Málfríður - 15.10.2005, Blaðsíða 14
14 MÁLFRÍÐUR
Námskeiðið var haldið í Lübeck, hinni fornu
Hansaborg við Eystrasalt. Borgin er upphaflega
byggð á eyju í ánni Trave, sem Travemünde er
kennd við, svolítið inni í landi og er bæjarstæðið
afar fallegt. Þátttakendum á námskeiðinu var boðið
upp á ítarlega skoðunarferð um miðborg Lübeck í
upphafi námskeiðsins og reyndist sú ferð afar gagn-
leg og fróðleg.
Glæsilegar byggingar vitna um að ríkidæmi var
mikið Lübeck á miðöldum. Meðal þess sem enn má
sjá eru 5 glæsilegar kirkjur í miðborginni. Þar er og
gamalt sjúkrahús sem nú er safn og byggt var af
borgurum í Lübeck á 13. öld og er ein af elstu slíkum
stofnunum í Þýskalandi, sem ekki var sett á stofn
eða rekin af kirkjunni. Meðal frægra sona borgar-
innar er Thomas Mann, en hann bjó og starfaði í
borginni. Minningu hans er mjög haldið á lofti og er
m. a. hægt að heimsækja safn (Buddenbrookhaus)
þar sem lífi hans og starfi eru gerð góð skil.
Markmið þessa námskeiðs var að kynna þátt-
takendum það sem er efst á baugi í þýsku þjóðlífi,
dýpka þýskukunnáttuna og koma með hugmyndir
að kennsluaðferðum, sérstaklega hvað varðaði fróð-
leik um land og þjóð.
Dagskrá námskeiðsins var mjög fjölbreytt, fyrir-
lestrar og umræður voru á daginn og stóð dagskráin
oft langt fram á kvöld, t.d. þegar farið var í leikhús
og á bókmenntakynningu. Þátttakendur borðuðu
svo alltaf saman í hádeginu, ásamt kennurum og
öðru starfsfólki DAG.
Þátttakendur á námskeiðinu voru 24, þar af
16 frá Finnlandi, 5 frá Svíþjóð og 3 frá Íslandi.
Ástæðan fyrir því að þessar þjóðir veljast saman
á námskeið er einfaldlega sú, að kennarar frá
hinum Norðurlöndunum, Rússlandi, Póllandi og
Eystrasaltslöndunum eiga ekki heimangengt á þess-
um tíma, þar sem sumarfríin byrja seinna í þessum
löndum.
Námskeiðinu var skipt í fjóra meginhluta:
– Bókmenntir og þýsk tunga; hagnýtar æfingar í
smærri hópum
– Fyrirlestrar og umræður um málefni líðandi
stundar í Þýskalandi
– Verkefni þar sem þátttakendur áttu að afla
sér upplýsinga um tiltekin málefni með því
að spyrjast fyrir og kynna svo niðurstöðurnar
fyrir hinum úr hópnum
– Skoðunarferðir, leikhúsferð, skólaheimsókn og
bókmenntakvöld
Kynntar voru ýmsar kennsluaðferðir í þýskukennslu
og voru þær að hluta til prófaðar á staðnum, mönn-
um oft til mikillar gleði. Þarna var hópnum skipt í
þrjá minni hópa sem unnu saman við að leysa ýmis
verkefni, prófa hver á öðrum ýmsar kennsluað-
ferðir og skiptast á hugmyndum sem nýst gætu í
kennslunni. Það vakti t. d. mikla kátínu þegar menn
prófuðu að „búa til“ ýmsar byggingar í Berlín úr
lifandi manneskjum, 3-4 saman í hóp, meðan einn
úr hópnum lék leiðsögumanninn!
Boðið var upp á marga fróðlega fyrirlestra.
Bókmenntafræðingur kom og kynnti þátttakendum
það nýjasta í bókmenntaheiminum, austurþýskur
rithöfundur kom og talaði um hvernig sameining
þýsku ríkjanna hefði tekist og hvernig hann sem
Austurþjóðverji hefur upplifað þær breytingar sem
sameining þýsku ríkjanna hefur haft í för með sér.
Maður frá umhverfisráði Lübeck talaði um umhverf-
isvernd, sem Þjóðverjum er mjög hugleikin og einn
ritstjóra bæjarblaðsins á staðnum fræddi menn um
Valgerður Bragadóttir, þýskukennari í MH.
Af endurmenntunarnámskeiði þýsku-
kennara í Lübeck sumarið 2005
Valgerður Bragadóttir
Dagana 6.–17. júní síð -
ast liðinn sótti Val gerð ur
Bragadóttir end ur mennt-
unarnámskeið DAG
(Deutsche Aus lands -
ge sell schaft) í Lü beck
í Þýska landi. DAG
skipu leggur ýmis end-
ur menntun a rnámskeið
fyrir þýsku kennara frá
Norð ur löndunum, Rúss-
landi, Póllandi og Eystra -
salts lönd unum allt árið
um kring.