Málfríður - 01.10.2013, Blaðsíða 18
15. heimsþing þýskukennara var haldið í Bozen á Ítalíu
29. júlí til 3. ágúst síðastliðið sumar. Þetta var í fyrsta
skipti sem þingið hefur verið haldið á Ítalíu. Bozen
(Bolzano á ítölsku) er höfuðborg Suður-Tíról í nyrsta
hluta Ítalíu. Það hérað tilheyrði áður Austurríska
keisaraveldinu og var innlimað í Ítalíu eftir fyrri heim-
styrjöldina. Stór hluti íbúa Suður-Tíról á ættir sínar að
rekja til Austurríkis og talar þýsku. Í Bozen eru þó flestir
sem tala ítölsku að móðurmáli. Eftir seinni heimstyrj-
öldina skipaði Mussolini fyrir um sérstakt átak til að
gera borgina ítalskari en hún var, og á þeim tíma flutt-
ist margt fólk úr öðrum héruðum Ítalíu til Bozen. Nú
búa þar um 100 þúsund manns og er óhætt að segja að
borgin litist af þessum tveimur menningarheimum úr
suðri og norðri.
Yfirskrift heimsþingsins var „Deutsch von innen,
Deutsch von außen“ (þýskan frá öllum hliðum). Hátt
í 2700 manns alls staðar að úr heiminum tóku þátt
í þinginu. Í Alþjóðasamtökum þýskukennara eru
þýskukennarafélög frá tæplega 90 löndum með alls
um 250.000 félaga. Átta þýskukennarar frá Íslandi og
tveir makar fóru á heimsþingið.
Dagskrá þingsins samanstóð meðal annars af
ýmsum erindum frá öllum heimshornum og umræðum
um þýsku og þýskukennslu. Hægt var að taka þátt í
vinnustofum þar sem þátttakendur fengu innsýn í
margbreytilega þýskukennslu í skólum í Suður-Tíról.
Fjölmargar bókaútgáfur voru með kynningarbása og
kynntu nýtt og fjölbreytt efni á sviði þýskukennslu. Öll
aðildafélög í Alþjóðasamtökum þýskukennara kynntu
sig og sitt land. Félag þýzkukennara á Íslandi var þar
engin undantekning. Aska úr Eyjafjallajökli, hraun-
molar, íslenskt sælgæti, harðfiskur, myndir frá Íslandi
og fleira vöktu forvitni gestanna og þótti okkur bara
takast vel til.
Einn dagurinn fór í ýmsar skipulagðar ferðir um
Suður-Tíról og nágrenni. Þátttakendur gátu valið á
milli fjölmargra ferða, t.d. til Feneyja, vínræktarhér-
aða Suður-Tíról, Gardavatnsins, Veróna, Glurns sem
er minnsta borg Alpanna, München, Innsbruck og
Dólómítafjallanna sem eru einstök fjöll á heimsminja-
skrá UNESCO. Íslendingarnir völdu sér mismunandi
ferðir og voru allir mjög ánægðir með það sem fyrir
augu bar, hver ferðin var annarri
betri.
Fulltrúaráðsfundur, þar sem
öll aðildarfélög Alþjóðasamtaka
þýskukennara geta átt sinn full-
trúa, var haldinn fyrir og eftir
heimsþingið. Þar fóru fram
ýmis aðalfundarstörf. Stjórnina
skipa nú Marianne Hepp for-
maður (Ítalía), Alina Dorota
Jarzabek varaformaður (Pól-
land), Benjamin Hedzic gjald-
keri (Bosnía – Herzegóvína),
Geraldo de Carvalho Neto ritari
(Brasilía) og Puneet Kaur aðal-
ritari (Indland). Auk þess eru
þrír sérfræðingar frá Austurríki,
Sviss og Þýskalandi í stjórninni
og eru þeir tilnefndir, en full-
trúaráðsfundurinn kýs þá ekki.
Á fundinum var meðal annars
18 MÁLFRÍÐUR
Waltherplatz í miðbæ Bozen .
Heimsþing þýskukennara í Bozen
Áslaug Harðardóttir, þýsku
kennari við Menntaskólann að
Laugarvatni.
Áslaug Harðardóttir