Málfríður - 15.10.2010, Blaðsíða 9
Tungumál heimsins eru ein helsta staðfesting þess að
við erum manneskjur. Það flókna samskiptaform sem
tungumálið er skilur okkur hvað skýrast frá öðrum
lífverum merkurinnar. Mannveran hefur verið ósköp
aum, lítil og veikbyggð á forsögulegum tíma. Það sem
hefur síðan gert hana að drottnara jarðarinnar til góðs
eða ills, látum það liggja á milli hluta, eru vitsmunir
hennar. En þessir vitsmunir næðu ekki langt ef með
þessari veikbyggðu veru hefði ekki þroskast hæfileiki
til samvinnu og að tjá sig sín í milli með mjög nákvæm
um og flóknum hætti, með tungumálinu. Þegar mann
eskjan breiddi úr sér yfir jörðina og lærði að lifa við
hinar ólíkustu aðstæður, allt frá ís norðurhjarans til
eyðimarka miðjarðarhitans, þróuðust með henni hin
margbreytilegustu tungumál sem hafa þjónað ólíkum
menningarheimum. Rétt eins og gróður jarðar hefur
öðlast allan sinn fjölbreytileika vegna ólíkra aðstæðna,
rétt eins og dýrategundirnar hafa öðlast allan sinn
dásamlega margbreytileika, eins er það með tungu
málin. Tungumálin, sem eru hljóðfæri og birtingar
form hástigs þróunarinnar, þ.e. hugsunar mannsins,
MENNINGARINNAR, þau hafa þróast við óendan
lega fjölbreytileika vegna ólíkra aðstæðna.
En nú eru veður válynd. Við höfum verið að horfa
undanfarnar vikur á heimildarþátt í sjónvarpinu
unnum af enska leikaranum Stephen Fry og félaga
hans um dýrategundir í útrýmingarhættu. Eins og
þátturinn er áhugaverður og skemmtilegur er hann um
leið nokkuð tregablandinn. Það fyllir mann depurð að
horfa á einstakar og áhugaverðar lífverur, sem maður
veit, á sama tíma, að geta verið síðustu eintökin á jörð
inni og innan fárra ára verði þessi dýrategund útdauð.
Og hvað veldur? Ágengni mannsins, eða öllu heldur
ágengni neyslumenningarinnar. Hin vestræna neyslu
menning vill og hamast við að gleypa allt undir sig.
Staðlar allt og alla. Hún leitast við að brjóta náttúruna
undir sig og móta alla jörðina að sinni neysluhyggju.
Dýrategundir hverfa, heilu frumskógarnir hverfa.
Menningarsamfélög annarra gerða hverfa og tungu
mál þeirra með.
Alþjóðahyggja neyslusamfélagsins ógnar sífellt
meira sjálfstæði fjölbreyttrar menningarflóru heims
byggðarinnar og þá um leið þjóðtungum hinna ólíku
hópa. Tungumálin eru hljóðfæri og það er náttúra hljóð
færa að geta af sér ólíka tónlist, hljómfall og tónlistar
menn, sem geta ekki tjáð sig á hvaða hljóðfæri sem er.
Hin fullkomnustu og takmarkalausustu „instrument,”
eins og píanóið/slagharpan eru allra góðra gjalda verð,
en ég er hræddur um að okkur þætti tónlistin fátækari
og innihaldsminni ef hljómborðið væri það eina sem
allur fjöldinn kysi sér til að spila á.
Tungumál smærri málsamfélaga eiga sífellt í baráttu
fyrir tilverurétti sínum. Þó eru þau í mjög misjafnri
stöðu. Sum eru sterk og full af innra þrótti. Eru jafnvel
undirstaðan í sjálfstæði og sjálfsvitund smáþjóða, eins
og okkar. Eiga sér ríka bókmenntahefð í fortíðinni og
gróskumikla sköpun í nútíðinni.
Önnur eru tungur samfélaga, með veika sjálfsmynd,
og í uppgjöf fyrir stærri málsamfélögum. Samt geta
þau verið hljóðfæri mikilvægra menningarverðmæta
sem hyrfu ef þessi málsamfélög hyrfu. Því er það mjög
mikils virði, rétt eins og efling þess fágæta í náttúrunni,
að efla þau og styrkja. Sem betur fer er alþjóðasamfé
lagið að gera sér þetta æ betur ljóst. Það var því vel við
hæfi að Vigdís Finnbogadótir var skipuð sendiherra
tungumála hjá Sameinuðu þjóðunum skömmu eftir að
hún lét af embætti forseta Íslands.
Tungumálið okkar, íslenskan, er e.t.v. okkar helstu
menningarverðmæti og lykillinn að sérstöðu okkar
sem þjóðar meðal þjóða. Við höfum margra aldra
reynslu af að hyggja að tungunni, gerð hennar, rótum
og notkunarmöguleikum.
Minjar um sögu og sjálfsmynd þjóða liggja oft í sýni
legum verðmætum, höggmyndum, málverkum, hús
búnaði, mannvirkjum, köstulum, brúm, heilu borgun
um. En því er ekki fyrir að fara hér á gamla Fróni. Við
getum ekki gengið um með erlendum gestum okkar
og sýnt þeim með stolti byggingar frá miðöldum, mál
verk endurreisnarinnar, borðbúnað úr Versalahöllum
o.s.frv. En við eigum okkar söguminjar inni í hug
sýnum þeim, sem tungumálið gefur okkur. Við eigum
okkar stórbyggingar í Íslendingasögunum, undur
falleg málverk í ljóðamyndum allra alda, Völuspá,
Lilju, Passíusálmunum, Jónasi, LeirulækjarFúsa, Æra
Tobba, Halldóri, Þórbergi, Megasi og öllum hinum. Þó
að íslenskan sé örtungumál þá hefur hún sterka stöðu
MÁLFRÍÐUR 9
Ræða flutt á Evrópska tungu-
máladeginum 26. september
á stofnfundi Vina Vigdísar-
stofnunar.
Kjartan Ragnarsson,
leikstjóri.
Hvers vegna er Stofnun Vigdísar
Finnbogadóttur mikilvæg?