Málfríður - 15.10.2008, Blaðsíða 11

MÁLFRÍÐUR 11
Ég  vissi  ekki  alveg  við  hverju  átti  að  búast  þegar 
ég  lagði  að  stað  til  Danmerkur  einn  sólbjartan 
júnímorgun  þann  18.  júní  síðastliðinn.  Ég  hafði 
skömmu  áður  ráðið  mig  sem  dönskukennara  við 
Verzlunarskóla  Íslands  og  ákvað  að  slá  til  þegar 
mér  bauðst  að  fara  á  námskeið  fyrir  dönskukenn-
ara í Danmörku. Ég þekkti aðeins til tveggja kvenna 
í  hóp  þeirra  tuttugu  og  einnar  sem  voru  að  fara  á 
námskeiðið  en  annars  hafði  ég  ekki  hugmynd  um 
hvers  konar  hóp  ég  var  að  fara  með,  enda  nýliði 
að stíga sín fyrstu skref sem dönskukennari í fram-
haldsskóla. Strax í Leifsstöð fann ég á mér að þetta 
yrði  góður  hópur  sem  yrði  ekki  erfitt  að  kynnast. 
Þegar við vorum lentar í Kóngsins Köben var ferð-
inni haldið áfram með öðru flugi til Álaborgar en þar 
voru fyrstu fjórir dagar námskeiðsins 
haldnir. Ferðalagið gekk vel og hvert 
skref var vandlega skipulagt. 
Í Álaborg var vel tekið á móti okkur 
á  Park  hótel,  þar  sem  við  gistum 
og  eftir  að  hafa  komið  okkur  fyrir 
fórum  við  út  að  kanna  bæinn,  enda 
margar  í  hópnum  að  koma  þangað 
í  fyrsta  sinn.  Jette  Dige  Pedersen, 
sem er annar tveggja skipuleggjenda 
námskeiðsins,  gekk  með  okkur  um 
miðbæinn  en  hún  er  frá Álaborg  og 
þekkir þar hvern krók og kima. Strax 
þetta  fyrsta  kvöld  má  segja  að  við 
höfum  byrjað  að  kynna  okkur  ungl-
ingamenningu þegar við  fórum með 
Jette  á  kaffe  Tusindfryd  (1000fryd)  sem  er  menn-
ingarmiðstöð  ungs  fólks  og  er  haldið  uppi  af  not-
endum. Allir sem vinna þar gefa vinnu sína og þar 
eru haldnir tónleikar og annars konar uppákomur. 
Staðurinn er bæði hippalegur og drungalegur með 
gömlum sófum og veggirnir eru þakktir plakötum. 
Það var  eitthvað magnað við andrúmsloftið  inni á 
Tusindfryd  og  sumar  okkar  stigu  þar  dans.  Unga 
fólkið  á  barnum  var  eflaust  svolítið  hissa  að  sjá 
okkur  þarna  inni,  en  svona  kynnist  maður  ungl-
ingamenningu. Með því að sækja hana heim. Næsta 
dag  hófst  námskeiðið  fyrir  alvöru  og  við  fengum 
til okkar Anker Gemzöe prófessor við Háskólann í 
Álaborg. Hann hélt fyrirlestur um bókina Nordkraft 
og  samnefnda  bíómynd  sem  fjallar  um  ungt  fólk 
í Álaborg.  Eftir  fyrirlesturinn  fór  hann  með  okkur 
í  göngu  um  miðbæinn  þar  sem  hann  sagði  okkur 
sitthvað um sögu bæjarins. Hann sýndi okkur bæði 
staði sem komu fyrir í Nordkraft og eins aðra sögu-
fræga staði.
Eftir  hádegi  þennan  dag  fórum  við  í  heimsókn 
í  Háskólann  í  Álaborg.  Þar  tók  á  móti  okkur  Lise 
Holmgaard,  námsráðgjafi  við  skólann,  og  kynnti 
fyrir okkur þá miklu möguleika sem skólinn hefur 
upp  á  að  bjóða.  Hún  sagði  okkur  einnig  hvernig 
þeim  fjölmörgu  Íslendingum  sem  koma  í  skólann 
gengi að fóta sig. Íslendingarnir eru flestir ekki mjög 
góðir í dönsku þegar þeir koma í skólann en mun-
Guðrún Rannveig Stefánsdótt­
ir kennir dönsku við Verzlunar­
skóla Íslands
Guðrún
Rannveig
Stefánsdóttir
Guðrún Rannveig Stefánsdóttir
Læring og litteratur – kunst og kultur
Umsjónarmenn námskeiðsins voru: Jette Dige Pedersen og Ingibjörg S. Helgadóttir.