Málfríður - 15.10.2011, Blaðsíða 10

Þann 12. júní síðastliðinn settist fjölmennur hópur
þýskukennara frá Íslandi á skólabekk í Berlin. Um
fimm daga sumarnámskeið Félags Þýzkukennara og
EHÍ var að ræða í samstarfi við Goethe Institut í Berlin.
Alls vorum við 21 talsins og hugsuðum okkur gott til
glóðarinnar að kynnast borginni betur, geta rætt saman
um ýmislegt tengt þýskukennslu, en ekki síst að kynn-
ast hvert öðru betur og njóta lífsins í Berlin. Þessir fimm
dagar voru því þéttbókaðir og vel nýttir. Við undirbún-
ing námskeiðsins hér heima, var mikil áhersla lögð á að
námskeiðið væri hagnýtt og hægt væri að nota verk-
efnin í kennslu með lítilli fyrirhöfn, þegar heim væri
komið. Því var mikilvægt að við upplifðum okkur eins
og nemendur og hefðum getu og þarfir þeirra í huga.
Þema námskeiðsins var „Berlin aktuell“. Fjallað var
um þessa stórkostlegu borg frá ýmsum sjónarhornum,
t.d. út frá sögu, listum, daglegu lífi, fólkinu sem þar
býr (við kynntumst t.a.m. hugtakinu „Kiez“) og út frá
ýmsum hverfum Berlínarborgar.
Aðalkennari námskeiðsins var Ulrike Behrendt.
Ulrike var mjög vel upplýst um óskir okkar. Hún reynd-
ist fyrirmyndarkennari með allt á hreinu – afar skipu-
lögð og vel undirbúin – engir langir fyrirlestrar, heldur
stutt innlegg, skýr fyrirmæli og umræður. Hún lagði
mikla áherslu á að við værum virk í tímum og fengjum
að glíma við margvísleg verkefni. Efnistök voru af
ýmsum toga, tónlist, alls kyns myndbönd, auglýsingar,
örviðtöl í útvarpi við útlendinga búsetta í Berlin, ljós-
myndir o.fl. Þessu fylgdi svo alls kyns ítarefni.
Námskeiðið fór að hluta til fram inni í einni af
kennslustofum Goethe-stofnunarinnar. Þátttakendur
voru virkir, leystu ýmsar þrautir (oft stöðvavinna), léku
málfræðiatriði, klipptu og límdu. Oft var farið á stúfana
og Berlín könnuð. Rétt eins og aðrar stórborgir er Berlín
samsett úr afar ólíkum hverfum sem hvert hefur sinn
stíl. Víst er múrinn horfinn að mestu, en þegar betur er
að gáð ber borgin enn merki hans. Í ljós kom að víða
má sjá, t.d. á mismunandi gerð götuljósa, hvort maður
er staddur vestan eða austan megin. Á einni viku er
ekki hægt að kynnast nema hluta borgarinnar, en við
komumst þó að því hvernig megi fá nasasjón af fleiri
hverfum án þess að hafa komið þangað. - Okkur var
skipt upp í fimm manna hópa. Með lítinn hverfisbækl-
ing í farteskinu, sem innihélt leiðarlýsingu og ýmsar
þrautir, lögðu hóparnir af stað í sitt hverfi og urðu
margs vísari um leið og þeir leystu alls kyns verkefni -
ýmist á eigin spýtur eða með aðstoð íbúanna. Þegar til
baka var komið var unnið að kynningarplakötum um
hverfin þar sem ferðalaginu var lýst, sérstaklega því
sem okkur fannst áhugavert og öðruvísi en við eigum
að venjast. Til að allir fengju smá ínnsýn í þessi mjög
svo ólíku hverfi, voru myndaðir litlir sérfræðihópar
með einum fulltrúa úr hverjum hópi og svo var lagt af
stað í ferðalag um Berlin. Farið var á milli plakatanna
undir leiðsögn hvers sérfræðings sem leiddi okkur
í gegnum sína upplifun af hverfinu og kynnti niður-
stöður könnunarleiðangursins. Ákaflega gaman var að
upplifa, hvernig ný Berlin opnaðist fyrir augum okkar
í gegnum persónulega frásögn sérfræðinganna.
Hópurinn fékk leiðsögn um Reichstagsgebäude
(Þýska þingið), fræddist um sögu hússins og störf
þýska þingsins. Við fórum víða um þessa sögufrægu
byggingu. Áhugavert var að fá tækifæri til að spyrja
leiðsögumanninn spjörunum úr um þýsk stjórnmál og
reyna að útskýra íslenska hlið ýmissa mála. Þinghúsið
sjálft hefur tekið ýmsum breytingum í tímans rás. Mest
er breytingin þó að innanverðu. Eftir síðustu endur-
gerð byggingarinnar birtist sagan þar ljóslifandi, og
þar má enn sjá ýmislegt forvitnilegt á veggjunum, eins
og grafíti hermanna Rauða hersins úr seinni heims-
styrjöldinni. Og það var einnig forvitnilegt að fá að vita
að kjallari þinghússins var notaður sem fæðingardeild
í stríðinu þar sem hann var sprengjuheldur.
Einnig var farið á slóðir Berlínarmúrsins, í Bernauer
Strasse og nágrenni, undir öruggri leiðsögn Matthiasar
Rau sem ólst upp og bjó í Austur-Berlín. Hann upplifði
það að múrinn var reistur, bjó við áralangan aðskilnað
frá ættingjum og vinum og síðast en ekki síst upplifði
hann að múrinn féll. Frásagnir hans voru áhrifamiklar
og persónulegar.
Þátttakendur voru
allir sammála um að
námskeið hafi verið
afar gagnlegt; bæði
faglega og félagslega,
auk þess sem það var
bráðskemmtilegt. Við
eigum fjársjóð í öllum
þeim gögnum og hug-
myndum sem við
komum með úr ferð-
inni og höfum við verið
dugleg að nýta okkur
fjársjóðinn við kennslu.
10 MÁLFRÍÐUR
Berlin, Berlin!
Sigurborg Jónsdóttir er þýsku-
kennari við Borgarholtsskóla
Sigurborg Jónsdóttir.
Allur hópurinn ásamt kennara.