Málfríður - 15.10.2012, Blaðsíða 4

Í þessari grein verður fjallað um helstu breytingar á
fyrirliggjandi drögum að nýrri námskrá miðað við þá
námskrá sem nú er í gildi . Þessar breytingar snúa bæði
að ytra skipulagi og innri gerð námskrárinnar . Rætt
verður um áhersluatriði eins og þau birtast í hæfnivið-
miðum, kennsluhætti sem stuðla að því að nemendur
nái hæfniviðmiðum, svo og nýja nálgun í námsmati .
Sameiginleg námskrá
Nú er í fyrsta sinn sameiginleg námskrá fyrir erlendu
tungumálin í grunnskólanum og er það í takti við
núgildandi námskrá framhaldsskólans fyrir erlend
tungumál sem er einnig sameiginleg fyrir öll tungu-
mál á því skólastigi . Kennslustundafjöldi hefur verið
aukinn nokkuð og fer í einn pott samanber viðmið-
unarstundaskrár hér fyrir neðan . Það kemur því í
hlut hvers skóla að ákveða hvernig tíminn skiptist
milli dönsku eða annarra Norðurlandamála annars
vegar og ensku hins vegar . Með þessu eykst frelsi til
að skipuleggja tungumálakennsluna á sveigjanlegri
máta . Heyrst hafa raddir sem hafa áhyggjur af því að
danskan verði undir, en nú verður sá möguleiki fyrir
hendi að dönskukennsla geti hafist fyrr en nú er, en
enska verður eftir sem áður fyrsta erlenda málið . Síðan
má geta þess að til stúdentsprófs er krafist tiltekinnar
hæfni í dönsku, þannig að grunnskólinn þarf að standa
vel að undirbúningi nemenda sem stefna á þannig
nám .
Sameiginlegir þættir fyrir öll námssvið
Eitt af því sem er nýtt er að öll námssvið eiga að falla
að grunnþáttum menntunar sem eru skilgreindir í
almenna hluta aðalnámskrárinnar . Þessir þættir eru
einnig lagðir til grundvallar í námskrám leik- og fram-
haldsskóla . Grunnþættirnir eru:
• Læsi
• Sjálfbærni
• Heilbrigði og velferð
• Lýðræði og mannréttindi
• Jafnrétti
• Sköpun
Þessa grunnþætti er mikilvægt að flétta inn í við-
fangsefni og skipulag tungumálanáms og þeir eru vel
til þess fallnir að dýpka skilning nemenda á þessum
mikilvægu þáttum og auka víðsýni þeirra . Að auki
eru þættirnir læsi, sköpun og lýðræði samofnir náms-
ferlinu sjálfu eins og sjá má i hæfniviðmiðunum .
Heildartími í
1 .-4 . bekk
Mínútur á viku
Heildartími í
5 .-7 . bekk
Mínútur á viku
Heildartími í
8 .-10 . bekk
Mínútur á viku
Viðmiðunarstundaskrá í
núgildandi námskrá
Enska 40 240 400
Danska 120 440
Viðmiðunarstundskrá í
drögum að nýrri námskrá
Erlend tungumál; enska,danska/
önnur Norðurlandamál 80 460 840
Hér sést að aukningin í tímafjölda er mest í 5 .-7 . bekk, næst mest í 1 .-4 . bekk, en óbreytt í 8 .-10 . bekk . Þar með
opnast sá möguleiki að hefja dönskukennslu fyrr en verið hefur .
Í eftirfarandi töflum má sjá samanburð á viðmiðunarstundaskrám:
Auður Torfadóttir og Brynhildur A. Ragnarsdóttir voru
í starfshópi við gerð námskrár í erlendum tungumálum
fyrir grunnskólann.
4 MÁLFRÍÐUR
Auður Torfadóttir
Ný námskrá í erlendum tungumálum
fyrir grunnskólann
Tungumál sem lifandi verkfæri til framtíðar
Brynhildur Anna
Ragnarsdóttir