Morgunblaðið - 15.11.2014, Blaðsíða 30

30 FRÉTTIRErlent
MORGUNBLAÐIÐ LAUGARDAGUR 15. NÓVEMBER 2014
Kjartan Kjartansson
kjartan@mbl.is
Útlit var fyrir að lendingarfarið
Philae, fyrsta manngerða farið sem
lendir á halastjörnu, kláraði síðustu
dreggjar rafhlaðna sinna í gær-
kvöldi. Svo virðist sem farið hafi
staðnæmst umkringt klettum sem
skyggja á sólarrafhlöður sem áttu að
gera Philae kleift að starfa áfram
eftir að aðalrafhlöður hennar þrytu.
Þrátt fyrir það eru vísindamenn
og stjórnendur evrópsku geimstofn-
unarinnar ESA í skýjunum yfir ár-
angrinum sem þeir náðu. Stefan Ola-
mec, stjórnandi lendingarfarsins,
sagði í gær að það hefði náð að gera
að minnsta kosti 80% af þeim vís-
indatilraunum sem því var ætlað.
Ekki lá ljóst fyrir í gærkvöldi hvort
Philae hefði nægt afl til að senda af-
ganginn af þeim gögnum sem hún
hefur aflað aftur til jarðar.
Verið var að kanna möguleikana á
því að hagræða farinu til að koma
því á sólríkari stað í gær en engin
ákvörðun hafði verið tekin.
Ekki er loku fyrir það skotið að
Philae gæti átt sér framhaldslíf þó
að afl þess sé þrotið í bili. Vís-
indamenn gera sér vonir um að ef
staða halastjörnunnar 67P/
Churyumov-Gerasimenko gagnvart
sólinni breytist eða yfirborð hennar
hreyfist til fái Philae meira sólarljós
og geti tekið aftur til starfa. Hvað
sem því líði verði aftur nóg um að
vera í ágúst á næsta ári þegar hala-
stjarnan nálgast sólina og yfirborðið
tekur að hitna. „Krossleggjum fing-
ur að við heyrum frá lendingarfarinu
aftur,“ sagði Valentina Lommatsch
frá stjórnstöð Philae.
Krossleggja fingur fyrir Philae
 Aflið á þrotum en lendingarfarið gæti haldið áfram að starfa seinna þegar aðstæður breytast
ESA/Rosetta/Philae/CIVA
Landnám Fyrsta myndin sem Philae tók af lendingarstað sínum eftir að hún lenti á miðvikudag. Einn lendingarfótanna er í forgrunni myndarinnar.
Netfyrirtækið Google greindi í gær frá nýju verkfæri til
að fylgjast fiskiskipum og ætlað er að hjálpa til í barátt-
unni gegn ólöglegum fiskveiðum. Verkfærið fylgist að-
eins með fiskibátum. Það vinnur úr upplýsingum frá
gervihnöttum, sem taka á móti staðsetningarmerkjum
frá jörðu niðri, og gerir kleift að fylgjast með ferðum
þúsunda fiskibáta í rauntíma á netinu. Google þróaði
þessa tækni í samstarfi við tvenn umhverfisvernd-
arsamtök, SkyTruth og Oceana.
Þegar frumútgáfa af þessari tækni var kynnt í Sydney
í Ástralíu í gær var vitnað í tölfræði ráðs, sem nefnist
Global Ocean Commission og vinnur að vernd hafanna,
þess efnis að ólöglegar veiðar kostuðu hagkerfi heimsins
23,5 milljarða dollara (næstum þrjár billjónir íslenskra
króna) á ári. Ráðið Global Oceans Commission var stofn-
að 2013. Það segir að gögn bendi til þess að með ofveiði
hafi verið gengið hættulega nærri mörgum fiskistofnum
og allt að 90% af stofnum tegunda á borð við túnfisk og
sverðfisk séu horfin.
Rekja fótspor fiskimannsins
AFP
Á veiðum Skyldi þessi kínverski fiskibátur verða öllum
sýnilegur á netinu með tækni Google?
 Google kynnir tækni til að
afhjúpa ólöglegar veiðar
Sænsk stjórnvöld segjast hafa undir
höndum gögn sem sýni fram á, að er-
lendur dvergkafbátur hafi farið inn í
sænsku lögsöguna í október.
Mikill viðbúnaður var í Svíþjóð
þegar bátsins varð vart en vikulöng
leit, sem yfir 200 hermenn tóku þátt í
og notuðu herskip og þyrlur, bar
ekki árangur.
Sverker Göranson, æðsti yfirmað-
ur sænska hersins, og Stefan Löf-
ven, forsætisráðherra, héldu blaða-
mannafund um málið í gær. Þar
sagði Göranson að um væri að ræða
alvarlegt og óviðunandi brot af hálfu
erlends ríkis.
Göranson sagði hins vegar ekki
hægt að fullyrða hvaða ríki hefði ver-
ið þarna að verki. Þótt sænsk stjórn-
völd hafi aldrei nefnt neitt ríki á nafn
töldu margir að um rússneskan kaf-
bát væri að ræða. Rússnesk stjórn-
völd neituðu því staðfastlega og
sögðu bátinn líklega hollenskan. Því
neituðu Hollendingar.
Löfven sagði á blaðamannafund-
inum í gær, að þeir sem íhuguðu að
reyna að fara inn í sænska lögsögu
með ólöglegum hætti ættu að hugsa
sig tvisvar um.
„Við munum verja yfirráðasvæði
okkar með öllum hugsanlegum ráð-
um. Herinn býr yfir nægu afli til að
koma í veg fyrir að erlend skip valdi
hættuástandi og mun ekki hika við
að beita því afli,“ sagði Löfven.
Sönnun um kaf-
bát við Svíþjóð
 Alvarlegt og óviðunandi brot
Fæst í apótekum, heilsubúðum, Hagkaupsverslunum
(Smáralind og Spönginni) og Fjarðarkaupum.
Er á Facebook
Bóluhreinsir
og dagkrem
Bóluhreinsirinn virkar mjög vel á mig, bólurnar
hverfa og hann sótthreinsar og græðir. Mér
finnst dagkremið mjög frískandi fyrir andlitið
og gefa góðan raka því ég er stundum með
þurra húð. – Hlíf Sverrisdóttir
www.annarosa.is
Bóluhreinsirinn hefur
virkað afar vel á bólur en
hann er bæði bólgueyðandi
og sótthreinsandi.
Dagkremið er einstaklega
rakagefandi og hentar vel
fyrir venjulega, þurra og
viðkæma húð.