Fréttablaðið - 18.10.2014, Blaðsíða 108

18. október 2014 LAUGARDAGUR| LÍFIÐ | 76
YRSA GEFUR ÚT DNA
Yrsa Sigurðardóttir leggur nú
lokahönd á sína tíundu glæpasögu
sem út kemur hjá Veröld í nóvember.
Hún nefnist einfaldlega DNA. Bókin
segir frá því þegar ung kona er myrt
á skelfilegan hátt á heimili sínu að
nóttu til. Eina vitnið er sjö ára dóttir
hennar. Morðinginn
lætur aftur til skarar
skríða og skömmu
síðar fær radíóamatör
sérkennileg skilaboð
á öldum ljósvakans
sem tengir
hann við bæði
fórnarlömbin.
- fb
„Jú, vá mér fannst alveg rosalega
leiðinlegt að komast ekki. Þetta er
búið að vera svo skemmtilegt ferða-
lag saman og það er leiðinlegt að
geta ekki endað það saman,“ segir
Darri Ingólfsson, sem fer með aðal-
hlutverk í Borgríki 2.
Hann gat ekki komið á viðhafn-
arfrumsýninguna í Háskólabíói á
miðvikudag þar sem hann var að
leika í þáttunum Stalker með Dylan
McDermott í aðalhlutverki. „Þess-
ir þættir minna svolítið á NCIS eða
CSI. Þeir gerast í deild innan lög-
reglunnar sem sérhæfir sig í að
aðstoða fólk sem hefur verið setið
um. Í hverjum þætti er einn elti-
hrellir og ég leik einn slíkan.“
Það var mikill heiður fyrir Darra
að leika í Borgríki 2 og vinna með
íslensku leikurunum. „Ég er búinn
að fylgjast með þeim frá því ég
var yngri, Ingvar E, Siggi Sigur-
jóns og þessir snillingar. Ég horfði
endalaust á kvikmyndir sem barn,
á Djöflaeyjuna, Engla alheimsins
og allar þær myndir. Einhverja af
þeim sá ég líka í leikhúsi og varð
gjörsamlega heillaður. Það var því
mikill heiður að fá að leika á móti
þessum meisturum,“ segir hann.
Sex ár eru síðan hann flutti
til Los Angeles sem hann hefur
verið að reyna fyrir sér sem leik-
ari. Hann segir að það séu tvö ár
síðan hann gat farið að lifa alfarið
af þessu, en þetta hafi verið mikið
hark. Þá segir hann mikilvægt að
halda í drauminn.
Í fyrra fékk Darri svo óvænt
hlutverk í þáttunum um Dexter.
„Ég átti ekki von á því, það gerðist
svo hratt og var engin form-
leg prufa þannig, ég fór bara og
las senu og spjallaði við þá. Svo
hringdi umboðsmaðurinn minn
í mig tveimur dögum síðar og þá
var búið að bóka mig í sjö þætti,“
segir Darri, en hann var staddur á
sjúkrahúsi að skoða fæðingardeild-
ina fyrir komu sonar síns þegar
hann fékk fréttirnar. „Ég þurfti
alveg að halda í mér spenningnum,
þetta var ekki alveg staðurinn til
þess að fagna og vera með læti.“
En Baltasar hefur ekkert haft sam-
band við hann og boðið honum hlut-
verk í víkingamyndinni?
„Ég þekki hann nú ekki mikið,
en mig hefur oft langað að vinna
með honum. Maður þarf auðvitað
að vera réttur maður í verkefnið og
ætli ég sé ekki of lítill fyrir hana,“
segir Darri. „Ég myndi aldrei segja
nei samt, ég gæti allavega safnað
skeggi.“
adda@frettabladid.is
Myndi safna víkinga-
skeggi fyrir Baltasar
Leikarinn Darri Ingólfsson komst ekki á viðhafnarfrumsýninguna á Borgríki 2,
þar sem hann var önnum kafi nn við að leika eltihrelli í spennuþáttunum Stalker.
MISSTI AF FRUMSÝNINGU Darri missti af viðhafnarfrumsýningu Borgríkis 2 vegna
þess að hann var upptekinn við að leika eltihrelli. FRÉTTABLADID/JULIA SANDBERG HANSSON
*Að sjálfsögðu fær ríkissjóður 25.5% virðis-
aukaskatt af söluverði. 20,32% afslátturinn
er alfarið á kostnað DORMA.
„Erfitt að segja af hverju þetta er
tabú, ætli það sé ekki margþætt,“
segja systurnar Katrín Helga
Andrésdóttir og Anna Tara Andr-
ésdóttir sem mynda hljómsveitina
Hljómsveitt.
Þær hafa vakið mikla athygli
og hneykslan fyrir lagið og mynd-
bandið Næs í rassinn, þar sem þær
syngja opinskátt um endaþarms-
mök karla og kvenna. „Hvernig
ætla þeir sem hafa áhyggjur af
skaðsemi endaþarmsörvunar að
leysa vandann? Með því að tala
ekki um það? Við heyrum ítrek-
að af fólki sem nýtur endaþarms-
örvunar en skammast sín fyrir
það sem er svo sorglegt því það
er fullkomlega líkamlega eðlilegt,
þar sem við fæðumst með örvandi
endaþarm.“ Systurnar segja jafn-
vel meiri skömm vera á karlmönn-
um sem njóti endaþarmsörvunar.
,,Ég ímynda mér að þegar fólk
á erfitt með að tala um kynlíf þá
eigi það einnig erfiðara með að
stunda það. Ef orðin ein og sér
eru erfið þá er líklegt að kynlífið
verði það líka,“ segir Anna Tara.
Systurnar segjast hafa vitað
fyrirfram að þær myndu fá ein-
hverja upp á móti sér en að marg-
ir yrðu jafnframt þakklátir, hvort
sem það væri í leyni eða ekki. Í
bókinni Kynlíf – já takk stendur
að þegar einhver bregður út af
vananum geti það valdið óöryggi,
streitu og skilningsleysi. Óörygg-
ið sem við finnum til innra með
okkur á það til að knýja okkur
í vörn í formi alhæfinga og for-
dóma. Við minnum á að við erum
ekki að finna upp hjólið, aðeins að
fjalla um það. Sagan setur hlutina
í gott samhengi, til dæmis þóttu
munnmök einu sinni afbrigðileg.
„Fólk virðist skiptast í tvo hópa,
þá sem hata okkur, þá sem elska
okkur og fáir eru þar á milli.“ En
hvað finnst góðborgurum eins
og ömmu og afa um tónlistina?
„Það má segja að það séu líflegar
umræður við matarborðið okkar,“
segja þær.
- þij
Óhefðbundið kynlíf er tabú
Systurnar í Hljómsveitt hafa vakið mikla athygli og hneykslan fyrir lagið Næs í rassinn.
HLJÓMSVEITT
BRJÓTA TABÚ
Hljómsveitt
vill stuðla að
heilbrigðu
kynlífi.
MYND/KRISTÍN
PÉTURSDÓTTIR
TÓK LAGIÐ Í LOS ANGELES
Tónlistarmaðurinn Ásgeir Trausti tróð
upp í íslensku versluninni Reykjavík
Outpost í Los Angeles á
fimmtudag við mikinn
fögnuð viðstaddra. Ásgeir
er eins og er á tónleikaferð
um Bandaríkin. Þaðan
mun hann halda í tón-
leikaferð um Danmörku,
Þýskaland og
Frakkland, með
viðkomu á Ís-
landi, en hann
kemur fram
á Iceland
Airwaves
þann 5.
nóvember.
- asi
„Ég vildi að ég gæti
spólað fimm ár fram í
tímann, svo ég geti farið
með son minn í go-cart
og kynnt hann fyrir
kvenfólki.“
SIMON COWELL UM SON
SINN ERIC SEM ER ÁTTA
MÁNAÐA.
Ég horfði endalaust
á kvikmyndir sem barn, á
Djöflaeyjuna, Engla
alheimsins og allar þær
myndir.
Darri Ingólfsson
Í ÍSLENSKRI HÖNNUN
Á RAUÐA DREGLINUM
Sundkonan Ragnheiður Ragnars-
dóttir mætti á rauða dregilinn á
tískuvikunni í Los Angeles í vikunni.
Hún var að sjálfsögðu klædd í íslenska
hönnun og var í kjól eftir söngkonuna
Svölu Björgvinsdóttur sem
hannar undir merkinu
Kali. Ragnheiður fluttist
til Los Angeles í haust,
en þar leggur hún
stund á leiklistarnám.
Vinkona Ragnheiðar,
leikkonan Angelique
Gerber, klæddist
einnig í íslenskri
hönnun og
var í kjól frá
Ziska. - asi