Bæjarins besta - 16.04.2014, Blaðsíða 16

16 MIÐVIKUDAGUR 16. APRÍL 2014
Vísir með 70% ársverka
í sjávarútvegi á Þingeyri
Hjá Vísi hf. á Þingeyri eru um
35 ársverk. Það gerir um 71% af
þeim störfum sem eru í sjávarút-
vegi á Þingeyri. Þetta kemur fram
í minnisblaði Atvinnuþróunarfé-
lags Vestfjarðar um atvinnumál
á Þingeyri sem var lagt fram á
fundi bæjarráðs Ísafjarðarbæjar.
Á Þingeyri eru 21 fyrirtæki. Rúm-
lega 50% fyrirtækjanna eru í
útgerð, eldi, vinnslu eða annarri
tengdri stoðþjónustu. Stærsta og
mest áberandi fyrirtækið á Þing-
eyri er starfsstöð Vísis. Á eftir
sjávarútvegi er næst mestur fjöldi
í ferðaþjónustu og tengdum iðn-
aði s.s. farþegaflutningum, gisti-
heimili, veitingasala o.s.frv. 30%
þessara lögaðila eru í þessum
geira.
Ferðaþjónusta er vaxandi at-
vinnugrein, en hefur ekki burði
til skemmri tíma til að halda uppi
atvinnustigi á Þingeyri líkt og
Vísir gerir. Aðra stoðþjónustu er
að finna á svæðinu eins og véla-
og viðgerðaþjónustu, leigufélög
fyrir atvinnuhúsnæði og flutn-
ingaþjónusta og er fjöldi þessara
fyrirtækja um 20% lögaðila í
þessum geira. Áætlað er að 129
manns séu á vinnumarkaðinum á
Þigneyri og þar af eru 49 manns
starfandi í sjávarútvegi sem gerir
um 38 % af vinnuaflinu.
Vísir vinnur úr 1500 - 3000
tonnum af hráefni á ársgrund-
velli. Um 2000 tonn voru unnin á
síðasta ári. Hráefnisöflun fyrir-
tækisins kemur að mestu leyti í
gegnum viðskipti við eigin báta
sem er rúmlega 90% af fiskinum.
Mjög lítið er keypt af mörkuðum.
Jafnframt er töluvert af afla flutt
til svæðisins. Fyrir hvert starf
sem skapast í sjávarútvegi er
áætlað að það verði til um 1,63
óbein störf í öðrum greinum.
Þessi störf eru í opinberri þjón-
ustu og stjórnsýslu, flutningum,
fasteignaviðskiptum, viðgerða-
þjónustu, iðnaði og verslun.
Miðað við ofangreint má gera
ráð fyrir að það skapist um 57
önnur störf vegna starfsemi Vísis
á Þingeyri. Það má gera ráð fyrir
því að stórt hlutfall þessara óbeinu
starfa verði til annars staðar en á
Þingeyri þar sem þjónustumið-
stöðvar fyrir flutninga, umbúðir,
viðgerðir og önnur fyrirtæki eru
ekki á Þingeyri. – smari@bb.is
Þingeyri.
Pétur Hafsteinn Pálsson, fram-
kvæmdastjóri Vísis hf., segir í
yfirlýsingu sem hann hefur sent
fjölmiðlum vegna fréttaflutnings
af byggðakvóta sem fyrirtækið
fékk á Þingeyri, að á móti þeim
1.300 tonnum sem fyrirtækið
fékk úthlutað, hafi það sjálft lagt
fram 30 þúsund tonn af fiski til
vinnslu á Þingeyri. „Vegna um-
fjöllunar fjölmiðla um byggða-
kvóta og meintar ívilnanir til
Vísis hf. vill fyrirtækið árétta að
það rúmlega tuttugu faldaði þann
kvóta sem úthlutað var til byggð-
arlagsins og útgerðinni var falið
að afla á árunum 2000 til dagsins
í dag. Þetta sýnir, svo ekki verður
um villst, að á síðustu þrettán
árum hefur fyrirtækið lagt samfé-
laginu til veruleg verðmæti þar
sem hlutur byggðakvótans var
hverfandi.
Eins og nafnið gefur til kynna
er byggðakvóta úthlutað til eins
árs í senn til byggðarlaga sem
síðan skipta þeim kvóta niður á
fiskiskip. Útgerðir þeirra skuld-
binda sig á móti til þess að leggja
fram annað eins af eigin kvóta
og landa sem nemur tvöföldum
byggðakvóta í viðkomandi byggð-
arlagi. Eins og fram kom í BB
aflaði fyrirtækið 1.300 tonnum
af úthlutuðum kvóta til byggðar-
lagsins á 13 árum, eða 100 tonn-
um að jafnaði á ári. Á sama tíma
lagði fyrirtækið til um 30.000
tonnum af fiski sem unnin voru í
frystihúsi fyrirtækisins á Þing-
eyri,“ segir í yfirlýsingu Péturs.
– smari@bb.is
Vísir lagði til
30 þúsund tonn
Pétur Hafsteinn Pálsson. Mynd: Fiskifréttir.