Frjáls verslun - 01.08.2005, Blaðsíða 188
188 F R J Á L S V E R S L U N • 8 . T B L . 2 0 0 5
Í Kauphöll Íslands er Kristín Jóhannsdóttir markaðs- og kynningarstjóri en hún er nýtekin við starfinu í fjarveru Helgu
Bjarkar Eiríksdóttur, sem er í ársleyfi: „Starf
mitt felst í að vinna með öllum deildum í
Kauphöllinni að öllu því sem kemur að mark-
aðs- og kynningarmálum. Ég sinni mörgum
mismunandi störfum, en þau helstu eru
meðal annars þau að vera ritstjóri heimasíðu
Kauphallarinnar, þar erum við mikið í sam-
starfi við útlönd og má segja að í starfi mínu í
heild sé ég ekki síður í samstarfi við erlenda
aðila en innlenda. Ég stýri einnig hópi sem
fjallar um markaðsmál varðandi Kauphöll-
ina og er líka í markaðshópi NOREX kaup-
hallanna. Svo eru útgáfumál fyrirtækisins
á minni könnu, má þar nefna Árbókina og
Kauphallartíðindi, nettímarit sem reynt er
að gefa út tvisvar í mánuði. Þá sé ég um
tengsl og samskipti við fjölmiðla, innlenda
sem erlenda.“
Kristín segir starfið fjölbreytt, hraðinn sé
mikill og alltaf eitthvað spennandi að gerast,
ekki síst vegna þeirra miklu sviptinga sem
hafa verið á markaðnum á síðustu vikum.
„Meðal þess sem við erum að gera um
þessar mundir er að koma á fót markaði
fyrir lítil og meðalstór fyrirtæki og einnig
erum við að fara að kynna íslenska markað-
inn ásamt nokkrum skráðum fyrirtækjum í
Kauphöllinni í London í nóvember, sem kall-
ast Capital Markets Day, svo það er í mörg
horn að líta þessa stundina.“
Kristín útskrifaðist frá Kennaraháskóla
Íslands árið 1996: „Ég starfaði sem kennari,
fyrst á Dalvík í tvö ár og síðan í Rimaskóla
eftir að ég hafði verið í Englandi um skeið
þar sem eiginmaður minn var í námi. Ég
hafði lengi haft áhuga á almannatengslum
og lét verða af því í fyrra að læra þau fræði;
fór til Skotlands og settist á námsbekk í
University of Stirling og lauk þar námi um
mánaðamótin júlí/ágúst með mastersgráðu í
almannatengslum. Verður að segjast eins og
er að það er frábært tækifæri fyrir mig að fá
að sinna starfi markaðs- og kynningarstjóra
Kauphallarinnar. Fyrir utan hvað vinnustað-
urinn er frábær, veitir starfið mér dýrmætt
tækifæri til að nýta mér menntun mína og
öðlast reynslu á þessum vettvangi.“
Kristín er fjölskyldumanneskja og er eig-
inmaður hennar Rúnar Dýrmundur Bjarna-
son, sem hefur að baki mastersnám í mati
á umhverfisáhrifum. Hann vinnur bæði hjá
Verkfræðistofunni Hönnun og Skipulags-
stofnun. Þau eiga tvö börn, Bjarna Ívar og
Ísold Kristínu.
Áhugamál Kristínar eru að rækta fjöl-
skylduna og tónlist: „Eins og gefur að skilja
færist áhugamálið yfir á börnin þegar búið
er að stofna fjölskyldu, en tónlistin hefur
alla tíð verið áhugamál mitt. Ég kem úr fjöl-
skyldu þar sem mikið er um tónlist, bæði
faðir minn og bróðir eru góðir tónlistarmenn
og ég hóf snemma nám á píanó sem entist
nú ekki lengi, en fór síðan í söngnám í Söng-
skóla Reykjavíkur á seinni árum og lauk 5.
stigi áður en ég fór til útlanda. Ég hef ekki
enn gefið mér tíma til að halda áfram en það
kemur vonandi að því einhvern tímann.“
Hvað varðar sumarið þá segir Kristín fjöl-
skylduna hafa verið í Skotlandi meiri hluta
síðastliðins sumars: „Ég var að ljúka ritgerð
minni, sem var um almannatengsl hjá fyrir-
tækjum á Íslandi, og var lítill tími til annars.
Eftir að við komum heim hóf ég strax að
starfa af fullum krafti í Kauphöllinni, þannig
að gott frí með fjölskyldunni verður að bíða
betri tíma.“
markaðs- og kynningarstjóri
hjá Kauphöll Íslands
Aðalbjörg Kristín
Jóhannsdóttir
Nafn: Aðalbjörg Kristín Jóhannsdóttir.
Fæðingarstaður: Akureyri, 8. 12. 1971,
ólst upp á Dalvík.
Foreldrar: Jóhann Daníelsson og Gíslína
Hlíf Gísladóttir, búsett á Dalvík.
Maki: Rúnar Dýrmundur Bjarnason.
Börn: Bjarni Ívar, 8 ára, og Ísold Kristín,
6 ára.
Menntun: Kennarapróf frá KHÍ 1996.
Masterspróf í almannatengslum frá
University of Stirling 2005.
Aðalbjörg Kristín Jóhannsdóttir:
„Ég hafði lengi haft áhuga á
almannatengslum og lét verða að
því í fyrra að læra þau fræði; fór til
Skotlands og settist á námsbekk.“
FÓLK