Akureyri


Akureyri - 07.03.2014, Blaðsíða 13

Akureyri - 07.03.2014, Blaðsíða 13
27. febrúar 2014 8. tölublað 4. árgangur 13 AÐSEND GREIN ODDUR HELGI HALLDÓRSSON SKRIFAR Bænum er vel stjórnað Frá því L-listinn náði meirihluta árið 2010 hefur margt batnað hér í bæ. Við höfum komið verkefnum af stað og klárað. Verkefnum sem lengi höfðu verið í bígerð, en ekki hafði tekist að ganga í. Nefni ég þar fyrst Dalsbrautina. Um hana var í raun ekki mikill pólitískur ágreiningur, en einhverra hluta vegna höfðu menn ekki haft það í sér að klára hana, né heldur að taka hana þá út af borðinu. Annað sem ég nefni sem lengi hef- ur verið á dagskrá er að klára stíga- gerð frá Torfunefi og fram á flugvöll. Eins og fólk sér, þá er stígurinn kom- inn sunnan við Skautahöll og verið er að gera stíg norður eftir. Eins erum við að byrja að fara í strandlengjuna að Torfunefi. Við erum langt komin með að gera Glerárdal að enn meiri útivistarparadís, með því að gera hann að fólkvangi. Við erum að fara að virkja Glerá. Við höfum lokið við deiliskipulagsvinnu á Drottningar- brautarreit. Við erum núna að vinna við deiliskipulag miðbæjarins og mun það klárast fyrir vorið. Okkur hef- ur tekist að vinna það í mjög góðri sátt allra flokka og eiga allir þakkir skildar fyrir það. Bæjastjórnin gaf bæjarbúum það í 150 ára afmælisgjöf að setja 100 milljónir á ári næstu fimm árin í sérstakt umhverfisátak. Var fyrsta árið í fyrra. Auglýst var eftir tillög- um frá bæjarbúum sem brugðust vel við og sendu inn margar tillögur. Dæmi um framkvæmdir úr átakinu eru að leiksvæði voru endurnýjuð, stígur meðfram Glerá, framkvæmdir í Kjarnaskógi og hundasvæði við Há- skólann svo eitthvað sé nefnt. Einnig tókum við upp á þeirri nýbreytni að gefa hverfisnefndum kost á að hafa áhrif á framkvæmdir og fékk hver þeirra um 2 milljónir króna til þess. Það verður þó að segjast að sú aðgerð hefði mátt vinnast betur af hálfu Akureyrarbæjar og mun það verða betur gert á þessu ári. Við höfum sest niður með formönnum hverfisnefnda til skrafs og ráðagerða og ber öllum saman um að bætt vinnubrögð séu til bóta og þetta átak sé þarft og gott. Þetta er dæmi um aukið íbúalýðræði, þar sem við ákváðum að taka eitt skref í einu. Frá því 2010 hefur orðið gjör- breyting á framkvæmdum á vegum bæjarins. Við lögðum strax á það mikla áherslu að gera raunhæfar kostnaðaráætlanir við framkvæmdir og standa við þær. Það hefur okkur tekist og má nefna Hjúkrunarheimilið Lög- mannshlíð, áframhaldandi upp- byggingu Naustaskóla , gervigrasvöll hjá KA og viðbyggingu við Þrast- arlund. Núna þessa dagana er ver- ið að taka í notkun nýuppgerðan Húsmæðraskólann. Hann var í meirihlutaeigu ríkisins og viðhald hafði ekki verið mikið undanfarna áratugi. Tilgangurinn hjá okkur var tvíþættur. Það vantaði húsnæði fyr- ir skammtíma- og skólavistun fatl- aðra og með þessu móti gætum við varðveitt þessa glæsilegu byggingu í sem upprunalegastri mynd og fengið henni nýtt og göfugt hlutverk. L-listinn lagði strax mikla áherslu á að hafa bæinn snyrtilegan og það hefur tekist. Sláttur og um- hirða hefur batnað mikið og fólk sér, sérstaklega yfir sumarið, hversu snyrtilegur bærinn er. Betur má ef duga skal og þessari vinnu verður að sjálfsögðu haldi áfram, haldi L- listinn forystuhlutverki í bænum. Á árinu 2010 komu inn í rekstur bæjarins þrjú stór mannvirki. Íþróttamannvirki á Þórsvæðinu, íþrótta- og fimleikahús Giljaskóla og Menningarhúsið Hof. Lætur nærri að rekstur þessa mannvirkja sé um hálfur milljarður á ári og var þetta hrein viðbót við annan rekstur. Þó svo að eftirköst kreppunnar hafi verið erfið og við þurft að kljást við erfiðleika í rekstri, þar sem gjöld hafa á köflum aukist umfram tekjur, þá hefur tekist að halda uppi háu þjónustustigi og ekki hefur þurft að skera niður til skemmda. Við hagræðingu og niðurskurð höfum við reynt að hlífa þeim mála- flokkum sem hafa með fræðslu- og félagsmál að gera. Framlög til fræðslumála hafa t.d. aukist frá 2009 um 900 milljónir, eða yfir 20%. sem er hækkun umfram verðbólgu. Einnig höfum við staðið frammi fyrir því að nægjanlegt fjármagn hefur ekki fylgt þeim verkefnum sem við sinnum fyrir ríkið. Er ég þar að tala um rekstur heilsugæslustöðvar, öldrunarþjónustu og sjúkraflutninga. Þrátt fyrir allt hefur reksturinn gengið ágætlega og núna við síð- ustu áramót má gera ráð fyrir að skuldastaða bæjarins hafi verið töluvert lægri í krónum talið en um áramótin 2009-10. Þrátt fyrir að við höfum tekið um 1 milljarð að láni fyrir ríkið, vegna hjúkrunarheimilis og þrátt fyrir að lánskjaravísitala hafi hækkað um 17% á tímabilinu. Nánari upplýsingar munu liggja fyr- ir við birtingu ársreiknings í kring- um næstu mánaðarmót. Það má því með sanni segja að okkur hefur gengið vel að greiða niður skuldir. Bænum er vel stjórnað! Frá því 2010 hefur orðið gjörbreyting á framkvæmdum á vegum bæjarins. Oddur Helgi Halldórsson AÐSEND GREIN Zonta segir nei Bréf til karla Kæru afar, feður, synir og bræður! Við undirritaðar eigum við ykkur brýnt erindi sem er ósk um að þið látið ykkur varða baráttuna gegn ofbeldi á konum. Við höfum þegar sent öllum karlaklúbbum á Akur- eyri erindi og boðið þeim til fundar á Alþjóðlegum baráttudegi kvenna, 8. mars, sem haldinn er í samvinnu við Jafnréttisstofu. Með þessu bréfi bjóðum við ykkur öllum á fundinn og væntum þess að þið fjölmennið! Við erum félagar í Zontaklúbbun- um tveimur á Akureyri sem tilheyra hinni alþjóðlegu Zontahreyfingu. Markmið hennar er að bæta stöðu kvenna um allan heim, líka í heima- löndum klúbbanna. Eins er Zonta aðili að Pekingsáttmála Sameinuðu þjóðanna, frá 1995, þar sem meðal annars er kveðið á um að útrýma skuli ofbeldi á konum. Þar segir að slíkt ofbeldi standi í veginum fyrir jafnrétti, þróun og friði - og geri oft mannréttindi og grundvallarfrelsi kvenna að engu. Enn er langt í land að markmiðið náist og oft er sem ekkert miði í baráttunni. Það gefur vísbendingu um hve verkefnið er erfitt og flókið og að við þurfum að breyta vinnubrögðum okkar. Konur hafa oftast verið í fararbroddi þeirra sem unnið hafa að þessum málum og við Zontakon- ur á Akureyri höfum saknað ykkar karlanna á fundum og ráðstefnum sem við höfum staðið fyrir. Okkur finnst að ykkur sé málið skylt. Það er þó alls ekki svo að karlar hafi ekki lagt sín lóð á vogarskálarnar. Skemmst er að minnast framlags Jóns Kalmanns Stefánssonar í bók- inni Fiskarnir hafa enga fætur, þar sem konur fá orðið um kynbundið ofbeldi, og eins má líta á verðlauna- bók Sjóns, Mánastein, sem innlegg í umræðuna um ofbeldi. Væntanleg er einnig kvikmyndin Vonarstræti eftir leikstjórann Baldvin Z. Þar nýt- ir hann lífsreynslu vændiskonu við handritsgerð og segir veruleika karla í vændisheiminum einkennast af virðingarleysi fyrir konum. Við sem teljum vændi eina tegund ofbeld- is fögnum þessu framlagi Baldvins. Megi myndin breyta hugmyndum manna um mannréttindi kvenna og verða enn ein sönnun þess að listin sé eitt sterkasta tækið til breytinga í veröldinni. Stundum heyrist sagt að ofbeldi sé inngróið í mannlegt eðli. Þessu mótmælti Nelson Mandela kröftuglega og sagði að unnt væri að koma í veg fyrir ofbeldi, en til þess að það væri mögulegt þyrfum við að komast að rótum þess. Í dag teljum við okkur vita ýmislegt um ástæðurnar, en fyrir leikmenn einsog undirritaðar eru aðrar óljósar og lítt skiljanlegar. Við veigrum okkur við því að skyggnast inn þennan heim og mörg ósýnileg höndin úr netheimum stýrir atferli fólks, einkum þeirra sem ungir eru og ómótaðir. Nú kunnið þið að spyrja: Er þetta ekki vonlaus barátta og til hvers er ætlast af okkur? Við trú- um því að fyrst þurfi allir, karlar og konur, að horfast í augu við vandann, segja NEI og síðan að fræðast, reyna að skilja og loks að finna leiðir. Þar treystum við á fræðimenn okkar og sérfræðinga - og margir þeirra eru karlar. Ef til vill höfum við konur stolið senunni frá ykkur körlunum í baráttunni gegn ofbeldi á konum; kannski hafið þið alltaf viljað standa við hlið okkar í fylkingarbrjósti? En nú er kominn tími til breytinga og því munum við eftirláta körlum pontuna á Alþjóðlegum baráttudegi kvenna, 8. mars. Sjáumst á Hótel KEA um hádegi! Með kærum kveðjum Helena Eyjólfsdóttir Inga Margrét Árnadóttir Ingibjörg Auðunsdóttir Jóhanna Bára Þórisdóttir Kristín Aðalsteinsdóttir Kristín Sigfúsdóttir Svanfríður Larsen

x

Akureyri

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Akureyri
https://timarit.is/publication/1079

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.