Morgunblaðið - Sunnudagur - 24.11.2013, Blaðsíða 8
8 MORGUNBLAÐIÐ SUNNUDAGUR 24.11. 2013
Hver á að hafa frumkvæði að lagasetn-ingu? Löggjafinn skyldi maður ætla.Samt ná fæst lagafrumvörp þingmanna
fram að ganga. Það eru lagafrumvörp ráðherra
sem verða að lögum. Þó eru það ekki endilega
ráðherrarnir sjálfir sem hafa haft frumkvæðið að
samningu laganna. Á því er allur gangur. Emb-
ættismenn og starfsmenn í ráðuneytum, rík-
isstofnunum og embættum skynja oft í störfum
sínum betur þörfina fyrir lagasetningu heldur en
ráðherrar og þingmenn. Það þarf því ekki að vera
óeðlilegt að frumkvæði að lagasetningu komi frá
starfsmönnum stjórnsýslunnar, að þeirra frum-
kvæði eða annarra. Mat þeirra getur hins vegar
verið rétt eða rangt eftir atvikum og ekki má
gleyma því að ríkisstofnanir hafa sjálfstæða hags-
muni.
Dæmi eru einnig um að einkafyrirtæki, ekki
bara þrýsti á um tiltekna lagasetningu, heldur
hafi beint frumkvæði að henni með samningu
frumvarps sem svo er lagt fyrir ráðherra að
flytja. Dæmi er um a.m.k. eitt slíkt tilvik á síðasta
kjörtímabili sem leiddi til lagasetningar sem nú
er til endurskoðunar á Alþingi. Komið hefur í ljós
að frumvarpið sem fyrirtæki lagði drög að og
lagði fyrir þáverandi atvinnuvega- og nýsköp-
unarráðherra gekk í meginatriðum út frá hags-
munum fyrirtækisins en engin rannsókn eða mat
á áhrifum þess á samfélagið fór fram. Í fréttum í
vikunni af málinu reyndi þingmaður að réttlæta
þetta með vísan til þess að oft væri nauðsynlegt
að leita til þeirra sem best til þekktu, en við-
urkenndi um leið að einhugur hefði verið um
frumvarpið á síðasta kjörtímabili vegna hags-
muna fyrirtækisins sem hafði haft frumkvæði að
frumvarpinu. Frumvarpið var þannig samþykkt
umræðulaust en nú er komið í ljós að hagsmunir
samfélagsins og fyrirtækisins kunna að stangast
á. Vissu þingmennirnir 37 sem samþykktu frum-
varpið að það hafði verið samið af einkafyrirtæki
með mikla fjárhagslega hagsmuni af málinu? Það
kemur ekki fram í athugasemdum með frumvarp-
inu.
Nokkrir þingmenn, undir forystu Péturs Blön-
dal, hafa með þingsályktunartillögu lagt til ný
vinnubrögð við lagasetningu. Þeir skora á ráð-
herra að fela nefndum Alþingis að semja og rit-
stýra stefnumarkandi frumvörpum sem ráð-
herrar hyggjast flytja á Alþingi. Ekki er víst að
það breyti nokkru um það hverjir raunverulegir
höfundar lagasetningar eru þótt nefndum Alþings
sé falið að semja lagafrumvörpin. Þá er heldur
ekki víst að þessi leið sé raunhæf í ljósi þess að
löggjöf er orðin mjög tæknileg, sem er kannski
afleiðing af því að sérfræðingum hefur í auknum
mæli verið falið að semja lögin. Hugmyndin er þó
vel umræðunnar virði enda umræðan þörf.
Lagahöfundar
* Á þingmönnum hvílirsérstök rannsóknar-skylda þegar þeir fá í
hendurnar lagafrumvarp
sem samið er „úti í bæ“.
ÚR ÓLÍKUM ÁTTUM
Sigríður Ásthildur Andersen
sigga@sigridurandersen.is
Knattspyrnuáhugafólk og aðrir
brugðust við úrslitum landsleiksins
við Króata. Presturinn Guðni
Már Harðarson setti hlutina í
samhengi á fés-
bókinni: „Ragnar
Reykás er víða.
Við byrjuðum
þessa reisu í 6. og
neðsta styrkleika-
flokki. Í flokki með Liechtenstein,
San Marínó, Andorra og Lúxem-
borg. Meira að segja Færeyjar voru
í styrkleikaflokki fyrir ofan okkur!
Við skildum fjórar þjóðir fyrir aftan
okkur í riðlinum, enduðum í öðru
sæti og komust í umspil, lengra en
þjóðir eins og
Danmörk, Serbía,
Skotland, Tékk-
land, Búlgaría,
Austurríki, Írland,
Tyrkland, Ung-
verjaland, Pólland og Noregur svo
nokkur dæmi séu nefnd.
Við upplifðum stemningu á Laug-
ardalsvellinum sem aldrei hefur
náðst áður, afsönnuðum að þjóð-
söngurinn sé illa söngbær, þrífyllt-
um Laugardalsvöllinn og vorum
einu 1-1-jafntefli og 90 mínútum frá
því að vera langminnsta þjóð ver-
aldarinnar til að komast á stærsta
íþróttaviðburð heimsbyggð-
arinnar … Í næstu undankeppni EM
verðum við mjög líklega í 2.-3.
styrkleikaflokki. Hversu rækilega
súr þarf maður að vera til að sjá
ekkert hafa orðið nema nokkrar
feilsendingar í kvöld? Hjá sumum
er glasið aldrei
hálffullt en alltaf
galtómt! Lengi lifi
Lagerbäck, Eið-
ur og íslensk
knattspyrna og
þakkir fyrir mig!“ Fréttakonan
Lára Ómarsdóttir var líka í hópi
þakklátra netverja og sagði einfald-
lega: „Flottur ferill, flottur fótbolta-
maður, takk fyrir mig Eiður Smári
Guðjohnsen!“ Í kjölfar yfirlýsingar
Eiðs Smára um brotthvarf úr lands-
liðinu spruttu upp síður eins og
„Takk fyrir okkur Eiður Smári“ og
„Við viljum kveðjuleik fyrir Eið
Smára“.
AF NETINU
Skúli Mogensen, forstjóri WOW air, var einn
af mörgum sem keyptu miða til Króatíu til að
fylgja íslenska landsliðinu í knattspyrnu eftir.
Skúli keypti miða í gegnum Úrval Útsýn en
ferðaskrifstofan leigði svo flugvél af WOW í
ferðina. Skúli vippaði sér í flugþjónsgírinn og
hjálpaði starfsfólki sínu á álagsstundum. Var
gerður góður rómur að hæfileikum hans sem
flugþjóns.
Því miður fór það svo að Ísland tapaði leikn-
um, eins og kunnugt er, 2:0 en þrátt fyrir tapið
fóru ferðalangarnir glaðir heim eftir ógleym-
anlega ferð jafnt á jörðu niðri sem og í þrjátíu
þúsund fetunum.
Skúli Mogensen, forstjóri WOW air, kom starfsfólki sínu til hjálpar og þjónustaði ferðalanga.
Skúli flugþjónn
Svo virðist sem jólapeysur séu málið
fyrir jólin. Á Fésbókinni hefur verið
stofnaður hópur sem ber nafnið Jóla-
peysumarkaður og hafa margir skráð
sig í þann hóp. Þar getur fólk auglýst
eftir jólapeysum eða selt slíkar. Auk
þess er þar að finna aðra síðu sem
nefnist Ljótar jólapeysur og ber nafn
með rentu. Á síðunni er hægt að
kaupa ekta vintage-jólapeysur frá
Ameríku þar sem aðeins er til ein af
hverri sort. Hluti af andvirði hverrar
seldrar peysu þar rennur til Barna-
heilla.
Þetta er skemmtileg hefð sem hefur
lengi viðgengist víða um heim. Hver
man ekki eftir kvikmyndinni um hina
óheppnu Bridget Jones, þegar hún
mætti framtíðareiginmanni sínum í
jólaboði ljótri jólapeysu. Þau urðu ást-
fangin og þannig var sagan sú. Ljótar
jólapeysur virðast vel til þess fallnar
að leiða fólk saman.
Hallærislegar jólapeysur eru töff
Draumaprinsinn hennar Bridget klæddist kjánalegri
jólapeysu, en hún féll þó fyrir honum.
Vettvangur