. apríl vegna
launa í janúar, febrúar og mars.
Skattskyldum aðilum ber að skrá sig hjá ríkisskattstjóra.
Skráningareyðublað RSK 5.07 og nánari upplýsingar
er að finna á rsk.is.