Málfríður - 15.10.2009, Blaðsíða 23
Norðlingaskóli er með yngri skólum landsins en
hann er nú á sínu fimmta starfsári. Sjálf skólabygg
ingin er ekki enn risin og fer kennsla því fram í
bráðabirgðahúsum sem margir kennarar kannast
við. Sumir kalla þá skúra en hjá okkur á Holtinu heita
þeir skálar. Þeim hefur fjölgað með hverju árinu og
eru nú vel á þriðja tug auk tengibygginga. Það má
því segja að eftir því sem skólinn stækkar og starfið
innan hans þróast eigi kennarar engra annarra kosta
völ en að finna sífellt nýjar leiðir, bæði í kennslu og
til þess einfaldlega að rata um skólann.
Samkennsla
Frá upphafi hefur samkennsla árganga tíðkast í
Norðlingaskóla. Á stundum hafa allir árgangar frá
fyrsta upp í tíunda bekk unnið saman en mest
an part eru það tveir til þrír árgangar sem mynda
námshópana: fyrsti og annar bekkur, þriðji og fjórði,
fimmti til sjöundi og svo áttundi til tíundi. Eins og
flestir kannast við sem reynt hafa samkennslu er
afleiðingin gjarnan sú að styrkleikar og færni smitast
milli nemenda í meira mæli en venjulegt er í hefð
bundinni bekkjarkennslu. Þá auðveldar þetta einnig
einstaklingsmiðun kennslunnar þar sem hver nem
andi glímir við verkefni við hæfi í stað þess að fylgja
jafnöldrum sínum. Þannig er það til dæmis ekki
óalgengt í enskunámi áttundu bekkinga að nem
endur séu að vinna með allt að fimm mismunandi
kennslubækur, allt frá Portfolio upp í New Matrix
Intermediate. Þá stuðlar það einnig að einstakling
smiðun að nemendur hafa mikið að segja um eigin
námshraða. Einu sinni í viku hitta allir nemendur
sinn umsjónarkennara og gera með honum áform
um vinnu vikunnar framundan. Áformin eru skráð
í þar til gerða bók sem er nokkurs konar grunngagn
sem heldur utan um námsferil nemandans og er afar
mikilvægt hjálpartæki fyrir foreldra sem vilja fylgj
ast með framvindunni.
Smiðjur
Árgangablöndun er þó mest í þeim kennslulotum
sem nefnast á norðlingsku, smiðjur, en það eru
þverfaglegar, þemaskotnar kennslulotur með mikilli
aldursblöndun. Fimmtungi vikulegs kennslutíma er
varið í smiðjur, nánar tiltekið tveimur, sjötíu mín
útna kennslulotum á miðvikudögum og öðru eins
á fimmtudögum. Kennsluárinu í Norðlingaskóla
er skipt í fimm smiðjutímabil sem hvert er á bilinu
4–7 vikur auk þess sem skemmri smiðjutímabil eru
sett á dagskrá fyrir jólin og að vori. Smiðjur veita
nemendum tækifæri til að nálgast námsefnið á fjöl
breyttan hátt og fer mikil undirbúningsvinna í það
á haustin að skilgreina hvaða námsmarkmiðum
skal náð í smiðjum á hverju tímabili. Þannig getur
ein smiðja náð yfir námsmarkmið í mörgum náms
greinum samtímis og eru til dæmis uppi áform um
það í unglingadeild að í vetur verði samþætt nám í
stjörnufræði og ensku á einu smiðjutímabilinu. Þá er
lögð á það mikil áhersla að samþætta námið í smiðj
um við list og verkgreinar sem aftur gefur færi á
fjölbreyttri nálgun. Smiðjur eru eitt þeirra þróun
arverkefna sem Norðlingaskóli vinnur að en að öðru
slíku verður vikið síðar.
Áhugasvið
Áhugasvið kallast kennslulotur sem eru einu sinni
í viku hjá öllum aldurshópum. Tilgangurinn með
áhugasviðinu er að gefa nemendum færi á að vinna
með sínar sterku hliðar og leyfa þeim að njóta sín.
Nemendur gera áhugasviðssamning við kennara þar
Björn Gunnlaugsson, ensku
kennari í Norðlingaskóla.
MÁLFRÍÐUR 23
Björn Gunnlaugsson.
Nýjar leiðir í Norðlingaholti