Frjáls verslun - 01.03.2005, Blaðsíða 46

46 F R J Á L S V E R S L U N • 3 . T B L . 2 0 0 5
N Æ R M Y N D
Þ
egar talið berst að völdum í borgarpólitíkinni má full-
yrða að ekkert nafn heyrist jafn oft og nafn Alfreðs Þor-
steinssonar, borgarfulltrúa og stjórnarformanns Orku-
veitu Reykjavíkur. Fá fyrirtæki hafa enda úr eins miklu
fjármagni að moða og eru með starfsemi sem nær yfir
svo stórt landssvæði. Stundum er haft í flimtingum að Alfreð geti
skrúfað fyrir vatn, hita og rafmagn hjá um 150 þúsund manns.
Athafnasvæði Orkuveitu Reykjavíkur nær frá Hafnarfirði, austur á
Hvolsvöll og upp í Borgarfjörð.
En hver er þessi maður sem altalað er að sé og hafi verið valda-
mesti maður R-listans síðastliðin 11 ár? Þegar rýnt er í gögn sem
aðgengileg eru á Netinu finnst ekki mikið um Alfreð Þorsteinsson.
Það er nóg af fréttum um hann en annars frekar lítið að hafa. Þó það
að maðurinn heitir Alfreð Þór Þorsteinsson og er fæddur 15. febrúar
1944. Hann er því lýðveldisbarn og vatnsberi sem verður að teljast
skemmtileg tilviljun. Maki Alfreðs er Guðný Kristjánsdóttir, starfs-
maður hjá Odda til margra ára, en þau kynntust í tengslum við flokks-
starfið í Framsókn í gamla daga. Þau hjón eiga tvær dætur. Alfreð er
formaður borgarráðs, 2. varaforseti borgarstjórnar, stjórnarformaður
Orkuveitu Reykjavíkur og situr í stjórn framkvæmdaráðs Reykja-
víkur. Alfreð er Framari í öðru veldi, þ.e. hann er bæði framsóknar-
maður og ákafur stuðningsmaður knattspyrnufélagsins Fram.
Alfreð Þorsteinsson, borgarfulltrúi og stjórnarformaður Orkuveitu Reykjavíkur,
hefur helgað sig borgarpólitíkinni meira og minna í 35 ár. Sem stjórnarformaður
Orkuveitunnar er hann einn allra valdamesti stjórnmálamaður landsins.
Alfreð Þór Þorsteinsson
er fæddur 15. febrúar
1944. Hann er því „vatns-
beri“ sem verður að teljast
skemmtileg tilviljun.
LFREÐ
MYND: GEIR ÓLAFSSON