Dagblaðið Vísir - DV - 13.06.2008, Blaðsíða 18

föstudagur 13. Júní 200818 Helgarblað DV
Missti
vini
vegna
umfjöllunar Kastljóss
Aðalmeðferð fór fram í meiðyrðamáli Luciu Celeste Molina Si-
erra og Birnis Orra Péturssonar vegna umfjöllunar Kastljóss
um ríkisborgaraveitingu til Luciu. Hún er tengdadóttir Jónínu
Bjartmarz sem þá gegndi ráðherraembætti umhverfismála.
Lucia segist hafa misst vini vegna umfjöllunarinnar.
„Ég missti vini vegna umfjöllun-
arinnar,“ sagði hin suðurameríska
Lucia Celeste Molina Sierra, sem
er frægust fyrir að vera tengda-
dóttir Jónínu Bjartmarz, fyrrum
umhverfisráðherra Framsóknar-
flokksins. Aðalmeðferð fór fram í
meiðyrðamáli Luciu og kærasta
hennar, Birnis Orra Pétursson-
ar gegn fréttamönnum Kastljóss
í Héraðsdómi Reykjavíkur í gær
vegna umfjöllunar þeirra um rík-
isborgararétt Luciu á síðasta ári.
Kastljósmennirnir Helgi Seljan og
Sigmar Guðmundsson voru stadd-
ir í réttarsalnum. Helgi gagnrýndi
meðal annars samkeppnisaðilann,
Ísland í dag, harðlega fyrir að hafa
leynt gögnum í viðtali við Luciu.
Báðir sögðu þeir að umfjöllunin
hefði átt rétt á sér.
Mamma mælir með
Það var fyrir síðustu þingkosn-
ingar sem Kastljós fjallaði um
ríkisborgaraveitingu allsherjar-
nefndar til tengdadóttur Jónínu.
Þá neitaði umhverfisráðherrann
Jónína Bjartmarz alfarið að nokk-
ur tengsl hefðu verið á milli henn-
ar og Luciu varðandi umsóknina
sem tengdadóttirin sendi allsherj-
arnefnd. Athygli vakti að afgreiðsla
beiðni stúlkunnar tók tíu daga.
Umsóknin var móttekin í dóms-
málaráðuneytinu þann sjötta
mars á síðasta ári, þaðan send lög-
reglustjóra og Útlendingastofnun
daginn eftir, svo var hún send aft-
ur til dómsmálaráðuneytis sam-
dægurs. Allsherjarnefnd þvertók
þá fyrir að nefndarmenn hafi vit-
að að stúlkan tengdist Jónínu þrátt
fyrir að lögheimili hennar væri hjá
ráðherranum og að móðir Jónínu
hafi ritað meðmæli sem fylgdu
umsókninni.
Pólitísk aðför
Í réttarsal í gær var helst farið
yfir þau atriði sem lúta að birtingu
umsóknar Luciu í Kastljósþætti
á síðasta ári. Nöfnin voru aftur
á móti ekki sjáanleg en sjá mátti
nafn Birnis Orra á umsókninni í
fréttatíma fréttastofu ríkissjón-
varpsins. Hann sagði það hafa ver-
ið sér þungbært og vildi meina að
það hefði verið óþarfi að nafn hans
birtist í fréttinni.
Aðspurður um sín sjónarmið
fyrir rétti sagi Birnir Orri: „Í fyrstu
hélt ég að þarna væri um misskiln-
ing að ræða, síðan sá ég að um var
að ræða einhverskonar aðför að
móður minni.“
Bæði Helgi og Sigmar vísuðu
þeirri ásökun alfarið á bug og
sögðu engar pólitískar forsendur
fyrir umfjölluninni. Þá benti Helgi
á að gagnrýnin hafi aðallega beinst
að allsherjarnefnd en þar áttu all-
ir fulltrúar stjórnmálaflokkanna
sæti. Hafi verið um aðför að ræða,
þá var hún þverpólitísk að sögn
Helga
Ríkisfang kom á óvart
„Það kom mér á óvart að ég fékk
ríkisborgararéttinn,“ sagði Luc-
ia um umsóknina. Hún sagði að
Jónína hefði aðstoðað sig við um-
sóknina en þvertók fyrir að Jónína
hefði skrifað umsóknina fyrir hana
eða komið að henni með óeðlileg-
um hætti. Að sögn Luciu bjóst hún
ekkert frekar við svona skjótri með-
ferð þar sem Jónína hefði einmitt
sagt henni að ákvörðun allsherj-
arnefndar gæti farið á báða bóga.
Lucia sagði að hún hefði upplifað
umfjöllun Kastljóss þannig að hún
hafi fengið ríkisborgararéttinn
vegna tengsla við Jónínu en ekki
fyrir eigið ágæti.
Vildi í nám
Þegar Sigmar bar vitni fyrir rétti
sagði hann að umfjöllunin hefði átt
fyllilega rétt á sér. Hann sagði í því
samhengi að Kastljósi hafi borist
tvær aðskildar vísbendingar sem
voru til tveggja fréttamanna inn-
an Kastljóss um ríkisborgaraveit-
inguna. Þeir hafi svo skoðað málið
í rúma viku og metið í kjölfarið að
það ætti erindi við almenning. Þeg-
ar hann var spurður um ástæður
þess að umsóknin hefði verið birt í
þættinum sagði hann að það hefði
verið vegna þess að í viðtali við
Jónínu Bjartmarz deginum áður,
hafði hún ýjað að því að stúlkan
hefði flúið vegna mannréttinda-
brota í heimalandi sínu, Guate-
mala. Á umsókninni hafi hins veg-
ar staðið að stúlkan hefði sótt um
ríkisborgararéttinn svo hún gæti
haldið til náms í Englandi.
Hnýtir í Ísland í dag
„Það eru ekki viðkvæmar upp-
lýsingar að fara til náms,“ sagði
Sigmar og áréttaði að engin nöfn
hefðu verið sjáanleg á umsókninni
þegar Kastljós sýndi hana.
Þegar Helgi bar vitni tók hann
undir öll sjónarmið Sigmars en
bætti við að svo virtist sem Luc-
ia hafi leynt tengslum sínum við
Jónínu á umsókninni í þættinum
Ísland í dag á Stöð tvö. Þar hafi
Steingrímur Sævar Ólafsson gef-
ið nokkurskonar „heilbrigðisvott-
orð,“ eins og Helgi orðar það, en
þar sagði Steingrímur að engin
tengsl við Jónínu væru á umsókn-
inni. Aftur á móti upplýsti DV á
síðasta ári að einn umsagnaraðil-
anna hafi í raun verið móðir Jón-
ínu Bjartmarz og því voru tengslin
augljós. Þegar DV ræddi við Stein-
grím á síðasta ári sagðist hann hafa
mismælt sig og það hafi ekki vakað
fyrir honum að leyna umsögninni.
Að lokum sögðu Kastljósmenn
að málið hafi ekki snúist um Luc-
iu eða Birni, heldur hafi fréttirnar
og umfjöllunin snúist um meðferð
valds og veitingu ríkisborgararétt-
ar hér á landi.
Aðalmeðferð er lokið í málinu
og má vænta niðurstöðu á næstu
vikum.
VaLuR gRettiSSOn
blaðamaður skrifar: valur@dv.is
„Það eru ekki viðkvæm-
ar upplýsingar að fara
til náms,“ sagði Sigmar
og áréttaði að engin
nöfn hefðu verið sjáan-
leg á umsókninni þegar
Kastljós sýndi hana.
Lucia og Birnir
aðalmeðferð í meiðyrðamáli
tengdadóttur Jónínu
Bjartmarz og sonar hennar
gegn Kastljósi fór fram í gær.
Réttmæt umfjöllun
fréttamennirnir Helgi
seljan og sigmar
guðmundsson sögðu
fyrir rétti að umfjöllun
Kastljóss um ríkisborg-
araveitingu allsherjar-
nefndar hafi átt rétt á sér.