Morgunblaðið - 28.10.2014, Blaðsíða 18

18 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 28. OKTÓBER 2014
FRÉTTASKÝRING
Hörður Ægisson
hordur@mbl.is
Félag í eigu stjórnarformanns Fjár-
málaeftirlitsins, Höllu Sigrúnar
Hjartardóttur, hagnaðist um liðlega
830 milljónir króna við sölu á Skelj-
ungi og færeyska olíufélaginu P/F
Magn undir árslok 2013. Halla hef-
ur neitað því í fjölmiðlum að hún
hafi átt eignarhlut í Skeljungi eða
tengdum félögum en hún var skipuð
stjórnarformaður FME í desember
2013 af fjármála- og efnahagsráð-
herra.
Halla svaraði ekki símtölum né
skilaboðum blaðamanns þegar leit-
að var eftir viðbrögðum.
Halla fer fyrir 22% eignarhlut í
eignarhaldsfélaginu Heddu í gegn-
um félagið sitt B10 ehf. en Hedda
hagnaðist um ríflega 3,8 milljarða
króna á liðnu ári. Sá hagnaður kom
til vegna sölu eignarhlutar en
Hedda ehf. átti 66% hlut í P/F
Magn og 25% hlut í Skeljungi.
Morgunblaðið hefur áður upplýst að
kaupverð alls hlutafjár Skeljungs
hafi numið yfir 4 milljörðum króna
og 3,95 milljörðum króna fyrir fær-
eyska félagið – samtals um átta
milljarðar króna. Kaupin á félögun-
um voru leidd af framtakssjóðnum
SÍA II, sem er í rekstri sjóðsstýr-
ingarfyrirtækisins Stefnis.
Eignuðust 66% í Heddu 2011
Viðskiptafélagar Höllu, þeir Ein-
ar Örn Ólafsson, fyrrverandi for-
stjóri Skeljungs, og Kári Þór Guð-
jónsson, fjárfestir og ráðgjafi, eiga
sömuleiðis 22% hlut hvor um sig í
Heddu í gegnum eignarhaldsfélögin
Nolt og Einarsmel. Nam hagnaður
þeirra af sölu Skeljungs og P/F
Magn því jafnframt um 830 millj-
ónum króna. Ekki hefur áður komið
fram að þau þrjú hafi átt stóran
hlut í félagi tengdu Skeljungi – en
samtals eiga þau um tvo þriðju í
Heddu eignar-
haldsfélagi. Þau
störfuðu öll sam-
tímis í fyrir-
tækjaráðgjöf Ís-
landsbanka en
hættu þar störf-
um á árunum
2009 og 2011.
Í samtali við
Morgunblaðið
vildi Kári Þór að-
spurður ekkert tjá sig um hvenær
og með hvaða hætti hann hefði
eignast hlut í félaginu. Ekki náðist í
Einar Örn við vinnslu fréttarinnar.
Einar var ráðinn forstjóri Skelj-
ungs af þáverandi meirihlutaeig-
endum, hjónunum Svanhildi Nönnu
Vigfúsdóttur og Guðmundi Erni
Þórðarsyni, í maí 2009. Nokkrum
vikum áður hafði Einari verið vikið
frá störfum sem framkvæmdastjóri
fyrirtækjaráðgjafar Íslandsbanka
og hefur bankinn sagt ástæðuna
vera trúnaðarbrest. Svanhildur og
Guðmundur hafa hins vegar alfarið
neitað því að nokkuð óeðlilegt hafi
átt sér stað við ráðninguna. Hætti
Kári störfum í Íslandsbanka á sama
tíma og Einar Örn en fyrirtækja-
ráðgjöf bankans hafði haft umsjón
með söluferli Skeljungs allt frá árs-
lokum 2007. Í mars á þessu ári,
skömmu eftir að nýir eigendur tóku
við rekstri Skeljungs, tilkynnti Ein-
ar að hann myndi láta af störfum
sem forstjóri.
Samkvæmt heimildum Morgun-
blaðsins eignuðust þremenningarnir
hlut í Heddu árið 2011 en á þeim
tíma fór félagið með 100% eign-
arhlut í P/F Magn. Svanhildur og
Guðmundur, sem áttu þá félagið að
fullu í gegnum SNV Holding, seldu
66% hlut í Heddu til Einars, Kára
og Höllu. Fór salan fram á svip-
uðum tíma og hjónin tóku yfir hlut
Birgis Þórs Bieldveldt í Skeljungi á
Íslandi sumarið 2011. Auk þess að
eiga 34% hlut í Heddu í árslok 2013
átti félag þeirra hjóna – SNV Hold-
ing – 35% eignarhlut í Skeljungi.
Frá því var greint í ViðskiptaMogg-
anum síðastliðinn fimmtudag að fé-
lagið hefði hagnast um nærri 2,5
milljarða vegna sölunnar á olíufé-
lögunum.
Áttu meirihluta í P/F Magn
Hagnaður hluthafa SNV Holding
og Heddu af sölu á Skeljungi og
P/F Magn hleypur því samtals á
mörgum milljörðum króna. Svan-
hildur og Guðmundur eignuðust
upphaflega meirihluta í Skeljungi
þegar þau keyptu, ásamt Birgi, 51%
hlut af Glitni í gegnum félagið Skel
Investment. Síðar eignuðust þau ol-
íufélagið að fullu þegar Íslands-
banki seldi 49% hlut í Skeljungi til
SNV Holding 2010. Var sá hlutur
keyptur fyrir á fjórða hundrað
milljónir króna.
Áður en þau eignuðust meirihluta
í Skeljungi um haustið 2008 hafði
fyrirtækjaráðgjöf Glitnis sem fyrr
segir verið með félagið í söluferli í
tæplega ár. Á meðal dótturfélaga
Skeljungs á þeim tíma var P/F
Magn í Færeyjum sem Fons, eign-
arhaldsfélag Pálma, hafði keypt í
ársbyrjun 2007. Svanhildur og Guð-
mundur eignuðust allt hlutafé P/F
Magn þegar Hedda eignarhalds-
félag keypti fyrirtækið af þrotabúi
Fons vorið 2009. Samkvæmt heim-
ildum Morgunblaðsins var kaup-
verðið aðeins á þriðja hundrað millj-
ónir króna. Velta félagsins var um
17 milljarðar á síðasta ári og hagn-
aður þess um 440 milljónir íslenskra
króna.
Nokkrum mánuðum eftir að Ein-
ar, Kári og Halla keyptu hlut í fær-
eyska félaginu árið 2011 af Svan-
hildi og Guðmundi var ákveðið að
Skeljungur myndi kaupa 34% hlut í
P/F Magn af Hedda í mars 2012.
Voru þau viðskipti gerð að tilstuðl-
an Stefnis, að sögn kunnugra, sem
taldi að sameinað félag yrði álitlegri
kostur í aðdraganda sölu á Skelj-
ungi. Nam kaupverðið um 1,34
milljörðum og var greitt með nýjum
hlutum í Skeljungi. Sá hlutur sem
Hedda eignaðist á móti í Skeljungi
við viðskiptin – hann var 25% í árs-
lok 2013 – var alfarið í eigu Svan-
hildar og Guðmundar, samkvæmt
upplýsingum Morgunblaðsins.
Hlutafjáreign Kára, Einars og
Höllu í Heddu eignarhaldsfélagi
einskorðaðist því við eign félagsins í
P/F Magn.
Eftir að hafa verið framkvæmda-
stjóri fyrirtækjaráðgjafar Straums í
tæplega 2 ár hætti Halla þar störf-
um í september 2013. Hefur hún
sinnt fjárfestingum síðustu misseri.
Í frétt í DV 28. desember 2013, viku
eftir að hún var skipuð stjórnarfor-
maður FME, sagðist hún aðspurð
ekki eiga neitt í Skeljungi eða fé-
lögum sem tengjast olíufélaginu.
Fengu 2,5 milljarða við Skeljungssölu
Morgunblaðið/Júlíus
Viðskipti Skeljungur og P/F Magn voru seld fyrir 8 milljarða króna.
 Stjórnarformaður FME, fyrrverandi forstjóri Skeljungs og Kári Þór Guðjónsson eignuðust meiri-
hluta í færeyska félaginu P/F Magn 2011  Högnuðust hvert um 830 milljónir við sölu á Skeljungi
Hedda ehf.
» Félag Svanhildar og Guð-
mundar, Hedda ehf., keypti
færeyska félagið P/F Magn af
þrotabúi Fons 2009. Kaup-
verðið ríflega 200 milljónir.
» Seldu 66% hlut í Heddu til
Höllu Sigrúnar, Einars Arnar og
Kára Þórs tveimur árum síðar.
» Skeljungur keypti þriðjungs-
hlut í P/F Magn í mars 2012.
Félögin voru seld í árslok 2013
fyrir samtals átta milljarða.
Halla Sigrún
Hjartardóttir
Einar Örn
Ólafsson
Kári Þór
Guðjónsson
Þau Halla Sigrún, Kári Þór og Ein-
ar Örn hafa verið talsvert um-
svifamikil í fjárfestingum síðustu
misseri í gegnum félagið Fiski-
sund ehf. þar sem þau fara hvert
um sig með þriðjungshlut.
Þannig greindi Morgunblaðið
frá því undir lok árs 2013 að þau
væru að eignast meirihluta í
Fjarðalaxi en það fyrirtæki starf-
rækir stærsta fiskeldið á Vest-
fjörðum. Samkvæmt ársreikningi
Fjarðalax fyrir árið 2013 á Fiski-
sund tæplega 59% eignarhlut í fé-
laginu.
Þá keypti Fiskisund 49% hlut
fyrr á þessu ári í Póstmiðstöðinni
af 365 miðlum en dótturfélag
þess, Póstdreifing ehf., hefur
meðal annars séð um dreifingu
Fréttablaðsins. Auk Fiskisunds
keypti félag í eigu Malcolms Wal-
kers, forstjóra Iceland, og bresks
meðfjárfestis hans 51% hlut í
Póstmiðstöðinni.
Fram kemur í ársreikningi Kex
Hostels fyrir síðasta ár að Fiski-
sund hafi eignast 15% hlut í félag-
inu. Kex Hostel rekur gistiheimili
og veitingastað í miðbænum.
Á hluthafafundi Heddu 22. jan-
úar sl. var ákveðið, líkt og Morg-
unblaðið hefur áður greint frá, að
lækka hlutafé félagsins með
greiðslu til eigenda að fjárhæð 2,6
milljarðar króna. Félög í eigu
þeirra Kára, Einars og Höllu eiga
samtals 66% í Heddu og námu
greiðslur til þeirra því samtals
1,75 milljörðum króna.
Komið að ýmsum fjárfesting-
um í gegnum félagið Fiskisund
EIGA HLUT Í FJARÐALAXI, PÓSTMIÐSTÖÐINNI OG KEX HOSTELI
• Barnalæsing
• Mikil einangrun
• CE vottuð framleiðsla
• Sérsmíði eftir málum
• Glerjað að innan
• Áratuga ending
• Næturöndun
Sýningarsalur í Skipholti 35 • Seljabót 7, Grindavík • www.pgv.is • Sími 510 9700
Veldu viðhaldsfrítt
PVC gluggar og hurðir - íslensk framleiðsla fyrir íslenskt veðurfar