Dagblaðið Vísir - DV - 13.06.2008, Blaðsíða 32

föstudagur 13. júní 200832 Umræða DV
Ný plata
„Það er búið að vera svo mikið að gera
hjá mér að vikurnar renna saman þannig
að ég ætla að segja frá síðustu tveimur vik-
um. En það sem bar hæst er nýja platan
mín sem kom út í síðustu viku á Íslandi,
sem er gríðarlega gaman því það eru fimm
ár síðan síðasta plata kom út þrátt fyrir að
Haxan hafi komið þarna í millitíðinni. Síð-
an voru tónleikar með Sinfóníuhljómsveit
Íslands ásamt stúlknakór, Lady and Bird,
Keren Ann og Bang Gang en þar komu
líka góðir vinir mínir fram sem gesta-
söngvarar, þau Magnús Jónsson og Ester
Talía. Ég hef verið að bóka Bang Gang-túr
um Evrópu þar sem ég hef verið að skoða
dagsetningar og gríðarleg fundahöld hafa
verið út af túrnum.“
Barði Jóhannsson,
tónlistarmaður
Horfir á fótbolta
„Mér fannst þetta óttalega tíðindalít-
il vika bæði hjá mér og í fréttum. Og það
fyrsta sem mér dettur í hug, og það er al-
veg ótrúlegt að ég skuli segja þetta, en fyrir
einhverja tilviljun virðist ég alltaf vera að
horfa á fótbolta þessa dagana. Fyrir mér er
þetta mjög merkilegt þar sem ég horfi ekki
á fótbolta. Samt búin að horfa á tvo leiki í
þessari viku og gæti trúað að Holland beri
sigur úr býtum.
Annars er það Whitesnake sem kom til
Íslands. Ég fór ekki á tónleikana en ég fór
á þá fyrir 18 árum og langaði ekki að sjá
þá núna. Mér skilst að sumum hafi fund-
ist þeir skemmtilegir og öðrum leiðinleg-
ir. Veðrið er farið að rætast, sumarið er að
koma. Mér finnst þurfa átján stiga hita og
sól til að það sé sumar.“
Margrét Eir Hjartardóttir,
söngkona
Spilar á Download-festival
„Það sem bar hæst í vikunni hjá mér er
bara að gerast núna. Ég var að lenda í Lond-
on, er að fara spila á Download-festival og
er rosalega spenntur. Það er mikil stemn-
ing fyrir tónleikunum. Annars var líka mjög
skemmtilegt að spila heima í Laugardals-
höllinni á miðvikudaginn þar sem við hit-
uðum upp fyrir Whitesnake. Það var rosa-
lega gaman og gott að komast heim og spila
fyrir íslenska áhorfendur. Það var svolítið
skrítin tilfinning að koma heim og spila þar
sem maður er búinn að venjast breskum
áhorfendum. Núna þarf maður bara að fara
að aðlaga sig aftur þeim íslensku. Aðlag-
ast er ekki rétta orðið, þetta er bara öðru-
vísi menning en ég var mjög ánægður með
útkomuna. Vonandi kemur að því einhvern
tímann að við höldum okkar eigin tónleika
í Laugardalshöllinni og fáum Whitesnake til
að hita upp. Nei, grín.“
Ragnar Sólberg, söngvari Sign
Enn vonsvikin
„Ég er enn að jafna mig eftir leikinn á
móti Val og er hálffúl ennþá, við töpuðum
honum með tveimur mörkum gegn einu.
Tapið olli mér og liðinu miklum vonbrigð-
um og er ég ennþá að jafna mig. Þó að
við höfum tapað verður maður að halda
áfram, snúa bökum saman og standa sig
betur næst. Það er mikið eftir af Íslands-
mótinu og margir leikir eftir.
Síðan var það eiturlyfjasmyglið í Nor-
rænu á Seyðisfirði. Það er alveg ótrúlegt
hvert allt er að stefna hérna í fíkniefna-
heiminum. Það eru alltaf að koma ein-
hverjar stórfréttir að það sé verið að taka
mikið magn eiturlyfja. Sem betur fer er
gæslan orðin það góð að eiturlyfin nást svo
þetta streymi ekki inn í landið.“
Olga Færseth,
knattspyrnukona hjá KR
HVAÐ BAR HÆST í Vikunni?
Það er komið sumar!
Fallegar, gróskumiklar plöntur
Tré, sumarblóm, skrautrunnar, berjarunnar, limgerðisplöntur,
rósir, fjölærar plöntur, grænmetisplöntur og kryddjurtir.
Mikið úrval af hengiplöntum.
Fagleg ráðgjöf um val á plöntum!
Annað nauðsynlegt í garðinn
Hengikörfur, ker, pottar, mold, áburður, smáverkfæri o.fl.
A
R
G
U
S
0
6-
03
06