Morgunblaðið - 31.07.2012, Blaðsíða 4
Í LONDON
Kristján Jónsson
kris@mbl.is
Eygló Ósk Gústafsdóttir úr Ægi náði ekki að
synda eins hratt og hún hefði kosið í 200
metra fjórsundi á Ólympíuleikunum í gær-
morgun. Eygló synti á 2:16,81 mínútu og var
2,55 sekúndum frá því að komast í undan-
úrslitin. Íslandsmet Eyglóar frá því í apríl er
2:14,87 mínútur og hefði dugað henni til 23.
sætis en hún hafnaði í 28.-29. sæti af 34 kepp-
endum.
Eygló byrjaði ágætlega í flugsundi og tók
góðan sprett í baksundi, sem er hennar
sterkasta grein. Þá tók við bringusund og þar
dróst hún verulega aftur úr. Hún náði ekki
að auka hraðann almennilega á nýjan leik í
lokasprettinum í skriðsundi.
Ég dó einhvern veginn
„Mér leið mjög vel í baksundinu en svo
kom bringusundið, sem er náttúrlega léleg-
asta sundið mitt. Ég er alveg ömurleg í því
og þar „dó“ ég einhvern veginn. Ég komst
ekkert áfram. Ég reyndi mitt besta í skrið-
sundinu. Þá sá ég að allar stelpurnar voru
farnar fram úr mér aftur og ég reyndi að
sprengja mig í skriðsundinu en það dugði
ekki til,“ sagði Eygló í samtali við Morg-
unblaðið í London í gær og sagði að eftir á að
hyggja hefði hún getað byrjað ennþá hraðar í
flugsundi og baksundi.
Hún stefnir hátt á miðvikudaginn þegar
hún syndir í sinni uppáhaldsgrein, 200 metra
baksundi. „Ég ætla að reyna að ná Íslands-
metinu og bæta mig þar af leiðandi. Mér leið
vel í baksundinu í dag en á eftir að sjá hver
sá tími var,“ sagði Eygló ennfremur en hún
var mjög nálægt sínu besta í 100 metra bak-
sundi á sunnudaginn.
Reyndi að
sprengja
mig í skrið-
sundinu
Eygló óánægð með
200 m fjórsundið
Morgunblaðið/Golli
Bringusundið Eygló Ósk Gústafsdóttir var óánægð með hvernig til tókst í bringusundshluta fjórsundsins en hér er hún á þeim spretti.
4 ÍÞRÓTTIR
MORGUNBLAÐIÐ ÞRIÐJUDAGUR 31. JÚLÍ 2012
Í LONDON
Kristján Jónsson
kris@mbl.is
Íslenska landsliðið í handknattleik
mætir Túnis í dag klukkan 8:30 á
Ólympíuleikunum í London. Ísland
vann Argentínu 31:25 í sínum
fyrsta leik en Túnis tapaði fyrir
Svíþjóð 21:28.
Í íþróttunum er vinsælt að tala
um að lið séu sýnd veiði en ekki
gefin. Þessi mikið notaði frasi á
kannski ágætlega við í tilfelli Tún-
isbúa. Við höfum ekki oft mætt
þeim á stórmótunum og þeir taka
auðvitað aldrei þátt í Evrópumót-
unum af landfræðilegum ástæðum.
Túnis hélt HM 2005
Lið frá norðurhluta Afríku
kunna þó ýmislegt fyrir sér í hand-
boltanum. Alsír átti skemmtilegt
lið um tíma og síðar eignaðist
Egyptaland lið í heimsklassa. Um
svipað leyti og Egyptar fóru að
gefa eftir tókst Túnis að komast al-
mennilega á kortið.
Túnis hélt til að mynda heims-
meistaramótið árið 2005 og þar
náði liðið 4. sætinu eftir flotta
framgöngu. Fyrir vikið á Túnis
betri árangur en við Íslendingar á
heimsmeistaramóti því við höfum
„aðeins“ náð 5. sæti á HM. Auk
þess hafnaði Túnis ofar en Ísland
bæði á HM 2001 og 2009.
Tveir spila með Karabatic
Túnis hefur síðustu árin átt þrjá
mjög öfluga leikmenn sem hafa
mikla reynslu af handbolta í háum
gæðaflokki. Þar á ég við stórskytt-
una Wissem Hmam sem einmitt
varð markakóngur HM 2005. Hann
hefur leikið árum saman með stór-
liði Montpellier í Frakklandi og
hefur unnið marga titlana með því
félagi. Þar leikur einnig línumað-
urinn Issam Tej sem er farsæll
leikmaður og var drjúgur gegn
Svíunum. Leikstjórnandinn Heykel
Megannem hefur einnig átt frá-
bæran feril í Frakklandi. Íslenskir
handboltaáhugamenn fengu tæki-
færi til að sjá hann með franska
liðinu St. Raphael í vetur þegar
það sló FH út úr Evrópukeppn-
inni.
Þessir leikmenn eru allir mjög
leikreyndir en eru allir á fertugs-
aldri og vonandi er farið að draga
eitthvað af þeim. Sex leikmenn
Túnis spila í frönsku deildinni.
Ingimundur æfði í gær
Íslenska liðið þarf væntanlega
að spila betur á heildina litið en
það gerði gegn Argentínu. Áhuga-
vert verður að sjá hvernig leik-
mönnum Túnis gengur að eiga við
hraðann á íslenska liðinu. Þá á ég
náttúrlega sérstaklega við hraða-
upphlaupin og þegar Ísland tekur
hraða miðju. Ef þeir geta ekki var-
ist þessum atriðum þá mun þessi
leikur fá farsælan endi fyrir okkur
Íslendinga.
Íslendingar gátu teflt fram öll-
um sínum mönnum í fyrsta leik og
það voru góð tíðindi. Eflaust fengu
einhverjir hland fyrir hjartað þeg-
ar baráttujaxlinn Ingimundur Ingi-
mundarson féll í gólfið, hélt um
lærið og var studdur af leikvelli.
Hann kom hins vegar aftur inn á
og æfði á fullu í gærmorgun þann-
ig að þetta óhapp virðist ekki hafa
dregið dilk á eftir sér.
Frasinn á ágætlega við Túnis
Leikmenn Túnis eru engir byrjendur í handbolta Eiga betri árangur á heimsmeistaramóti
en Íslendingar og hafa leikið um verðlaun Hmam, Tej og Megannem eru leikmenn í fremstu röð
Morgunblaðið/Golli
Slagur Arnór Atlason, Guðmundur Þórður Guðmundsson og Snorri Steinn Guðjónsson ræða málin í London. Þeir
eiga fyrir höndum hörkuleik gegn liði Túnis sem er með reynda leikmenn innanborðs.
Ísland og Túnis
» Leikur þjóðanna hefst í
„Koparkassanum“ í London,
eða Copper Box eins og höllin
heitir, klukkan 8.30.
» Túnis tapaði 21:28 fyrir Sví-
þjóð í fyrstu umferð riðla-
keppninnar á meðan Ísland
vann Argentínu, 31:25.
» Ísland vann Túnis, 31:27, á
æfingamóti í Frakklandi fyrr í
þessum mánuði.
» Ísland tapaði fyrir Túnis,
31:35, á alþjóðlegu móti í
Malmö í janúar 2009.
» Liðin mættust tvisvar árið
2007. Ísland vann, 36:30, á HM
í Dortmund í janúar en liðin
gerðu síðan jafntefli, 30:30, á
móti í París í apríl.