Málfríður - 15.03.2013, Blaðsíða 10
Um Parísarvalið í MS
Í valáfanganum París í samhengi sögunnar sem kennd-
ur er í Menntaskólanum við Sund kynnast nemend-
ur ýmsu markverðu í sögu Parísar, listasögu og hvað
varðar mannlíf í borginni. Undanfari er grunnáfangi
í frönsku. Samhliða skipuleggja nemendur þriggja
daga námsferð til Parísar. Í ferðinni er Louvre-safnið
heimsótt og Versalir og garðar og ýmis þekkt hverfi
og frægir ferðamannastaðir skoðaðir. Áfangann er
hægt að fá metinn án ferðarinnar með því að skila
sérstöku aukaverkefni. Hámarksfjöldi nemenda
í áfanganum er 30. Síðast var aðsóknin hins vegar
það mikil að við fengum tvo hópa, rúmlega fjörutíu
manns. Þá var lán að geta einu sinni í viku skellt
hópunum saman í Bjarmalandi , flottum fyrirlestrar-
sal skólans.
Markmið
Ég ætla nú að lýsa í örfáum orðum hvernig við í MS
höfum skipulagt þennan áfanga faglega séð í þau þrjú
ár sem við höfum boðið upp á hann. Frá fyrstu ferð
höfum við haft samvinnu við aðra framhaldsskóla
sem bjóða upp á Parísarval og nýtt okkur ýmislegt
þaðan. Lýsingin byrjar á markmiðum, fer svo í efnis-
val, útfærslu, námsmat, dæmi um hvað bíður nemenda
í ferðinni og undirbúning kennara.
Markmiðin eru að nemendur ...
• kynnist helstu merkisstöðum í París og mismun-
andi menningu eftir hverfum.
• þjálfist í heimildaöflun og úrvinnslu heimilda
um París, franska sögu og menningu á íslensku,
frönsku og fleiri tungumálum.
• læri á samgöngur innan og utan borgarinnar.
• fái aukna þjálfun í daglegum samskiptum á
frönsku og noti frönsku í ferðinni.
• skoði stórborg á annan hátt en þau hafa áður
kynnst.
• semji upplýsingaefni á íslensku til flutnings og
birtingar.
Tvöföld ánægja
Við veljum umfjöllunarefni sem alla jafna vekja áhuga
hjá þeim sem ætla til borgarinnar og vilja byggja
upp þekkingu sína fyrirfram.Og þar sem þetta er
þverfaglegur áfangi milli frönsku og sögu drögum
við sameiginlega ákveðnar línur í upphafi. Nemendur
sem og kennarar hafa síðan mjög frjálsar hendur um
hvernig þeir taka efnið fyrir. Í þessu byggjum við á
eigin upplifunum og bakgrunni. Sumt vill skarast. Gott
að fá umræður og sjá tvær hliðar á sama peningi.
Fyrirlestrahald var talsvert, en nú er mest byggt á
framlagi nemandans sem felst í verkefnavinnu um
sögu Parísar, íbúana og hverfin. Framlög nemenda
eru birt í ferðahandbók sem er í smíðum. Á áætlun er
að hafa hana aðgengilega á internetinu undir heitinu
Miniguide sur Paris .
Áhugi á fyrirlestrum er ágætur, sérstaklega þegar
lofað er verklegu í lokin. Þá verður reyndar til tvöföld
ánægja.Við efnum til umræðna út frá kvikmyndum eins
og Le Parfum, La Reine Margot, Two days in Paris, Paris
(Klapisch), Paris je t´aime, Minuit à Paris og fræðslu-
myndinni Versailles la visite . Við eigum fleiri myndir,
eins og Les Femmes du 6e étage (Philippe Le Guay) , sem
sýnir tíðarandann á sjötta áratugnum með tilheyrandi
ástarsögu og nýja franska mynd um Marie-Antoinette,
Les Adieux à la reine (Benoît Jacquot). Á bókasafni MS er
og að finna fræðslumyndir um listaverk í Louvre og í
Orsay-safninu.
Námsmat
Áfanginn er símatsáfangi og byggir matið á mynd-
bandi og fyrirlestri. Námsmat felst í 30% raunmætingu,
20% virkniþætti sem telur tímaverkefni, umfjöllun um
kvikmyndir, þátttöku í viðburðum og frammistöðu í
ferðinni. Fyrirlestur um afmarkað efni að ferð lokinni
gildir 50% (þar í er sjálfsmat og jafningjamat).Tekið
er tillit til frumleika og hve góð tök hópurinn og ein-
staklingar innan hans hafa á efninu. Þar sem fjölbreyti-
legt námsmat býr að baki lokaeinkunninni, er öllum
10 MÁLFRÍÐUR
Fanny Ingvarsdóttir, frönsku-
kennari við Menntaskólann við
Sund
Tungumálaferðir og nemendaskipti:
Parísarvalið í MS