Málfríður - 15.10.2014, Blaðsíða 23
rammar. Það væri gagnslaust að láta nemendur sitja
á bak við opna tölvuskjái. Hlutverk kennarans væri
að miðla faglegum upplýsingum, leiðbeina, aðlaga og
skipuleggja. Hlutverk nemandans væri á hinn bóginn
að hlusta, fylgjast með, leysa vandamál og skrifa verk-
efni ásamt því að miðla því efni sem hann hefur samið.
Varðandi hópavinnu er það kennarans að samstilla
vinnu nemenda, aðstoða við að leysa þau vandamál
sem upp kunna að koma og hafa umsjón með verk-
efnavinnunni.
Eftir hádegið var Den Sorte Diamant, hin til-
komumikla nýbygging við Konunglega bókasafnið
frá 1999, heimsótt og einnig gamla byggingin frá
1906. Hér gafst okkur tækifæri til að sjá annars harð-
læst rými sem hafa að geyma þjóðargersemar eins og
handrit eftir H.C. Andersen og Kierkegaard. Síðasti
liðurinn á dagskránni var svo gönguferð um staði í
Kaupmannahöfn þar sem glæpir hafa verið framdir,
Bloody Copenhagen. Leiðsögumaðurinn var Íslendingur,
Dagur Gunnarsson.
Spjaldtölvur og snjallsímar í kennslu
Síðasti fyrirlesari námskeiðsins heitir Mogens
Olesen, lektor við Institut for Nordiske Studier og
Sprogvidenskab við Kaupmannahafnarháskóla. Þemað
var Vejen til god e-læring, en Mogens sagði að það væri
ekki sjálfgefið að spjaldtölvur og snjallsímar gerðu
kennsluna og námið betra. Hins vegar væri það orðin
krafa í námsumhverfi nútímans. Markmiðið með því
að nýta þessa nýju miðla í kennslu væri að betrumbæta
námið og þar sem hin nýju tæki skapa ný tækifæri og
nýjar aðstæður, kalli það líka á nýja hugsun. Fyrirlestur
Olesens var skemmtileg víxlverkun milli vinnustofu
og fyrirlesturs þar sem hann kynnti hugmyndir um
notkun snjallsíma og spjaldtölva í kennslu. Eftir sem
áður sagði Mogens Olesen að eitt grundvallaratriði
yrði alltaf að vera til staðar þar sem nám fer fram sem
er áhugasamur og virkur kennari.
Síðasti liður á dagskrá námskeiðsins var heimsókn í
bókaforlagið Gyldendal þar sem hin nýja bókmennta-
gátt fyrirtækisins var kynnt: www.litteratur.gyldendal.
dk. Áheyrendur voru frá sér numdir af hrifningu yfir
öllum þeim möguleikum sem þessi nýja heimasíða
bókmennta býr yfir. Því miður er áskriftargjaldið mjög
dýrt.
Eftir hádegi hlýddum við á fyrirlestur Helene
Høyrup sem bar heitið Litteraturundervisning i
lyset af digitale medier. Helene er lektor við Det
Informations-videnskabelige Akademi í Háskólanum
í Kaupmannahöfn og hefur rannsakað texta sem rit-
aðir eru fyrir ungt fólk og stafrænt læsi ungmenna.
Meginniðurstaðan af rannsóknunum var sú að bæði
tæknin og miðillinn væru ný en kennslufræðin væri
sú sama og verið hefur og að stafræfnir miðlar væri
kjörinn vettvangur sem afmarkað samskiptaumhverfi.
Hún nefndi dæmi eins og Fanfiction þar sem einstak-
lingurinn semur áfram eða spinnur út frá bók sem
hann/hún hefur heillast af.
Miðvikudaginn var ferðinni heitið á söguslóðir í
Helsingør og Helsingborg, hinum megin Eyrar sunds-
ins. Leiðsögumaður var fornsalinn Max Guttmann
sem fór með okkur um hverfið í kringum Klaustrið,
Dómkirkjuna og Strandgötu-hverfið í Helsingør. Í
Helsingborg fræddumst við um sögu staðarins úr for-
tíð í nútíð.
Kennsla með tölvum í stofu
Fimmtudaginn var fyrirlesarinn Helle Mathiasen,
prófessor við Center for Undervisningsudvikling og
Digitale Medier við Háskólann í Árósum, en hún hefur
í níu ár fylgt eftir notkun á nýrri tækni í kennslu. Í
því samhengi sagði Helle að grunnstefið væru fastir
MÁLFRÍÐUR 23
Dönskukennarar skoða gömul hús í Helsingør.